Кеча "Манчестер Сити" ўз майдонида "Ливерпуль" устидан ғалаба қозонди. Голлардан бирининг муаллифи жамоанинг африкалик легионери Яҳё Туре бўлди. Умуман, ушбу футболчининг жамоа ўйинида тутган ўрни ҳақида мунозаралар ҳозир авж олмоқда. Сабаби аниқ, яқинда Африка Миллатлар кубоги бошланади ва деярли бир ой мобайнида у Манчинига ёрдам бера олмайди.
Роберто Манчини ўйинларда сезиларли ротацияларни амалга ошираётгани таҳсинга сазовор, деярли ҳаммага имконият берилмоқда. Лекин турли вариантларда ҳам майдонга тушаётган ягона ўйинчи айнан Туредир.
Ўйиндан ўйинга ушбу футболчининг майдон марказида аҳамияти янада сезилиб бормоқда. Масалан, кечаги ўйиннинг 73-дақиқасида Гарет Берри майдондан четлатилди. Марказда "Ливерпуль" сон устунлигидан фойдалана олмаслигига Туренинг ажойиб ўйини сабаб бўлди.
Ўтган мавсумдаги кубок финалида ягона голни уриб, "шаҳарликлар"га 35 йиллик танаффусдан кейинги илк совринни тақдим этган футболчи ҳақида Манчини ҳам ўз фикрини билдирди. Жумладан, жамоадан кучли футболчилар кўплигини, Туренинг ўрни катта муаммо туғдирмаслигига ишонишини таъкидлади. Лекин барибир, мураббий бу ҳолни муаммо сифатида кўраётгани табиий.
Эътиборингизга, Туре "Манчестер Сити"га ёрдам бера олмаслиги аниқ бўлган ўйинларни ҳавола қиламиз:
11 январь. "Ливерпуль" (Лига кубоги) - уйда
16 январь "Уиган" - сафарда
22 январь. "Тоттенҳэм" - уйда
25 январь. "Ливерпуль" (Лига кубоги) - сафарда
01 февраль. "Эвертон" - сафарда.
Агар Фил суяги қирғоғи терма жамоаси чорак финалга чиқадиган бўлса, ўз майдонидаги "Фулҳем" билан ўйин, ярим финалгача борса, "Астон Вилла" билан сафардаги ўйин Туресиз ўтади. Мабодо, футболчи терма жамоаси билан финалгача борса, Европа Лигаси доирасидаги "Порту"га қарши сафардаги ўйин ҳам ўтказиб юборилади.
- Биз чемпионлик учун курашар эканмиз, Туресиз ҳам ғалаба қозона олишимизни кўрсатиш жуда муҳимдир. Шунинг учун январь ойи жамоа учун аҳамиятлидир, - деди Манчини. - Биз бу даврда бошқа Яҳе Туре топишга ҳаракат қиламиз, лекин шуни биламизки, бошқа Туре йўқ.
Яҳё Туренинг ўзи ҳам бу ҳақида ўз фикрларини билдирди, хусусан, у шерикларига ишонишини ва Африка Миллатлар кубогидан қайтгач, клуби билан чемпионлик курашида давом этишига ишонишини таъкидлаб ўтди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
