У Житомирда ўтган болалиги ва ўсмирлиги чоғи бир исмни жуда кўп эшитди – Шева, Шева, Шева...
У оиладаги ягона фарзанд эди. Дадасининг ўзи футболчи бўлгани боис “Зина”нинг келажаги ҳақида баҳс бўлиши мумкин эмасди. Владимир Зинченко 8 ёшли ўғлини Радомишлдаги маҳаллий “Карпатия” футбол мактабига жойлади. Александр аксар тенгдошларидан фарқли феълга эга бўлиб, ўйинчоқлар-у кўча ўйинларига қизиқмас, бўш вақтини фақат футбол тўпи билан ўтказарди. Ота-она Зинченколар хонадонда синиши мумкин мумкин бўлган жисмларни сақламасликка интилишарди, чунки кичик Александр тўғри келган жойда тўп тепиб қоларди баъзан.
Дастлаб “Карпатия” сўнг “Шахтёр”нинг ҳудуддаги филиали мақомида бўлган “Манолит” мактаб-жамоаларида ҳаракат қилган қаҳрамонимиз 14 ёшга тўлиши билан мамлакатнинг қудратли клуби саналган “Шахтёр”ни қизиқтира олди. Албатта бундай катта клублар бир вақтнинг ўзида Зинченко сингари юзлаб иқтидорлар билан ҳали улар ўсмир экан шартнома имзолаб қўяди. Бироқ улардан бор йўғи бир неча нафаригина асосий жамоага етиб бориши мумкин.
Александр жуда амбицияси катта ўсмир бўлиб етишганди. Тезлик ва майдонни кўра билиши юқори даражада бўлган футболчи баъзида чап қанотдан жарима майдонига кириб бориб, ўзини ҳужумчилардек тутарди. 17 ёшидаёқ ўша вақт таркибида Генрих Мхитарян, Дуглас Коста ва Фернандиньо каби футболчилар ҳаракат қилаётган “Шахтёр”нинг асосий жамоаси билан профессионал шартнома имзолаши мумкин эди. Бироқ Украинадаги сиёсий вазият минглаб оилаларда бўлгани каби Зинченколар оиласида ҳам кўп нарсани ўзгартириб юборди. Бунинг устига мамлакатнинг шарқида бошланган уруш ҳаракатлари “Шахтёр”нинг ҳам инқроз режимида ҳаракатланишига сабаб бўлди.
Владимир Зинченко оиласи вақтинча Украинадан чиқиб кетиш тараддидига тушди. Орада Александр “Шахтёр”даги вазият боис клуб билан шартнома имзолай олмаслиги маълум бўлди.
Оиланинг янги манзили Бошқирдистон Республикаси, Уфа шаҳри эди. Ҳаёт ҳам, футбол ҳам давом этиши керак эди Александр учун. Бундай ёш футболчининг таркибга келиб қўшилиши “Уфа” жамоаси учун катта ютуқ бўлди ўша вақт. 2015 йил февралида “Уфа” билан Россия чемпионатида илк учрашувни ўтказган Зинченкога кўп ўтмай Россия фуқаролиги таклиф этилди. Аммо у таклифни рад этди. 2016 йилга келиб Зинченко мухлислар сўровига кўра жамоанинг энг яхши футболчиси бўлди. Шу йили у Евро-2016 ўйинларида иштирок этиш учун Украина терма жамоаси қайдномасига кирди. Турнирда эса жамоаси таркибида майдондаги энг ёрқин футболчилардан бирига айланди. Албатта Россиянинг “Уфа”сида ўйнаётган футболчининг бирданига “Манчестер Сити” аъзосига айланиши қийин масала, аммо уни Украинанинг турли ёшдаги терма жамоалари таркиби ўтказган халқаро мусобақалари орқали кузатиб келаётганлар орасида “Манчестер Сити”дан бошқа клублар ҳам бисёр эди.
Инглиз клубида спорт директори лавозимида ишловчи Чики Бегиристайн Зинченконинг номзодида жуда иккиниш билан қарор қабул қилгани айтилади. Тасдиқлаш навбати Гвардиолага келганида эса у ҳеч иккиланмаган.
Ёш футболчини дарҳол ПСВга ижарага бериб юборишгани ҳам бу жуда тўғри қарор дейиш мумкин. 2018 йилда эса Бенжамин Менди жароҳат олиб Александ учун чап қанот ҳимоясида бўш ўрин пайдо бўлди. “Зина” эса бу имкониятдан унумли фойдаланиб Пеп учун севимли футболчилардан бирига айланди.
“Челси”га қарши финал ўйини якунига етгач мағлублар сафида энг кўп таъсирланга футболчи бу Александр Зинченко эди. У медални ечиб ташлаган икки кишидан бири бўлди. У Андрей Шевченко сингари бу совринни ютмоқчи эди. Ким билан балки Шева каби уни ота юртига олиб бормоқчи ҳам бўлгандир... бу сафар бўлмади.
P.S
“Ҳисларимни ифодалаб бўлмайди. Биз майдонда боримизни бердик. Тинмай ишладик, аммо бу етарли бўлмади. Биз кучлироқ бўлиб қайтамиз. “Манчестер Сити” тез орада бу турнирда ғалаба қозонишига ишонаман. Чунки сизлар бунга муносибсиз”
Александр Зинченконинг ўз инстаграм саҳифасида қолдирган сўзлари
Ориф Толипов
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
