Боягина “Бунёдкор” клуби расмий сайтида жамоа раҳбари Бахтиёр Давлатов билан билан онлайн конференция ташкил қилинди. Эътиборга молик савол-жавобларни ҳавола қиламиз.
1. Нега “Бунёдкор”нинг янги стадионидаги қурилиш ишлари сустлашиб қолди. Кейин сиз Англияга қилган сафарингиздан ўрганган жиҳатларингизни шу стадионда кўрамиз мумкинми?
- Сиз Чилонзор худудига келиб, барчасини ўз кўзингиз билан кўришингиз мумкин. Барча қурилиш ишлари жадаллик билан олиб борилмоқда. Албатта, Англия, Германия ва ҳатто Донецкдаги "Донбасс-Арена" стадионларидан яхши жиҳатларни олишга ҳаракат қиляпмиз.
2. “Бунёдкор”га Жанубий Корея, Япония каби давлатларидан легионерлар чақириладими? “+1” ўрнини ким билан тўлдирмоқчисизлар ? “Бунёдкор”да илгаригидек машхур легионерлар бўладими?
- Жамоага хорижлик ва осиёлик легионерлар жалб қилиш бўйича, клубнинг селекция бўлими ва мураббийлар штаби ҳамкорликда иш олиб бормоқда.
3. "Бунёдкор" футбол клубида психологик хизмати йўлга қўйилган-ми? Умуман нима деб ўйлайсиз футболчилар билан психологлар ишлаши фойдали-ми?
- Ўйлайманки, психолог билан мулоқот қилиш футболчилар учун фойдали. Бироқ шуни унутмаслик керакки, жамоадаги бош психолог - бу бош мураббий!
4.ОФК томонидан эътироз билдирилган "Машъал" клубида мавжуд бўлган акцияларингиз тақдири нима бўлди?
- Мен акцияларимдан воз кечганман.
5."Бунёдкор" стадиони режалаштирилганидек май ойида топшириладими, стадионни томи ёпиладими? Жавоб учун олдиндан рахмат.
- Стадион шу йилнинг ёз ойида фойдаланишга топширилади.
6.Жамоани ҳужум чизиғини кучайтириш учун нималарни қилиш керак, деб ўйлайсиз? Миржалол акага ҳужумчилар билан ишловчи ҳориждан ёрдамчи таклиф қилишни-ми ёки ёшлар жамоасидан иқтидорли уйинчиларни асосий таркибга жалб қилишни-ми?
- Футболда алоҳида мураббийлар дарвозабонлар билан ишлашади. Миржалол Қосимоқ - яқин ўтмишдаги энг кучли футболчилардан бири. У ўз ишини жуда яхши билади. Унда ажойиб мураббийлар штаби бор. Ҳозирги кунда Қосимов ёш футболчиларга алоҳида эътибор қаратган. Айни пайтда Баҳодир Пардаев ҳужум чизиғини бемалол кучайтира оладиган даражада.
7. Трифунович жуда яхши ҳужумчи, лекин узимиздан ҳам яхши тўпурар чиқса яхши бўлар эди. Терма жамоада ҳам, клубларда ҳам ҳужум борасида муаммолар бор. шунинг учун яхши ҳужум мураббийи таклиф қилишни иложи бор-ми?
- Айни пайтда Баҳодир Пардаев ҳужум чизиғини бемалол кучайтира оладиган даражада.
8.Томас Брдаричнинг вазифаси нималардан иборат бўлади?
- Брдарич футбол академиямизнинг Германиядаги каби кучли бўлиши учун бош-қошлик қилади.
9. Самвел Бабаян ҳақида қандай фикрдасиз? Уни мамлакатимиздаги энг яхши менежер деб ҳисоблайсизми?
- Ҳа, Сизнинг фикрингизга қўшиламан. У "Пахтакор"нинг ривожи учун жуда кўплаб ишларни амалга оширмоқда.
10. Баҳром ака, Сиз фаолият юритган жамоалар ичида қайси бири қадрли: “Машъал”, “Насаф” ёки “Бунёдкор”?
- Қаерда ишлашимдан қатъи назар мен ҳар жойда сидқидилдан ва профессионал тарзда ишлаганман. Мен ёшлигимдан ва ҳозиргача "Янгиер" жамоасига мухлислик қиламан.
11. "Насаф"жамоасида булаётган хозирги узгаришлар Сизни ташвишга соллмаяпти-ми?.Ахир ушбу жамоага бефаркмассиз .
- "Насаф"га Рўзиқул Бердиев бош мураббий этиб тайинланди. У жамоанинг ҳақиқий жонкуяри ва унинг етакчиси. У футболчиликдаги тажрибаси ва кучли мутахассислардан ўрганган тажрибасига эга. Ўйлайманки, у ишончни оқлай олади. Бердиевга ва "Насаф"га омадлар тилайман
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бухоро
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
