Колумбия соғлиқни сақлаш вазири Бразилия термасининг ЖЧ-2022 ўйини учун мамлакатга келишига қарши бўлмоқда
Колумбия соғлиқни сақлаш ва ижтимоий ҳимоя вазири Фернандо Руис коронавирус пандемияси туфайли ЖЧ-2022 саралаш босқичининг 5-туридан ўрин олган баҳс учун Бразилия терма жамоасининг Колумбияга келишига қаршилик қилмоқда. Сабаб — коронавируснинг янги штамми тарқалиши давом этмоқда. Шу боис, Колумбия 29 январь санасидан бошлаб қўшни мамлакат билан авиақатновларни бекор қилган.
«Ҳозирги пайтда Бразилия билан авиарейсни ташкил қилиш жуда қийин бўлади. Футбол жамоалари учун истисно қила олмаймиз. Биз Бразилиядан гуманитар рейсларни ҳам қабул қилмаяпмиз», — деди Руис.
Колумбия — Бразилия баҳси 26 март санасига белгиланган. Бразилия 4 турдан сўнг 12 очко билан пешқадамлик қилмоқда. Колумбия эса 4 очко билан 7-поғонани эгаллаб турибди.
Манба: sport24.ru
Киритилди: 09:25, 06.03.2021. Ўқилди: 3205 марта. Фикрлар: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар