«Рома» бош мураббийи Луис Энрике Италия чемпионати 19-турида «Чезена» устидан қозонилган ғалабадан сўнг ҳали қилиниши керак бўлган ишлар кўплигини таъкидлаб ўтди. Бу ҳақда «Football Italia» интернет-нашри хабар бермоқда.
«Рома» ва «Чезена» ўртасидаги учрашув 5:1 ҳисобида римликлар ғалабаси билан якунига етди. Ўйинда Франческо Тотти дублга эришган бўлса, Борини, Жуан ва Пьяничлар ўз ҳисобларига биттадан гол ёзиб қўйишди. «Чезена»нинг ягона голи Эдер ҳисобига ёзилди.
«Кўринишидан, биз бугун осонликча ғалаба қозонганга ўхшаймиз, чунки жамоа амалда аъло даражада ўйин кўрсатди. Мен ҳали ҳам «Чезена»ни кучли, аъло даражадаги жамоа деб ҳисоблайман, шунчаки, бугун биз жуда ҳам юқори савиядаги футболни намойиш этишга муваффақ бўлдик», деди испаниялик мутахассис.
«Тотти фавқулодда иқтидорли ўйинчи ва у исталган вақтда рақиб дарвозасини ишғол қилиши мумкин. Статистик маълумотларнинг ўзигина унинг нималарга қодирлигини кўрсатиб турибди», дея қўшимча қилди «Рома» устози.
«Ишончли натижага эришганимизга қарамай, биз кийим алмаштириш хонасида байрам қилганимиз йўқ, чунки сешанба куни бизни Италия Кубоги доирасида «Ювентус»га қарши муҳим баҳс кутиб турибди», деди Луис Энрике.
«Сўнгги вақтларда нималар ўзгарди? Бу – миллион евролик савол. Хорижлик киши учун тилида гапира олмайдигани мамлакатда ишлаш осон эмас. Йигитлар мени нима талаб қилаётганимни, қандай ўйинни кўришни хоҳлаётганимни тушуна олишаётгани жуда ҳам яхши. Шогирдларим мени фаолиятимизнинг илк кунидан тинглашни бошлашганди, биз ўз ўйинимизни топиб олишимиз учун яхшигина ишлашимизга тўғри келди», деди «Рома» устози.
«Ҳали яхшилашимиз керак бўлган жиҳатлар кўп, аммо «Чезена»га қарши учрашувнинг биринчи бўлимида ажойиб тарзда ўтказдик. Ўз вазифаларини юз фоизга бажарган футболчиларимни мақташдан бошқа иш қолмади менга», дея қўшимча қилди «Рома» бош мураббийи Луис Энрике.
«Рома» 18 учрашувдан сўнг 30 очко тўплагани ҳолда, «А» Серияда 6-ўринда бормоқда. Мусобақа пешқадами «Ювентус» билан орадаги очколар фарқи 11га тенг. Жамоа сўнгги беш учрашувнинг тўрттасида ғалаба қозониб, фақат бир марта дуранг ўйнаган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
