Буни ҳеч ким пайқамади: Дания термаси Англия билан қўшимча таймларда бир киши кам ўйнади
Дания терма жамоаси Евро-2020 ярим финал баҳсида 105-дақиқадан бошлаб майдонда бир киши кам бўлиб ўйнади. Бироқ буни ҳеч ким пайқамади.
Гап шундаки, Матиас Йенсен иккинчи қўшимча бўлимда майдонга чиқмади. Футболчи биринчи қўшимча тайм сўнгида жароҳат олдию, иккинчи экстра-таймда майдонга қайтмади.
Ярим ҳимоячининг майдонга қайтишмга шифокорлар рухсат бермади. Дания бош мураббийи Каспер Хюлманд асосий вақтда 5 та алмаштиришни амалга оширган эди ва қўшимча вақтда Йенсен жароҳат олишидан бир неча сония олдин олтинчи алмаштиришни ҳам амалга ошириб улгурганди.
Бу йўқотиш данияликларни бутунлай синдириб ташлади. Улар қўшимча таймларнинг иккинчисида рақиб жарима майдони атрофида бор-йўғи бир неча марта кўриниш беришди. Аммо улар энди ўйин оқимини ўзгартира оладиган вазиятда эмас эдилар.
Манба: ua-football.com
Киритилди: 06:00, 10.07.2021. Ўқилди: 15607 марта. Фикрлар: 1 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).