Моуриньо «Барса» футболчисини сотиб олмайдиган бўлди
Жозе Моуриньо «Барселона» футболчиси Миралем Пьянични сотиб олиш имкониятидан воз кечди, деб хабар беради Маrca. "Кўк-анорранглилар" бош мураббийи Роналд Куман аввалроқ босниялик футболчини кейинги мавсум учун ўз режасига киритмаётганини айтган эди.
«Барселона» 31 ёшли футболчини сотувга қўйди, аммо унинг йилига 15 миллион евролик катта маоши футболчи учун янги клуб излашда катта тўсиқ бўлиб қолди.
Пьяничнинг икки собиқ клуби - «Ювентус» ва «Рома» унинг маоши туфайли ярим ҳимоячини харид қилиш ғоясидан воз кечди.
Қолаверса, футболчи яхши формада эмас, у «Барса» таркибида Ла Лигада атиги 19 учрашувда майдонга тушган ва асосий таркибда ўз ўрнини топа олмаган.
Манба: sports.ru
Киритилди: 05:21, 18.07.2021. Ўқилди: 3290 марта. Фикрлар: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар