Дунё футболи тарихида шундай футболчилар борки, ўз даврининг энг яхшиларидан бўлган. Ўзи ўйнаган жамоаси совринлар ютишига ёрдам берган, лекин биргина Чемпионлар лигасида ғолиб бўлиш унга армонлигича қолган. Ҳозир эса мазкур чемпионатда умуман ғолиб бўлмаган футболчилар ҳақида бироз суҳбатлашамиз.
10. Алексис Санчес
Чилилик ажойиб футбол устаси, лекин унинг Чемпионлар лигасида «кетмони учмаган»ини айтиб ўтиш керак. 2015 йилда «Барселона» жамоаси мазкур кубокни кўтаришидан бир йил олдин, у Каталониядаги фаолиятини якунлаб Англиянинг «Арсенал» жамоасига кўчиб ўтганди. «Тўпчилар» сафида 2018 йилгача ўйнаган футболчи, кейинчалик «Манчестер Юнайтед»га кўчиб ўтган, лекин бу совринга эга чиқиш насиб қилмаган. Жорий мавсум ҳам Италиянинг «Интер» жамоаси билан мазкур мусобақада қатнашган чилилик учун омадсиз бўлди, чунки «Интер» бу мавсумда гуруҳ босқичидан нарига ўтолмади. Балки, кейинги мавсумда омади келар.
9. Сеск Фабрегас
/origin-imgresizer.eurosport.com/2010/03/08/588213-22264848-2560-1440.jpg)
Сеск Фабрегас «Барселона»га қайтгач, Чемпионлар Лигасида ғолиб бўлишига ишонаман деб ўйлаган бўлса керак. 2006 йилги финалда ўзининг «Арсенал» жамоасини мағлубиятга учратган каталонияликлар 2009 ва 2011 йилларда яна Чемпионлар лигаси совринини қўлга киритишди, 2011 йил ёзида Фабрегас ўзининг болалик клубига қайтди. Бироқ, «Камп Ноу»даги уч мавсумида «Барселона» иккита ярим финал ва чорак финалда мағлубиятга учради. Фабрегас 2014 йил ёзида Лондонга қайтиб келди, шундан сўнг «Барселона» зудлик билан яна Чемпионлар Лигасини ютди. У «Челси» жамоасида тўп сурганида ҳам қитъада ғалаба қозона олмади ва ҳозирда «Монако» сафида тўп тепаётганини ҳисобга олсак, Сескда ҳам ЕЧЛ соврини армон бўлиш эҳтимоли жуда юқори.
8. Жоржино Кьеллини
2005 йилда чемпионлар лигасида соврин ютишни истаб «Ювентус» жамоасига ўтган Жоржино ҳозиргача туринликлар сафида ўйнамоқда. Кьеллини 2011 йилдан то ҳозиргача «Ювентус» билан Италияда чемпионликни ҳеч қайси жамоага бермаяпти. Шу билан бирга уч марта италия кубоги ва тўрт марта Италия суперкубогига эга чиққан футболчи учун «шалпангқулоқ» кубокни ютиш насиб қилмаган. Италиялик «Юве»га ўтганидан бери иккита финалда иштирок этди, аммо италияликларни «Барселона» (2015 йилда 3:1) ва «Реал» (2017 йилда 4:1) мағлубиятга учратган. 2018 йилда Чемпионлар лигасини 5 марта ютган футболчи Криштиану Роналдуни ҳам Туринга олиб келишди, лекин бу футболчи билан ҳам Кьеллинига кубокни боши узра кўтариш насиб қилмаяпти. Жорий мавсумда ҳам «Ювентус» ва Жоржинога ЕЧЛ омадсиз якунланди. Туринликлар 1.8 финалда «Порту»га имкониятни бой бериб, мусобақани эрта тарк этди.
7. Фабио Каннаваро
/https://specials-images.forbesimg.com/imageserve/5e99a1aa638cae0006ca0086/0x0.jpg?cropX1=0&cropX2=960&cropY1=19&cropY2=559)
Италиянинг барча вақтлардаги буюкларидан бири бўлган Каннаваро 2006 йилги «Олтин тўп»ни қўлга киритди ва 138 та халқаро ўйинларда тўп сурди ва бу рўйхатдаги бошқа футболчидан кейин иккинчи ўринни эгаллади. 1990 йилларнинг охирларида, Европадаги анча кучли ўйнайдиган «Парма»да, кейинчалик эса «Интер», «Ювентус» ва «Реал»да ўйнашига қарамай, Жаҳон чемпионининг медаллари коллекцияси каторида Чемпионлар Лигаси кубоги етишмаяпти.
6. Роберто Баджо
Шунча иқтидорга эга бўлган Баджонинг фаолияти давомида атиги тўртта асосий совринни қўлга киритгани бироз ажабланарли: «Ювентус» ва «Милан» билан А Серия, шунингдек, УЕФА кубоги ва Италия Кубоги чемпионлиги соврини билангина мақтана олади. Фаолиятида “Виченса”, “Болонья”, “Интер” ва “Брешия” каби жамоалар сафида тўп тепган италиялик футболчи, 1996/97 йилларда «Милан» сафида Чемпионлар Лигасидаги дебютини ўтказди ва икки йилдан сўнг чорак финалгача чиққан. Аммо кейинчалик ишлари юришмаган.
