Англия чемпионати 24-тур учрашувлари ҳам бошланди. Албатта, барчанинг эътиборини “Эмирейтс”да бўлиб ўтган голлар шоуси тортган бўлиши шубҳасиз.
Дастлаб, Педерсен чиройли гол билан ҳисобни тенглаштирганда, лондонликлар бу сафар ҳам жиддий муаммоларга дуч келишини тахмин қилганлар етарли эди. Аммо қандайдир беш дақиқа барча масалани ҳал қилди. Аввал, Робин ван Перси ўзининг учрашувдаги иккинчи голини киритган бўлса, ики дақиқа ўтиб, унинг ошириб берган тўпни Окслейд Чемберлейн голга айлантирди. Дарвоқе, бу гол ёш ярим ҳимоячи учун АПЛ даги биринчисидир. Кейин эса, айнан ван Персига ишлатилган қўполлик натижасида меҳмонлар футболчиси Живе майдондан четлатилди.
Иккинчи тайм “Арсенал”нинг тўлиқ устунлигида давом этди. Айниқса, меҳмонлар дарвозасига киритилган сўнгги гол “Арсенал”нинг “стаж”ли мухлисларига ёқиб тушган бўлса ажаб эмас. Иккинчи бўлимда майдонга тушган Анри танаффусдан сўнг АПЛ даги илк голини киритди. У ван Перси билан тўпни оширишиб, рақиб жарима майдонига кириб борди ва унинг яқин масофадан берган зарбаси рекошет ҳолатида дарвозага бориб тушди – 7:1.
Қолган учрашувларда айтарли сенсациялар қайд этилмади. Чунки асосан бир-бирига ҳар томонлама мос бўлган жамоалар тўқнаш келгандилар. Фақат, қишки трансфер ойнасида жуда кўп футболчиларни таркибига қўшиб олган Хьюз жамоасининг ўз майдонида “бўрилар”га бой берганига алоҳида эътибор қаратса арзийди. Ўша янги қўшилган футболчилардан бири Жибрил Сиссе панд берди. Ушбу фтуболчи 34 дақиқада майдондан четлатилаётганда, мезбонлар 1:0 ҳисобида олдинда эдилар. Аммо бир киши кам қолгач, ғалабани қўлдан бой бердилар.
Натижада, “КПР” хавфли зонадан узоқлашиб олиш имконини қўлдан чиқарди, аксинча, “Вулверҳэмптон” очколар бўйича уларга етиб олди.
АРСЕНАЛ – БЛЕКБЁРН – 7:1
Голлар: ван Перси (2, 38, 62) Чемберлен (40, 54), Артета (51), Анри (90) - Педерсен (32
Четлатиш: Живе - 43
КУИНЗ ПАРК РЕЙНЖЕРС – ВУЛВЕРҲЭМПТОН – 1:2
Голлар: Замора (16) – Жарвис (46), Дойл (71).
Четлатиш: Сиссе - 34
СТОК СИТИ – САНДЕРЛЕНД – 0:1
Гол: 0:1 – Макклин (60).
Четлатиш: Хут (Сток Сити) - 45.
ВЕСТ БРОМВИЧ – СУОНСИ – 1:2
Голлар: Фортюн (54) – Сигурдссон (55), Грэм (59).
УИГАН - ЭВЕРТОН – 1:1
Голлар: Невилл (76, автогол), – Аничебе (83).
НОРВИЧ – БОЛТОН – 2:0
Голлар: Серман (70), Пилкингтон (85).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
