Футболда ҳар қандай позицияда бўлгани каби, дарвоза чизиғида ҳам ажойиб формадаги кўплаб футболчилар бор. Мисол учун, аргентиналик посбон Эмилиано Мартинес "Арсенал"дан "Астон Вилла"га кетганидан афсусланмаслигини айтди, "Лидс"нинг франциялик дарвозабони Мелье ажойиб ўйинлар кўрсатмоқда, "Севиля"нинг кипери Буну ўтган ҳафтада гол урди.
Гарчи дарвозабонларни ярим жамоа деб атасак-да, баъзи пайтларда уларга кўп ҳам эътибор беравермаймиз. Сабаби, диққатимизни майдондаги ҳужумчига, ёки машҳурроқ футболчига қаратишга ўрганиб қолганмиз. Ҳозир эса биз сизлар билан Европа майдонларида тўп сураётган дарвозабонлар ҳақида суҳбатлашамиз.
10-ўрин. Уго Льорис ("Тоттенхэм")
Шмейхель, Де Хеа ёки Шесни - бу ажойиб дарвозабонлар, аммо ҳаттоки Угонинг ушбу мавсумда "Тоттенхэм" таркибида қилган хатолари ҳам жаҳон чемпионининг кучли томонларини инкор этмайди. Льорис дарвозасига йўлланган зарбаларнинг 77,2 фоизини қайтаришни уддалаган. Бу кучли бешлик чемпионатларидаги энг яхши кўрсаткичлардан бири. Ҳар қандай дарвозабонда бўлгани каби, франциялик побон ҳам "шпорлар"нинг ҳимоясидан норози. Буни исботлаш учун, ўтган йили кореялик ҳужумчи Сон Хин Мин билан бўлган жанжал ва яқинда бўлган Загребдаги муваффақиятсизликни эсланг. Льориснинг ўзи майдон ташқарисида совуққон эмаслиги айтилмоқда. Лекин майдондаги бу ҳолатлари ҳам дарвозабонга обрў олиб келмайди. У билан ишлаган мутахасисиларнинг айтишича, Уго учун клуб ва Франция терма жамоасидаги натижаси доимо биринчи ўринда туради.
9-ўрин. Алиссон Бекер ("Ливерпуль")
Ўтган йилги мавсум давомида Алиссон дарвозабонлар орасида кучли учликда эътироф этилаётган эди, аммо бу мавсум на "Ливерпуль"нинг, на Бекернинг омади келмаяпти. Жамоа ҳимоясидаги жароҳатлар туфайли, "мерсисайдлар" деярли ҳар учрашувда ротация ишларини амалга оширишди. Аммо, бу ҳолат баъзи учрашувларда ўзини оқламади. Буни "Ливерпуль"нинг турнир жадвалида пастки поғоналардан жой олганидан билишингиз мумкин. Қолаверса, 1 ойлар аввал Алиссоннинг отаси Бразилиядаги уйи яқинидаги кўлга чўкиб кетиб вафот этди. Бу ҳам дарвозабонга руҳий томондан зарба бўлди. Аммо ҳозирда Клопп ва унинг жамоасинини ишлари бироз яхшиланган. Европа чемпионлар лигаси чорак финали доирасидаги "Реал"га қарши учрашувда эса, айнан Алиссонга катта ишонч билдирилмоқда. Сабаби, ҳимоядаги камчиликлар ҳали ҳам бартараф этилмаган. Шунинг учун ушбу баҳсда бразилиялик посбон катта ишни бажариб бериши таълаб этилади.
8-ўрин. Жанлуижи Доннарумма ("Милан")
Италиялик дарвозабон кўпинча унчалик эсга олинмайди, чунки италияликлар йиллар давомида ўз юртида фақат Буффон, кейин эса бошқалар бор, деган стереотипни яратдилар. Аммо Жанлуижи ҳозирда "Ювентус"нинг захира ўриндиғи футболчиси ҳисобланади, лекин Доннарумма "Милан" ва Италия терма жамоасининг энг ишонга футболчиси ҳисобланади. Ҳозирда Доннаруммани ўз сафига қўшиб олишни хоҳлаётган жамоаларнинг сони талайгина, лекин италиялик кипер жамоада қолишни хоҳламоқда. "Милан" ҳозирда А Серия жадвалида 2-ўриндан жой олган ва ушбу натижада дарвозабоннинг ҳам меҳнатлари жуда катталигини айтиб ўтиш зарур.
