УEФА ташкилоти 2024 йилдан бошлаб, Чемпионлар Лигасида ўзгаришлар бўлишини тасдиқлади. Ушбу ўзгартиришлар гуруҳдаги ўйинлар сонини 10 тага етказиш ва кўрсатилган натижаларга қараб қўшимча ўринлар ажратишни ўз ичига олади. Аммо Ла Лига президенти Хавиер Тебас, ушбу ўзгаришлар юзасидан ўзининг салбий фикрини билдириб ўтди.
Ўтган ойда ташкилот тасдиқлаган ўзгаришларнинг туб моҳияти, амалга ошмаган Суперлига ғояси билан чамбарчас боғлиқ. Яъни Суперлига тузилмаслиги учун мусобақа форматида ўзгаришлар қилиш керак бўлади.
Суперлига лойиҳаси юзага келгач, Европа футболидаги айрим камчиликлар аён бўлди. Хусусан, АПЛ ижрочи директори Ричард Мастерс ҳам бунга тўхталиб: "Еврофутболни қайта мувозанатлаштириш керак бўлади. Негаки, ҳозирги футболга умумий оммадан кўра, бир гуруҳ гранд клублар ва уларнинг мухлисларининг таъсири кўпроқ сезилаяпти. Буни Суперлига машмашаси чоғида ўзимиз ҳам гувоҳи бўлдик", деб фикрларини айтиб ўтди.
Ла лига президенти Хавьер Тебас ва Клублар Маслаҳат Платформаси (САП) аъзолари, Суперлига тузишга уринган клублар, бутун футбол оммасининг фикрига ва УEФА ички маслаҳат органлари қарашларига кучли таъсир кўрсатганига ишонмоқда. Тебас бу ҳақда қуйидагича фикрлар билдирди: "Ўйлашимча, ушбу инқирозли вазиятдан кейин ҳамма, хусусан, УEФА ва миллий лигалар ҳам ўзининг қадрият ҳамда экотизимлари ҳимоясига кўпроқ эътибор беришади. Шуни ҳам айтиб ўтишим керакки, Суперлига ғоялари ҳали ҳам мавжуд ва унга қарши курашиш учун УEФА керакли чораларни кўриши шарт".
Шундан сўнг, Тебас УEФА томонидан ЕЧЛга киритилаётган ўзгаришларга тўхталиб ўтди. Клубларни олдин кўрсатган ўйинларига қараб жой ажратиш, олтиталик гуруҳ ўйинларидан 10 талик тизимга ўтказилиши (швейцарча модель) – турнирнинг қийматини ва унга бўлган қизиқишни пасайтириши мумкинлигидан хавотир билдирди. Қолаверса, бу нарса телетранслацияларга ҳам салбий таъсир кўрсатади.
Тебаснинг таъкидлашича, бу борада гуруҳда 10 талик ўрнига саккизталик ўйин тизими маъқулроқ. Агар бу тизим ўзини оқласа, кейин 10 таликка ўтиш ғоясини кўриб чиқиш мумкин бўлади.
Тизим ўзгартирилиши юзасидан Европа Лигалари бизнесини ривожлантириш ва ақл маркази менежери Антони Блекбарн ҳам фикр билдирди. Унга кўра, УEФА янги форматни мукаммал ўйлаб кўрмагани, музокаралар ҳали ҳам давом этаётгани ва барча ўзгартиришлар йил охирига қадар белгиланишини айтиб ўтган.
Клублар Маслаҳат Платформаси анжуманида ЕЧЛ формати ўзгартирилиши юзасидан "Кристалл Пэлас" клуби раиси, Стив Периш ҳам сўзга чиқди. Унинг фиркича, Европа футболида юзага келган мувозанатсизлик сабаби – бир гуруҳ футбол пирамидаси тузмоқчи бўлган катта клуб эгалари. Уларнинг клубларига қарши санкциялар жорий қилиш муҳимлиги ва дарҳақиқат, УEФА жорий конституционал ўзгаришларга муҳтожлигини таъкидлади. Қолаверса, топ-даражадаги еврофутболда маошлар тақсимланиши билан боғлиқ муаммолар борлиги ва уни ҳам ислоҳ қилиш кераклигини айтиб ўтди. Шунингдек, онлайн анжуманда УEФА президенти Александр Чеферин фаолияти юзасидан танқидлар билдирилди.
Шундай қилиб, катта турнир олдидан УEФА катта бўҳронлар остида қолган. Ушбу муаммоли масалалар тез орада ечим топади деган умиддамиз.
Инглиз тилидан Жалолиддин ИСМАТОВ таржимаси.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
