Кўп гол уришни яхши кўрадиган Бельгия ҳамда Португалия терма жамоалари илк бор йириж мусобақаларда тўқнаш келишмоқда.
Иккала жамоа ҳам Евро-2020 гуруҳ босқичида 7 та гол уришга муваффақ бўлди. Бельгия ўз гуруҳини биринчи ўринда якунлаган бўлса, Португалия гуруҳ босқичини Франция ва Германиядан кейин учинчи бўлиб якунлади.
Мазкур жуфтлик ғолиби чорак финалда Италия - Австрия тўқнашувида зафар қучган терма жамоага қарши беллашади.
Олдинги учрашувлар
Бу Евро ҳамда ЖЧ мусобақалари доирасидаги илк учрашув бўлса-да, жамоалар Европа чемпионати саралаши доирасида 6 маротаба ўйнашган. Энг яқинда бўлиб ўтган йирик турнирлардаги баҳс Евро-2008 саралаши доирасида бўлган ва иккалар ўйинда ҳам Португалия ғалаба қозонган — 4:0, 2:1.
Жамоаларнинг охирги икки учрашув ўртоқлик мақомида бўлган. 2016-йилда ўтказилган ўйинда Роналду ғалаба голини келтирган (2:1).
2018-йилнинг 2-июнида Брюссел шаҳрида ўтказилган ўртоқлик ўйинида эса 0:0 ҳисоби қайд этилган. Ўшанда ҳам жамоаларнинг ҳозирги мураббийлари Роберто Мартинес ҳамда Фернанду Сантуш бошқаришган.
Умумий Португалия Белгияга қарши 18 ўйиннинг олтитасида ғалаба қозонган, 5 ўйин белгияликларнинг устунлиги билан тугаган ҳамда 7 бор дуранг қайд этилган. Тўплар нисбати 21:22 Белгия фойдасига.
Бельгия термасининг Европа чемпионатлардаги энг яхши натижаси 1980-йилги мусобақа бўлган. Ўшанда улар финалда Ғарбий Германияга 2:1 ҳисобида мағлуб бўлишган.
Бельгия мазкур Евро саралаш доирасидаги 10 ўйинда 40 гол уриб тўпурар терма жамоага айланишди. Мазкур голлар 15 нафар белгиялик футболчи томонидан киритилган.
Роналду Евро-2020 саралаши доирасида 11 гол урди ва фақатгина Ҳарри Кейндан бир голга ортда қолди.
Португалия Евро-2016 мусобақаси гуруҳ босқичида учинчи ўринни эгаллаб, якунда ғолиб бўлган терма жамоа ҳисобланади.
Португалия кетма-кет еттинчи, умумий саккизинчи Европа чемпионатида иштирок этмоқда.
Охирги хабарлар
Бельгия мазкур мусобақа гуруҳ босқич иккинчи турида Данияни 2:1 ҳисобида мағлуб этди ва ҳисобда ортда боратуриб якунда ғалаба қозонган илк жамоага айланди.
Белгиянинг Евро-2020 даги Россия устидан ғалабаси (3:0) терма жамоанинг Европа чемпионатлари тарихидаги гуруҳ босқичида қўлга киритилган энг йирик ғалабаси бўлди. Бунга қадар белгияликлар Евро-2016 да ҳам мазкур ҳисобда Ирландиядан устун келишганди.
Бельгия Евро-2020даги энг тажрибали жамоа ҳисобланади. Таркибидаги 5 нафар футболчи терма либосида 100 ва ундан кўпроқ ўйин ўтказган. Булар: Ян Вертонген, Дрис Мертенс, Аксел Витсел, Тоби Алдервейрелд, Эден Азар.
Португалиянинг ҳозирги таркибида 4 нафар футболчи Европа чемпионатида кўп ўйин ўтказган футболчилар рўйхатида боришмоқда. Гуруҳ босқичидан кейин Роналдунинг ҳисобда 24 ўйин мавжуд, кейинги ўринларда Пепе ва Жоа Моутинё 18 тадан ўйин ўтказган ҳолда боришмоқда. Руи Патрисиу 15 марта майдонга тушган.
Евро-2016да ғолиб Португалия терма жамоасининг 11 нафар футболчилар ушбу мусобақада ҳам қатнашишмоқда: Роналду, Руи Патрисиу, Пепе, Фонте, Геррейру, Данилу, Моутинё, Рафа Силва, Саншеш, Уллиам Карвалю, Антони Лопеш.
Тахминий таркиблар
Бельгия: Куртуа; Алдервейрелд, Вермален, Вертонген; Менье, Де Брюйне, Витсел, Торган Азар; Карраско, Лукаку, Эден Азар.
Португалия: Патрисиу; Семеду, Диаш, Пепе, Геррейру; Палинья, Саншеш, Моутиньо; Бернарду, Роналду, Жота.
Евро-2020 мусобақаси нимчорак финалидан ўрин олган Бельгия ҳамда Португалия ўртасидаги баҳс Севилья шаҳрида жойлашган "Ла Картуха" стадионида ўтказилади (28-июнь, 00:00 Тошкент вақти).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Сурхон
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