7-ўрин. Самир Ханданович ("Интер")
Яқинда Ҳандановични коронавирусга топширган тесининг натижаси салбий чиққанлиги ҳақида хабарлар чиқди. Бу ҳолатдан "Интер" мухлислари қувонгани аниқ. Сабаби, Скудетто учун курашнинг энг қизғин жойига келганда, асосий таркиб дарвозабонидан ажралиш ҳеч кимга хурсандчилик олиб келмайди. Словениялик дарвозабон дунёнинг энг яхши пенальтиларни қайтарадиган футболчилар қаторида ҳам эътироф этилади. Гарчи Словения терма жамоасидаги ўрнини Облакка бўшатиб берган бўлса-да, унинг маҳоратига ҳеч ким шубҳа қилмайди. Агар, ушбу мавсумда Ҳанданович Италия чемпионлигини қўлга киритса, энг яхши мавсумларининг бирини ўтказган бўлади.
6-ўрин. Эдерсон ("Манчестер Сити")
Эдерсон туғма истеъдод билан ажралиб туради. У ниҳоятда кучли зарбага эга кам сонли дарвозабонлардан бири. Тўпни узоқдан эгаллаб олиш қобилияти борлигини ҳам айтиб ўтиш керак. Гвардиола мудофаа чизиғи ҳар доим кучли футболчилардан ташкил топган бўлади. Бу эса дарвозабонларга бир қанча қулайликларни олиб келади. Аммо бу билан Мораеснинг қобилиятига шубҳа қилманг. Чунки бразилиялик дарвозабон ҳақида у кўрсатган натижалар гапиради. У АПЛда тўпни қайтариш бўйича энг яхши кўрсатгичга эга - 78,3%. Эдерсоннинг натижасини ушбу мавсум Премер-лигада бошқа дарвозабонлар қайд эта олмаган.
5-ўрин. Кейлор Навас (ПСЖ)
Кейлор ушбу рейтингимизда кучли бешликка киради, чунки Навас бу йил дарвоза чизиқда ажойиб ўйинларни намойиш этади. "ПСЖ"нинг узоқ муддатли етакчи ва сардори Сильва жамоадан кетгандан сўнг, ҳимоядаги ўйинлар бироз ёмонлашди. Лекин ушбу ҳолат коста-рикаликнинг натижаларига таъсир қилмади. Тухел жамоанинг мураббийи бўлган пайтда, вақти-вақти билан дарвозабонларда ротация ишларини амалга оширар эди. Лекин, ҳозирда Поччетино тўлиғича Навасга ишонч билдирмоқда. Ўтган йилги Чемпионлар Лигаси финалида коста-рикаликка ниҳоятда қийин бўлди. Сабаби, "Бавария" парижлик рақибларига қарши ўйинда рақибидан устунроқ ҳаракат қилди. Лекин қувонарли томони шундаки, Навас немислар берган зарбаларнинг 86,5% қайтаришга эришди. Жорий мавсумдаги ЕЧЛ мусобақасида ҳам, дарвозабон ажойиб натижалар қайд этмоқда. Кузатамиз, балки "ПСЖ"нинг Европани забт этадиган пайти келгандир?!
4-ўрин. Тибо Куртуа ("Реал")
Куртуа ҳалигача ўзини Чемпионлар Лигасида кўрсата олмади - унинг ЕЧЛдаги натижалари ёмон бўлса-да, аммо Ла Лига ҳам мавжудлигини унутмаслик керак. Испанияда Тибо зарбаларни қайтариш бўйича иккинчи ўринда туради. Баъзан икки метрли бу йигитнинг тезкор ҳаракатлар билан сакраб, ўта мураккаб зарбалар йўлига тўғаноқ бўлиши ғайритабиийдек туюлади. Балки, шу қобилияти билан доимо энг кучлилар қаторида эътироф этилар.
