Испания Ла Лигасининг 23-тури доирасида “Реал Мадрид“ “Валенсия“ билан баҳс олиб борди. "Альфредо Ди Стефано“ ўйингоҳида кечган қизғин баҳс мадридликларнинг ишончли, 2:0 ҳисобидаги ғалабаси билан якунланди.
Мезбонларнинг устунлигида ўтган биринчи бўлимда, рақиб томонидан уюштирилган кўп сонли хавфли ҳужумлар натижасида “Валенсия“ ўз дарвозасидан иккита тўп олиб чиқишга мажбур бўлди.
Дастлаб, Бензема тайм бошларида рақиб дарвозасини ишғол этган бўлса, тайм сўнггига яқин, Тони Кроос жамоасининг иккинчи голига муаллифлик қилди. Иккинчи бўлимда ҳисоб ўзгармади ва “Реал“ ғалабани сақлаб қолган ҳолда 3 очкога эга чиқди.
Шу тариқа, “Реал“ ортида қолган 23 тур натижаларига кўра 49 очко билан турнир жадвалининг иккинчи поғонасида бормоқда. “Валенсия“эса бугунгача 24 очко тўплаб ўн иккинчи ўринни банд этган.
Реал Мадрид – Валенсия 2:0 (2:0, 0:0)
«Альфредо Ди Стефано»
Голлар: 1:0 – 12 Бензема, 2:0 – 42 Кроос.
"Реал Мадрид" – Куртуа, Начо, Варан, Карвахаль (Васкес, 28), Менди, Модрич (Иско, 79), Каземиро, Асенсио (Аррибас, 71), Кроос, Винисиус Жуниор, Бензема (Мариано Диас, 79).
"Валенсия" – Доменек, Габриэл Паулиста, Гайя, Ферру, Васс (Ли Кан Ин, 64), Солер (Олива, 64), Рачич, Вальехо (Гамейро, 46), Гедеш (Муса, 46), Тьерри Коррейя, Макси Гомес (Кутроне, 83).
Огоҳлантиришлар:
Гедеш (27), Рачич (44), Тьерри Коррейя (46).
Матнда хатолик топсангиз, ўша хатони белгилаб, бизга жўнатинг (Ctrl + Enter).