Бугун футзал бўйича Ўзбекистон чемпионатининг 10-тур ўйинларига якун ясалди. Ушбу турда 2 дуранг ва 1 ғалабага эришган "Локомотив"ни бошқарган Фарҳод Мираҳмедовдан интервью олдик.
– Аввало, ушбу тур олдидан бўлган трансферлар ҳақида гапирсангиз. Таркибда қандай ўзгаришлар бўлди?
– Таркибимизга «Бунёдкор»дан ҳужумчи Жамолиддин Нормирзаевни қўшиб олдик. Шунингдек, иккинчи дарвозабонимиз жуда ёш эди. Шу сабабли, «Бунёдкор» дарвозабони Мирислом Миралиевни таркибга олиб келдик. Ундан ташқари, «Махам-Чирчиқ» таркибида фаолият олиб борган ҳимоячи Максим Гуляев ҳам жамоамизга келди. У жуда тажрибали. Шу орқали жамоамизни кучайтириб олдик.
Жамшид Расулов жамоадан кетди. У бунга қадар катта футболда ўйнаган ва шу сабабли унинг мослашиши учун вақт керак эди. Агарда ҳамма футболчиларга шундай вақт бериладиган бўлса, олдимизга қўйилган вазифаларни бажара олмаймиз. Мирзохид Хайдархўжаев ҳамда Хайрулла Солиҳовлар бошқа жамоага бориб, ўсиш, ривожланишни истаётганини айтди. Аслида улар иккаласи ҳам мавсумни яхши бошлаганди. Кейин бирданига ўйинлари ортга қараб кетди. Мендан рухсат сўрашди. Уларга ўзлари истаганидек жавоб бердим.
– 10-тур ҳақида гапирсангиз. Чиройли ўйинлар бўлди, кўплаб голлар урилди, 2 дуранг ва 1 ғалаба қайд этилди.
– Биринчи ўйин доимо қийин бўлган. Менимча йигитлар ўйиндан олдин ғалабага кўпроқ ишониб юборишди шекилли, ўйин давомида жуда қийналиб қолишди. Кутилмаган ҳолатлар кўп бўлди. Шунда ҳам жамоам ҳаракат қилди. Бир дақиқада учта гол уришди. 1 очко билан ўйинни якунладик. Ушбу баҳсдан кейин йигитларга анчагина танбех бердим. Шу сабабдан улар «Ҳуахин-Жиззах»га қарши баҳсда ўзларини кўрсата олишди. Бироз омадимиз келмади. Чунки ўйин шундай бўлдики, ютиб кетишимиз ҳам мумкин бўлиб турганди. Бу жамоа бекорга 3-ўринда эмас, таркиби жуда кучли, терма футболчилари талайгина. Шунингдек, бош мураббий ҳам термада ёрдамчи мураббий сифатида ишлайди. Шундай бўлсада, йигитларим яхши ўйнаб, рақибларини қийнаб қўйди, менимча буни ҳеч ким кутмади. Шу темпда пешқадам жамоаларни ҳам юта оламиз. Жамоани яхшигина кучайтириб олдик. Йигитлардан кўнглим хотиржам. Бугунги ўйиндан олдин берилган кўрсатмалар тўлиқлигича бажарилди ва мана учрашувни ютиб олдик.
– 2020 йилги мавсум «Локомотив» учун оғир келди. Асосий, ёшлар жамоамиз ҳам ўзини кўрсата олмади ва ўзига муносиб бўлмаган ўринларда қайд этилди. Футзал жамоамизнинг ушбу мавсумда таркиби ёшаргани ҳисобига юқори ўринларда бўла олмаяпти, десак бўладими?
– Пандемия барчани қийналиб қолди. Айни дамда 7-ўринда бўлсак, бир ёки икки ғалаба орқали 4-5-ўринларга чиқиб олсак бўлади. Жамоалар турнир жадвалида жуда зич жойлашган. Тўғрисини айтганда, янги футболчилар жуда кўп. Уларни жамоа ғояларига сингдириб олгунча вақт кетиб қолди. Ҳар кунлик машғулотлар орқали футболчилар бир-бирини тушуниб олиши жиҳатларини кучайтириб боряпмиз. Насиб қилса, буёғига олдин урилмаган голларни қўшиб уриб ташлаймиз. Шу орқали клуб раҳбариятини ҳам хурсанд қилиб, ғалабалар қўлга киритишга интиламиз.
– Барчани қизиқтираётган савол: Аҳад Юсуповни нега кўрмаяпмиз?
– Аҳад Юсупов айни дамда даволанмоқда. Шу сабабдан улар менга жамоани ташлаб кетдилар, мен ҳам уларнинг йўқлигини билдирмасликка ҳаракат қиляпман. Бу турдан кўнглим тўқ. Фақатгина биринчи ўйинда бироз қийналдик, дуранг ўйнаб қўйдик. Қолган ишлар эса барчаси жойида.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