3-ўрин. Марк-Андре тер Штеген ("Барселона")
Тер Штеген "Барса"нинг энг яхши футболчиларидан бири ҳисобланади. Немис дарвозабони анча пайтдан бери каталония жамоаси шарафини ҳимоя қилиб келмоқда. Аммо, Марк ва унинг жамоасининг бир неча мавсумдан бери на ЕЧЛда, на Испания Ла Лигасида омади келмаяпти. Сабаби эса оддий. "Барселона" Луис Энрикедан кейин ўзига муносиб мураббий топа олмаяпти. Ўтган мавсумда Чемпионлар Лигасидан шармандали тарзда чиқиб кетиши, қолаверса ички чемпионатда ҳам омадсиз мавсум. Лекин буларнинг ҳеч бирида тер Штегенни айблаш мумкин эмас. Чунки, ўша пайтда жамоа тўлиғича ишдан чиққан эди. Жорий мавсумда немис дарвозабони "ПСЖ"дан қабул қилинган қақшатқич зарба қабул қилиб олди. Яъни, "Камп Ноу"да кечган учрашувда ўз дарвозасидан 4 марта тўп олиб чиқишга мажбур бўлди. Лекин, ушбу ҳолат Маркнинг обрўсига таъсир қимади ва рейтингимиздан 3-ўриндан жой олди.
2-ўрин. Мануэль Нойер ("Бавария")
Мануэльда футбол қизиқишини йўқотган мавсумлар бўлган. Эҳтимол, буни унинг ўйинида пасайиш бўлганлиги билан таққослаш мумкин. Аммо ундаги бу ҳолат кучли дарвозабонлар орасида, иккинчи ўринни олишига тўсқинлик қилмади. "Бавария" ўтган йили Европада клублар билан ютиш керак бўлган барча кубокларни қўлга киритди. Чемпионлар Лигасидаги энг яхши дарвозабон каби индивидуал совринларга ҳам эга чиқди. Буларнинг ҳаммаси, унинг маҳоратидан далолатдир. Айни пайтда Мануэль бошчилигидаги "Бавария" бундеслига жадвалида 1-ўринда кетаётган бўлса, ЕЧЛда ҳам ўз юришини давом эттирмоқда. Уларнинг чорак финалдаги рақиби - "ПСЖ". Агар, "немис машинаси" ушбу жамоани ҳам мусобақадан чиқариб юборса, "шалпангқулоқ" кубок учун 1-рақамли даъвогарга айланади. Бу эса Нойер учун дунёда энг яхшилардан бири эканлигини, яна бир исботлаши мумкин бўлади.
1-ўрин. Ян Облак (Атлетико)
Облакнинг яхши дарвозабон эканлиги бир неча бор исботланган, ҳатто "Атлетико"нинг мудофаа чизиғида муаммолар бўлганда ҳам, словениялик кипер катта саҳнага чиқиб жамоасига ёрдам бериб келган, Яннинг иқтидорини исботлайдиган яна бир неча кўрсатгичлар бор. Биринчидан, ҳамма мавсумларда ҳам Симеоне жамоаси ҳимояда малакали ўйнамайди. Иккинчидан, Ян терма жамоани доимо тортиб юради ва бундан Дзюбанинг дубли бундан мустасно, албатта. Сабаби, ушбу голларда Облакнинг айби йўқ. Учинчидан, ҳаттоки "Реал" ва "Барселона" жамоаларида ҳам кучли дарвозабонлар бўлса-да, кўпинча айнан словениялик дарвозабон мавсумнинг энг яхшиси бўлади. Қолаверса, Ла Лигада энг кам гол ўтказиб юборган дарвозабон ҳам айнан Ян ҳисобланади. Облакнинг тўртта соврин бор, аммо эҳтимол ушбу мавсум охирида бешинчи совринини қўлга киритиши мумкин. Ажойиб дарвозабон. Аммо, унинг терма жамоаси Жаҳон ва Европа чемпионатларида қатнашолмаслиги ачинарли ҳолатдир.
Жамшиджон Маҳмудов тайёрлади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Фурқат Қурбонов
Холис таҳлилчи блоги
Жалолиддин Қобилжонов
Ҳасанали ота
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
