Европа минтақасида ЖЧ—2022 саралаши 3-тури доирасидаги бир қатор учрашувлар 30 март, сешанба куни бўлиб ўтди.
"А" гуруҳидан ўрин олган ўйинда Португалия Люксембург майдонига сафар қилди ва 3:1 ҳисобидаги ғалабани қайд этди. Криштиану Роналду, Диогу Жота ва Жоау Палинянинг голларига мезбонлар Жерсон Родригешнинг ягона голи билан жавоб қайтарди. Гуруҳда Португалия 7 очко пешқадамлик қилаётган бўлса, Люксембург 3 очко билан 3-ўринда бормоқда.
Бельгия ўз майдонида Беларусни қабул қилиб, йирик ғалабани тантана қилди. Бельгия сафида Миши Батшуайи, Ҳанс Ванакен (дубль), Леандро Троссард (дубль), Жереми Доку, Деннис Прат, Кристиан Бентеке каби ўйинчилар ўз номига гол ёздириб қўйди. Шу тариқа ўйин 8:0 ҳисобида мезбонларнинг ғалабаси билан якунланди. Бельгия 3-турдан кейин 7 очко билан "E" гуруҳида пешқадамлик қилмоқда. Беларусь эса (3) 4-ўринда бормоқда.
Нидерландия меҳмонда Гибралтар дарвозасига жавобсиз 7 та тўп киритди. Голлар Стивен Бергёйс, Люк де Йонг, Мемфис Депай (дубль), Жоржиньо Вейналдум, Дониэлл Мален ва Донни ван де Бек ҳисобига ёзилди. Нидерландия "G" гуруҳида 2-ўриндан жой эгаллаган, бирорта ҳам очко ололмаган Гибралтар эса сўнгги, 6-ўринда бормоқда.
"H" гуруҳидан ўрин олган ўйинда Россия меҳмонда Словакияга 2:1 ҳисобида имкониятни бой бериб қўйди. Мезбонлар сафида Милан Шкриньяр ва Роберт Мак гол урган бўлса, русларнинг ягона жавоб голи Марио Фернандес ҳисобига ёзилди. Жамоалар гуруҳда 6 (Россия) ва 5 (Словакия) очко жамғарган ҳолда 2 ҳамда 3-ўринларни эгаллаб турибди.
Хорватия эса Мальтадан 3:0 ҳисобида устун келди. Голларга Иван Перишич, Лука Модрич ва Йосип Брекало муаллиф бўлди. Хорвартлар ушбу ғалабадан сўнг 6 очко билан гуруҳ пешқадамига айланиб олди.
Дастлабки 2та турди кучли рақиблар устидан йирик ҳисобда ғалаба қозонган Туркия терма жамоаси, кутилмаганда, ўз майдонида Латвия билан дуранг ўйнади. Турклар ўйин давомида иккита тўп фарқи билан олдинда бора туриб, сўнгги дақиқаларда ғалабани қўлдан чиқаришди — 3:3.
ЖЧ—2022 саралаш босқичи, 3-тур
30 март, сешанба
Люксембург – Португалия 1:3
Голлар: 10 – 30 Родригеш, 1:1 – 45 Диогу Жота, 1:2 – 50 Роналду, 1:3 – 80 Палиня.
Бельгия – Беларусь 8:0
Голлар: 1:0 – 14 Батшуайи, 2:0 – 17 Ванакен, 3:0 – 38 Троссард, 4:0 – 42 Доку, 5:0 – 49 Прат, 6:0 – 70 Бентеке, 7:0 – 75 Троссард, 8:0 – 89 Ванакен.
Гибралтар – Нидерландия 0:7
Голлар: 0:1 – 41 Бергейс, 0:2 – 55 де Йонг, 0:3 – 61 Депай, 0:4 – 62 Вейналдум, 0:5 – 64 Мален, 0:6 – 85 ван де Бек, 0:7 – 88 Депай.
Словакия – Россия 2:1
Голлар: 1:0 – 38 Шкриньяр, 1:1 – 71 Фернандес, 2:1 – 74 Мак.
Черногория – Норвегия 0:1
Гол: 0:1 – 35 Сёрлот.
Туркия – Латвия 3:3
Голлар: 1:0 – 2 Караман, 2:0 – 33 Чалхонўғлу, 2:1 – 35 Савалниекс, 3:1 – 52, пенальти Йилмаз, 3:2 – 58 Улдрикис, 3:3 – 79 Икауниекс.
Уэльс – Чехия 1:0
Гол: 1:0 – 81 Жеймс.
Озарбайжон – Сербия 1:2
Голлар: 0:1 – 16 Митрович, 1:1 – 59, пенальти Маҳмудов, 1:2 – 81 Митрович.
Кипр – Словения 1:0
Гол: 1:0 – 42 Питтас.
Хорватия – Мальта 3:0
Голлар: 1:0 – 62 Перишич, 2:0 – 76, пенальти Модрич, 3:0 – 90 Брекало.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
