Кеча Дзюдо бўйича Тошкент “Катта дубулға” мусобақасининг биринчи кун беллашувлари бўлиб ўтди. Кутилганидек, унда япониялик дзюдочилар умумжамоа ҳисобида пешқадамликни ўз қўлларига олишди.
Кун чиқар юрт вакилларидан Рюжу Нагаяма (-60 кг), Ута Абэ (-52 кг) ҳамда Момо Тамаоки (-57 кг) ўз вазн тоифаларида тенгсиз эканликларини яна бир бор исботлашган бўлса, Нацуми Цунода (-48 кг) финалда мўғилистонлик Уранцецег Мунхбатга имкониятни бой бериб қўйди. 1 та олтин ва 2 та бронза медалларини жамғарган Мўғулистон жамоаси иккинчи ўринни эгаллаб турган бўлса, Корея жамоаси кучли учликни якунлаб турибди. Ўзбекистон терма жамоаси эса 2 та бронза медали эвазига еттинчи поғонада турибди. Ўз навбатида ўзбек дзюдоси мухлисларини ушбу ғалабалар билан табриклаб, эртага курашадиган ҳамюртларимизга ҳам омад тилаб қоламиз.
Матнда хатолик топсангиз, ўша хатони белгилаб, бизга жўнатинг (Ctrl + Enter).