Мана, Евро 2020 ва Копа Америка 2021 баҳслари ўз ниҳоясига етиб, улардаги натижалар тарих зарварақларидан жой олди. Эндиликда футбол ишқибозлари янги мавсум бошланишини ҳамда клублар футболи қайтишини интизорлик билан кутмоқда. Дунёнинг энг томошабоп лигаси бўлган АПЛ стартига ҳам атиги, 3 ҳафта вақт қолди. Тобора кучайиб бораётган ундаги олтилик эса, чемпионлик учун курашишга шай ҳолатга келтирилмоқда. Ҳозирда улар қизғин трансфер ишлари билан банд ва таркибларини янгилашлари керак. Хўш, янги мавсумдан нималарни кутиш лозим? Чемпионлик учун даъвогарлар асосан қайси клублар бўлади? Бу саволларни қуйида муҳокама қиламиз.
Чемпионлик пойгасида биз ҳохлаймизми йўқми, «Манчестер Сити» биринчи бўлиб тилга олинади. Буни сабаби жуда оддий. Улар сўнгги уч йилда икки марта чемпионлик шоҳсупасига кўтарилишди. Бунда бош мураббий Пеп Гвардиоланинг хизматлари беқиёс, албатта. Лекин ушбу мутахассис учун келаётган мавсумда тиш қайраб турган рақиблар бисёр. Улар «шаҳарликлар»дан келаси йил май ойига қадар чемпионлик тожини тортиб олиш учун ҳаракатда бўлишади.
Энг катта рақиб саналган «Ливерпул» ҳимояси яна мустаҳкамланмоқда. Виржил ван Дейк сафга қайтган, қолганлар ҳам тикланишда давом этмоқда. Клопп жамоасини чемпионлик йилидаги каби мукаммал кўринишга келтирмоқчи.
«Манчестер Юнайтед» ўзининг шонли даврларидаги каби шуҳратга эришиш учун миллионларни сарф этмоқда. Таркиби ҳам шунга яраша кучли кўринишга келади.
Яна бир хавфли рақиб, «Челси» Европада тенгсизга айланди. Унгача эса керакли ҳаражатлар ва ҳаракатлар амалга оширилди. Энди «аристократлар» мамлакат чрмпионлиги учун ҳаракат қилиб кўришади. Энг кучли саналган клублар ўртасидаги баҳсни томоша қилиш эса, мухлислар учун энг кераклиси.
Юқорида номи келтирилган клублар бир-бирига энг кучли қаршилик кўрсата олиш хусусиятига эга бўлган жамоалардир. Аммо шуни ҳам эсдан чиқармаслигимиз керакки, 2016 йилдаги каби «эртак» ёзиши мумкин бўлган ички қувватга эга клублар ҳам турнир жадвалида мавжуд. Ўшанда бу ролни «Лестер Сити» бажарган бўлса, бу сафар бошқа клуб бу ролга даъво қилиши эҳтимолдан ҳоли эмас.
Биз ҳозир «Ман. Сити»ни фаворит деб атаётган бўлсакда, ўтган мавсум Томас Тухел унинг устидан галма гал 3 маротаба муваффақият қозонганига кўз юма олмаймиз. Худди шу каби, «Ман. Юнайтед»ни ҳам учинчи ёки тўртинчи ўринда юриш жонига теккан. Улар ҳам чемпион бўлиш учун жон олиб жон беришга тайёр ҳолда стартни олиши аниқ. Қолаверса, юқоридагиларга нисбатан иккинчи эшелон жамоалари бўлган «Тоттенҳем» ва унинг принципиал рақиби «Арсенал» ҳам ҳеч бўлмаганда Евромайдондаги халқаро турнирлар учун жангга киришини таҳмин қилиш қийин эмас.
Хуллас, бизни оловли кураш майдони кутади. Бу чемпионатда хаттоки, жадвал пастида ҳам ҳаёт-мамот учун жанг кечади. Турнир жадвалини экваторида борадиган клублар ҳам ҳотиржам бўла олмайди, бу ерда. Зичлик, қалтислик, беқарорлик ва муросасизлик ушбу турнирнинг доимий ҳамроҳи. Биз эса айнан мана шундай ҳодисалар учун ҳам Премиер Лигани яхши кўрамиз. Умид қиламизки, бошланаётган мавсум барчамизга янги давр футболини тўлақонли намойиш эта олади.
Жалолиддин ИСМАТОВ тайёрлади
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
