Темур Кападзе: «Бугун ўйинимиз бўйича ғалабага ҳақли эдик»
«Олимпик» — «Нефтчи» (3:0) учрашувидан сўнг жамоамиз бош мураббийи Темур Кападзе матбуот анжуманида иштирок этди.
Ўйин ҳақида
— Албатта кам сонли бўлса ҳам жамоамиз мухлисларини бугунги ғалаба билан табриклайман. Бугун йигитлар яхши ўйин кўрсатишди. Ўтган учрашувдан сўнг бир оз кайфиятим йўқроқ эди. Камчиликларни кўриб чиқиб бу ўйинга муносиб тайёргарлик кўрдик. Бугун кўрсатган ўйинимиз бўйича ғалабага ҳақли эдик деб ўйлайман.
— Ўтган ўйиндаги мағлубиятга сабаб сифатида Украинада ташкил этилган турнирни сабаб қилиб кўрсатиш мумкинми?
— Йўқ, бу ерда адаптация, яъни мослашишнинг ўрни муҳим. У ердаги ва Тошкентдаги об-ҳавода фарқ бор. Шахсий фикрим, об-ҳавога мослашиш таъсир қилди. «Динамо» ҳам яхши курашди деб ўйлайман. Айтиб ўтганимдек, ҳар бир ўйин йигитларга тажриба бўлмоқда.
— «Локомотив»да жамоани қийин вазиятда бошқарувни олгандингиз. Ўшанда ҳам бугунги каби ҳимояга эътибор қаратиб сифатли узатмалар асосида ўйин ташкил этгандингиз...
— Биласизми, ўйин услуби рақибга боғлиқ. «Нефтчи» узун паслар эвазига ўйин ташкил этмоқда. Бунақа ҳолатда прессинг ташкил қилишнинг фойдаси йўқ. Биз вазиятларни кутдик ва тезкор қарши ҳужумга ўтдик. Иссиқ об-ҳавода кучни тўғри тақсимлашни ўрни муҳим.
— «Олимпик» биринчи бўлимда иккинчи рақамли бўлиб ўйнади. Тактик кўрсатма шундай эдими?
— Йўқ, айтиб ўтганимдек катта куч билан олдинга боришнинг фойдаси йўқ эди. Биз вазиятни кутдик, рақибнинг ҳар бир узатмасига тайёр турдик.
— 9-рақамли футболчи (Темур Мамасидиқов назарда тутилмоқда)да узатма беришни ҳоҳламаётгандек кўринди. Баъзи вазиятлардан у фойдалана олмади...
— Темур Мамасидиқов ўйиндан-ўйинга ўсиб бормоқда. У бугун ҳам яхши ўйнади, гол ҳам урди. Керак вазиятда узатма ҳам берди. Бу ёш футболчиларда кузатиладиган холат. Рақиб посбони ҳам кўплаб вазиятларда зарбаларни қайтарди. Ишлашда давом этамиз, ёш футболчиларимиз бу каби ўйинларда тажриба тўплаб боришади.
Манба: https://t.me/fcolympicuz
Киритилди: 23:59, 08.06.2021. Ўқилди: 3187 марта. Фикрлар: 2 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