5. Франческо Тотти
Болалигидан битта жамоани севган ва футболчилик даврида битта клубда ўйнаган, Тотти «Рома»да дебютини 1993 йил март ойида ўтказган. 2014 йил октабр ойида у 38 ёшу 59 кунлигида Москванинг ЦСКА жамоасига қарши баҳс олиб борганида, Чемпионлар Лигаси тарихидаги энг кекса гол муаллифига айланди. Жаҳон чемпиони ғолиби 2001/02 йилги мусобақада дебют қилган, аммо 2006/07 йилги мавсумда «Рома» чорак финалда «Манчестер Юнайтед» томонидан умумий ҳисобда 8:3 ҳисобида мағлубиятга учратилган. Кейинги йили «бўрилар» яна чорак финалга чиқишди, аммо Тотти ҳеч қачон Чемпионлар Лигасининг ушбу босқичидан нарига ўтиб кета олмади.
4. Деннис Бергкамп
Бергкампнинг «Арсенал»даги сўнгги ўйини 2006 йилги Чемпионлар Лигаси финали эди, ўшанда нидерландиялик футболчи «канонирлар»нинг «Барселона»дан мағлуб бўлишида фойдаланилмаган захира ўйинчиси бўлган. Шунингдек, у «Арсенал» таркибида 2003/04 йилларда «Челси» устидан Лондон дербисида умумий ҳисобда 3:2 ҳисобида ғолиб чиққанида, ЕЧЛнинг энг кучли саккизталик жамоалари орасига кирган. Ушбу босқичга қадар Бергкамп Европа саҳнасида «Аякс»да ҳам, «Интер»да ҳам бундан юқорироқ ўринларга чиқиш насиб қилмаган.
3. Роналдо
Бразилиялик Роналдо икки маротаба «Олтин тўп»ни ва уч марта ФИФАнинг «Йилнинг энг яхши ўйинчиси» совринини қўлга киритган, аммо унга Чемпионлар лигаси олтин медаллари армон бўлган. У «Реал»га 2002 йилда, тўққизинчи ЕЧЛ кубогини қўлга киритгандан бир неча ой ўтиб келган эди. Шундан сўнг Европа майдонлари Мадрид жамоасига омадсиз келган. «Сўйлоқ» 2003 йилда ғолибликка жуда яқин келади, аммо ярим финалда уларнинг юришига нуқта қўйилади
2. Жанлужжи Буффон
Дунёда ажойиб дарвозабонлар кўп. Жанлужжи Буффон энг зўрлардан бири. Буффон 2003 йил УЕФА Чемпионлар Лигасида йилнинг энг яхши ўйинчиси совринини қўлга киритган, аммо унинг «Ювентус» жамоаси финалда италиялик рақиби «Милан»га пенальтилар сериясида ютқазган. Шундан сўнг Турин жамоаси учун омадсизликлар бошланган, жамоа «Б серия»га тушуриб юборилади. Кейинчалик Буффонга бошқа жамоадан кўп таклифлар тушган, аммо маҳоратли дарвозабон жамоасига содиқ қолган ва ҳозиргача «Ювентус» сафида тўп тепиб келмоқда. Андре Пирло мураббийлиги остидаги «кекса синьора» бу йилги Европа Чемпионлар Лигасида ҳам омадсиз иштирок этди, аммо миш-мишларга қараганда Жанлужжи яна бир мавсум туринликлар сафида қолиши мумкин. Эҳтимол Буффоннинг омади янги мавсумда келар. Кузатамиз.
1. Златан Ибрагимович
Сўнгги мавсумларда Златан Ибрагимович ҳар йили чемпионлар лигасида қатнашмоқда (серия ниҳоят бу йил ниҳоясига етди), аммо у қитъанинг энг яхши клублар чемпионати олтин медалларини олиш учун ҳар доим ҳаракат қилиб келган. Унинг 2009 йилда «Интер»дан «Барселона»га ўтиши буларнинг барчасини ўзгартириши керак эди, аммо ўша мавсумда у тарк этган жамоа - «Интер»нинг бу мавсумда еврокубокларда омади келади ва швецияликнинг омади келмади. Кейинчалик ҳам кўпгина номдор жамоаларда тўп сурди, лекин бу мусобақада ҳеч омади келмаган. Ҳозирда Италиянинг «Милан» жамоасида тўп тепмоқда ва ҳозирда клуб Италия А сериясида 2-ўринда кетмоқда. Балки, кейинг мавсумда ҳам бу футболчини ЕЧЛ мусобақасида кўрармиз.
Эслатиб ўтамиз: Златан ҳозирда 40 ёшда ва ҳалигача ажойиб формада майдонда ҳаракат қилмоқда.
Жамшиджон Маҳмудов тайёрлади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
