Илк ўйин: Римда тарих тўқнашади.
Евро-2020 гарчи 2021 йилда ўтаётган бўлса ҳам маркетинг эътибори билан ўз номидаги 2020 рақамини сақлаб қолган. Европанинг 11 шаҳрида ўтадиган турнирнинг илк ўйинига кўҳна Римдаги “Олимпико” мезбонлик қилади. Унда Туркия ҳамда Италия терма жамоалари тўқнаш келишади.
Қуйида келтирилган суратлардан икки жамоанинг тўлиқ таркибини чизиқлар бўйлаб кўришинингиз мумкин. Мен тарих тўқнашади деганда футболдан кўра умумий тарихни назарда тутдим. Биласиз тарихда Рим империялари бўлак қудратга эга бўлган. Милоднинг 476 йили Ғарбий Рим империяси қулаган бўлса, орадан минг йил ўтиб 1453 йил Константинополнинг турклар томонидан забт этилиши билан Шарқий Рим империяси ҳам барҳам топган.
Ҳар икки терма жамоа ҳам биринчи навбатда ирода рамзи ҳисобланишади. Албатта, Италиянинг футболдаги мавқеи олдида Туркиянинг натижаларини солиштириб бўлмайди. Роберто Манчини бошчилик қилаётган италияликлар жамоаси саралашдаги 10 ўйинда 10 та ғалаба қайд этди. Мураббий жуда изланувчан ва баъзида ҳатто “B” серия клублари ўйинини ҳам стадиондан кузатиб, термага номзодлар излади. Доннарумма, Бастони, Спинацолла, Барелла, Пеллегрини, Кьеза кабилар умид юлдузлари. Евро-2020 мусобақасининг “А” гуруҳи фаворити шубҳасиз – Италия.
Туркия – ЖЧ-2002 хаёллари билан ўша вақтдаги бош мураббий Шенол Гюнешни термага қайтарди. Мураббий ва жамоаси саралаш босқичидаги гуруҳдаги рақиби Францияга бош оғриқ бўлолди. 10 учрашувда 7 ғалаба, 2 дуранг ва 1 мағлубият. Сюнджу, Челик, Чалҳонўғлу, Язиджи ва Ундерлар ишонч юлдузлари. Жамоа биринчи навбатда руҳан кучли ҳисобланади. Ўта қийин вазифалар гоҳида турклар томонидан ўта осонлик билан амалга оширилади.
Турнирнинг барча ўйинлари каби очилиш баҳси ҳам Футбол ТВ ва УзРепорт ТВ томонидан трансляция қилинади. Очилиш учрашувидан бошлаб майдонда жанг бўлишини тахмин қиляпман. Бизни зўр турнир кутмоқда.
*Асли мезбон шаҳарлар орасида Истанбул ҳам бор эди. Аммо Туркиядаги эпидимиологик ҳолат ўйинларни ўтказиш учун яроқли деб топилмади.
Ориф Толипов
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
