Дунёда шундай футболчилар борки, улар бир клубда тўп суриб, катта муваффақиятларга эришади. Аммо кун келиб, ўша клубини тарк этади ва бир муддат бошқа жойда фаолият юритгач, яна эски жамоасига қайтади. Буни қарангки, иккинчи марта ҳам ўз жамоасида катта зафарлар қозонади. Биз қуйида ана шундай футболчилар ўнталигини эътиборингизга ҳавола этамиз.
10. Диего Милито («Рейсинг», 1999-2003 ҳамда 2014-2016 йиллар)
Милитонинг мартабаси «Рейсинг» клубида жуда баланд бўлган. Ушбу клубни тарк этганидан кейин Европада катта муваффақиятларга эришади. Хусусан, «Интер» билан 2010 йилда дунёнинг энг яхши ҳужумчисига айланади. 2014 йилда яна «Рейсинг» жамоасига қайтади ва ўз клубини мамлакат чемпионига яна бир бор айлантиради.
9. Адрей Шевченко («Динамо Киев», 1993-1999 ҳамда 2009-2012 йиллар)
Украиналик юлдуз Шевченко орада «Милан»даги омадсиз йилларидан сўнг, ўз клубига қайтишдан уялмади. 1999 йилда «Барселона»га учта гол ургандан кейин ўн йил ўтиб, ўзи юксалган жонажон клубига қайтади. У яна уч йил пойтахт жамоасида самарали фаолият олиб борганидан сўнг, футбол билан хайрлашган.
8. Неманя Матич («Челси», 2009-2011 ҳамда 2014-2017 йиллар)
Сербия терма жамоаси аъзоси бўлган футболчи 2009 йилда Лондон клуби билан шартнома имзолайди. У ерда порлашига барча имкониятлар бор эди. Аммо икки йил ўтгач, «Бенфика»га йўл олади. «Арситократлар»га 2014 йилда қайта қўшилгач, уч йил ичида икки бор Англия чемпиони номига сазовор бўлади. У асосан клубнинг асосий таркибида майдонга тушар эди.
7. Жерард Пике («Барселона», 1997-2004 ҳамда 2008 йилдан ҳозирга қадар)
Пике нафақат «Барселона»нинг, балки бутун Испаниянинг фахридир. Ўсмир пайтидаёқ клубнинг асосий таркибида майдонга туширилган ҳимоячини, ҳамма ҳурмат қилади. Тўрт йиллик бошқа юртдаги фаолиятидан сўнг у яна жонажон клубига қайтади ва ҳозирга қадар ажойиб ўйинлари билан мухлисларни меҳрини қозониб келмоқда. У кўп титуллар соҳибига айланган «Барса»нинг камсонли ўйинчилари рўйхатидан жой олган.
6. Девид Луиз («Челси», 2011-2014 ҳамда 2016-2019 йиллар)
Бу ерда қизиғи шундаки, Матични 2011 йилда «Бенфика»га сотиб юборилиши, Луиз трансферини амалга ошишига сабаб бўлган. Бразилиялик ҳимоячи «Стенфорд Бриж»да тинимсиз меҳнат қилиб, мухлислар меҳрини қозонади. Чемпионлар лигаси ғолибига айлангач, 2014 йилда дунёдаги энг қиммат ҳимойчи сифатида «ПСЖ»га йўл олади ва кўп ўтмай 2016 йилда яна Лондонга қайтади. Шундан сўнг ҳам ажойиб ўйинлари билан 2017 йилда Премиер лига ғолибига айланади.
5. Жуниньо Паулиста («Мидлсбро», 1995-97 ҳамда 1999-2000, шунингдек, 2002-2004 йиллар)
Англиянинг шимоли-шарқидаги шаҳарда жойлашган клубнинг ўзига яраша севимлилари бор. Шулардан бири, бразилиялик Паулистадир. У 1995 йилда «Мидлсбро» билан шартнома имзолагач, яхши ўйинлар ўтказади. Икки йилдан кейин кўзга кўриниб қолган ҳужумчи «Атлетико» томон равона бўлган. 1999 йилда Англияга жароҳатлар сабаб ижарага келади. 2002 йилда эса доимий шартнома билан қайтган Жунинё жонажон клубига Лига кубоги баҳсларида ғолибликни тақдим этади.
4. Карлос Тевез («Бока Хуниорс», 2001-2004, 2015-2016 ҳамда 2018-2021 йиллар)
Аргентина терма жамоасининг собиқ ҳужумчиси, фантастик футболчи Тевез ўз мамлакатига қаттиқ боғланган эди. У «Бока Хуниорс»да такомилга етгач, 2004 йилда у ерни тарк этади. Европанинг топ клубларида ўйнаб, 2015 йилда яна севимли клуби сафига қайтган. Бир муддатдан сўнг Хитойга йўл олган фахрий ўйинчини яна ўз клуби қайтариб олади. 2021 йилгача клуби билан бир қанча совринлар жамғаришга эришган ҳужумчига мухлисларнинг ҳурмати чексиз.
3. Пол Погба («МЮ», 2011-12 ҳамда 2016 йилдан ҳозирга қадар)
Погба дастлаб афсонавий клуб «Манчестер Юнайтед» сафида кўп қолмади. 2012 йилда эркин агент сифатида «Ювентус»га ўтган францияликни яна қайтариб олишди. 2016 йилда рекорд сумма эвазига Погба яна «манкунянликлар»сафига қайтади ва ажойиб ўйинлари билан барчани эътиборини қозонади. У ҳали-ҳамон ўзининг даражасида ўйин кўрсатмоқда.
2. Терри Анри («Арсенал», 1999-2007 ҳамда 2012 йиллар)
Деярли 10 йилга яқин вақт давомида юқори даражадаги ажойиб ўйини, мамлакат чемпионликлари, кубок ғалабалари ва голлар шодасини тақдим этган француз ҳужумчиси 2007 йилда «Барселона»га трансфер бўлади. У ерда бир неча йил фаолиятидан сўнг у яна Англияга, «Арсенал» таркибига қайтиб, мухлисларни хурсанд қилувчи ўйинлар кўрсатади.
1. Диде Дрогба («Челси», 2004-2012 ҳамда 2014-2016 йиллар)
2000 йиллар охирида ақл бовар қилмас ўйинлари ва голлари билан барчани ҳайрон қолдирган Дрогба бир неча совринларга, хусусан ЙЧЛ бош соврини қўлга киритиб, 2012 йилда Хитойга йўл олади. Аммо кўп ўтмай, 2014 йилда «Челси»га қайтиш қилган африкалик истеъдод эгаси ушбу жамоа билан яна бир мамлакат чемпионлигини нишонлашга муваффақ бўлади.
Инглиз тилидан Жалолиддин ИСМАТОВ таржимаси
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
