«Манчестер Юнайтед» бош мураббийи Сер Алекс Фергюсон, бугун бўлиб ўтадиган «Арсеналга» қарши ўйин ҳақида ўз фикрларини билдириб ўтаркан, рақиб жамоа таркибидаги Робин ван Перси ўйинларини алоҳида эътироф этиб ўтди.
«Ван Персини тўхтатсанг, «Арсенал»ни тўхтатасан. Ҳозир айнан шунақа. Унинг бу мавсумдаги спорт формаси ҳайратга соляпти. Киритган голлари миқдорида ҳам буни кўриш мумкин. Умид қиламанки, бўлажак ўйинда у голлари миқдорини яна бир нечтага ошириб олмайди. «Арсенал» ҳозир ҳақиқатдан ҳам унга боғланиб қолган. Лекин мен буни нормал ҳолат деб ҳисоблайман. Мисол учун ҳозир «Барселона»да ҳам ҳудди шунақа вазият. Агар Мессини тўхтатсанг, ҳамма билган «Барса» бўлмай қолади. Роналуни тўхтата олсангиз, «Реал» ҳам одатдаги «Реал» бўлмайди».
«Деярли барча кучли жамоаларда ўйин тақдирини ёлғиз ўзи ҳал эта оладиган футболчи бор. «Ман Сити»да Давид Силва, «Челси»да узоқ йиллар давомида кўп нарса Дидье Дрогбага боғлиқ бўлиб келган».
«Дарвоқе, мен ван Персининг «Фейеноорд» ёшлар жамоасида ўйинларини кузатганман ва у билан жиддий қизиққанман. Аммо унинг ўйинини қўришга борганимизда у ҳатто ўйиннинг оҳиригача ҳаракат қилмаганди. Четлатилганмиди, алмаштирилганмиди, ҳозир аниқ эсимда йўқ. Нима бўлганда ҳам биз у бўйича таклиф билан чиқишга қарор қила олмаганмиз. Фикримча, биз уни етарлича кузатмаганмиз. «Арсенал» бўлса вазиятни тўғрироқ баҳолай олган ва пировардида ажойиб футболчини қўлга киритган».
Матнда хатолик топсангиз, ўша хатони белгилаб, бизга жўнатинг (Ctrl + Enter).