Англия Премьер-лигасининг 19-тури расман кеча якунланган бўлса-да, жамоалар бугун яна яшил майдонларда саф тортишди. Бугун Премьер-лиганинг 20-турига старт берилди. Ҳозирча тўртта учрашув ўз якунига етди ва бир қатор кутилмаган натижалар гувоҳига айландик дейишимиз мумкин. Ҳозирга келиб якунига етган барча учрашувда меҳмонларнинг қўли баланд келди.
Тўрт ўйиндан буён ғалаба нималигини билмай келаётган "Челси" ниҳоят ғалаба қозонди. Виллаш-Боаш бу сафар ҳам мухлис ва мутахассисларга совға тайёрлаб қўйгани маълум бўлди. Ўтган ўйинларда жамоанинг асосий таркибида майдонга тушиб келаётган Дидье Дрогба ҳамда Даниель Старрижлар бу сафар ҳатто заҳира ўриндиғидан ҳам жой ола олмадилар. Фернандо Торреснинг ягона ҳужумчи сифатида илк дақиқаларданоқ мсайдонга туширилгани кутилмаган совға бўлди, дейиш мумкин. "Вулверҳэмптон" жамоаси ўйиннинг деярли 60-дақиқасигача тажрибали рақибига жиддий қаршилик кўрсатди.
Ўйиннинг 54-дақиқасида Рамирес томонидан киритилган гол, ўйин суръатини кескин ўзгартириб юборди. Мезбонлар энди "Челси" дарвозаси олдида тез-тез кўриниш бера бошлашди.
Мик Маккарти эса дарҳол майдонга янги кучларни ташлади. Қилинган ўзгаришлар кўп ўтмай ўз самарасини берди. Тинмай ҳужум уюштирган "бўрилар" 84-дақиқада ҳисобни тенглаштирдилар.
Ўйин яна дурангга қараб кетаётган бир пайтда "Челси" ғалабани илиб кетди. Лондонликларнинг "эски гвардияси" асосий вақт тугашига бир дақиқа қолганида ажойиб ҳужум уюштиршди. Фернандо Торрес қанотга Эшли Коул томон тўпни оширди, Коул эса кўп куттирмай тўпни жарима майдони ичига узатди ва жарима майдонига ёриб кирган Лемпард "Челси"га қимматли уч очко тақдим этган гол муаллифига айланди. 1:2 — Виллаш-Боаш жамоаси ниҳоят бешинчи ўйинда ўзининг илк ғалабасини қўлга киритди.
"ВУЛВЕРҲЭМПТОН" - "ЧЕЛСИ" 1:2 (0:0)
Голлар: Уорд 84 - Рамрес 54, Лемпард 89
"Вулверҳэмптон": Хеннесси, Стирмэн, Жонсон, Берра, Уорд, Фримпонг (Флетчер, 61), Генри, Форд (Джарвис, 46), Хэммилл, Эдвардс, Дойл (Фоули, 76)
"Челси": Чех, Босингва, Терри, Луис, Коул, Ромеу, Рамирес, Мейрелеш, Лэмпард, Мата (Макикрэн, 84), Торрес
Огоҳлантиришлар: Ҳэммилл, Генри, Дойл - Ромеу, Лэмпард
Ўтган турда "МЮ"ни "Олд Траффорд"да мағлубиятга учратиб сенсация кўтарган "Блэкбёрн" бу турда ўз майдонида мағлубиятга учради ва мухлисларини уялтириб қўйди. "Сток Сити" га қарши кечган ўйин, мезбонлар устози Стив Кин учун ҳаёт-мамот жанги эди. Питер Краучнинг дубли, "Блэкбёрн" устозининг курсисини анча қимирлатиб қўйган бўлса ажаб эмас. Ушбу мағлубият "Блэкбёрн"ни яна турнир жадвали тубига жойлаштирди.
"БЛЭКБЁРН" - "СТОК СИТИ" 1:2 (0:2)
Голлар: Гудвилли, 69 - Крауч, 17, 45
"Блэкбёрн": Банн, Лоу, Самба, Ханли, Хенли (Живе, 71), Нзонзи, Формика, Д.Данн (Рочина, 73), Петрович (Гудвилли, 59), Педерсен, Якубу
"Сток": Соренсен, Вудгейт, Шоукросс, Хут, Уилсон, Шоттон, Уайтхед (Диао, 87), Уилан (Дилэп, 82), Этрингтон (Джером, 80), Крауч, Уолтерс
Огоҳлантиришлар: Ханли, Рочина - Хут
Икки дебютантнинг баҳсида эса "Норвич"нинг қўли баланд келди. "КПР" учун ҳаммаси рисоладагидек кетаётганди. Ўйин бошида ҳатто ҳисобда ҳам олдинга чиқиб олишганди. Аммо уларни ўша машҳур Жои Бартон уялтириб қўйди. Яна ўша эски, "ҳурмача" қилиқларини қўмсаб қолган Бартон ўйиннинг 36-дақиқасида майдондан четлатилди ва ғалаба қозонаётган жамоасини қийин аҳволга солиб кетди. Меҳмонлар эса рақиб футболчиларининг саросимасидан фойдалана олишди. Ўйин якунланишига 7 дақиқа қолганида "Норвич" ғалаба тўпини киритди. Бу ерда ҳам, юқоридагиларга ўхшаган ҳисоб - 1:2.
"КУИНС ПАРК РЕЙНЖЕРС" - "НОРВИЧ" 1:2 (1:1)
Голлар: Бартон, 11 - Пилкингтон, 42, Морисон, 83
КПР: Кенни, Янг, Фердинанд, Габбидон, Хилл, Дерри, Фаурлин, Бартон, Таарабт (Кэмпбелл, 85), Макки (Райт-Филлипс, 46), Хельгусон (Македа, 80)
Норвич: Радди, Мартин, Уитбрэд, Айяла, Дрюри (Фокс, 66), Беннетт, Жонсон, Лэппин (Хулахан, 66), Пилкингтон, Холт (Морисон, 66), Жексон
Огоҳлантиришлар: Райт-Филлипс, Хельгусон - Айяла
Четлатиш: Бартон 36
Ўтган турда сенсация қайд этган жамоалардан бири "Астон Вилла" бу турда ҳам сенсация кўтарди. "Стемфорд Бриж"да "Челси"ни мағлуб эта олган "Вилла" ўз майдонида дебютант, қолаверса, меҳмондаги ўйинларда энг кам очко тўплай олган "Суонси"га мағлуб бўлди. Ажабланарлиси, "Астон Вилла" рақиб дарвозасига йўл топа олмади. Ҳар бир бўлимда биттадан гол киритган Уэльс клуби муҳим уч очкони қўлга киритди.
"АСТОН ВИЛЛА" - "СУОНСИ" 0:2 (0:1)
Голлар: Дайер, 4, Раутледж, 47
Астон Вилла: Гузан, Куэляр (Хаттон, 55), Коллинс, Данн, Уорнок, Айрленд (Олбрайтон, 68), Петров, Кларк (Бэннан, 85), Н`Зогбиа, Агбонлахор, Бент
Суонси: Ворм, Рангел, Колкер, Уилльямс, Тэйлор, Бриттон, Агустин, Орланди (Аллен, 58), Дайер (Синклейр, 78), Грэм, Раутледж
Огоҳлантиришлар: Данн, Коллинс - Ворм, Колкер, Орланди, Агустин
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
