"Сўғдиёна" — АГМК: превью
Суперлиганинг 13-тури доирасидаги "Сўғдиёна" - АГМК учрашуви олдидан мазкур ўйин ҳақида тайёрланган превьюни тақдим этамиз.
Ўзаро ўйинлар тарихи ҳақида
— Мазкур жамоалар тўқнашувлари тарихига эътибор қаратсак, бўлажак ўйин "Сўғдиёна" ва АГМК ўртасидаги 25-учрашувга айланади. Қайд этилган натижалар кўрсаткичи жиззахликлар фойдасида. Ўтказилган беллашувларнинг 8тасида АГМК ғалаба қозонган бўлса, "Сўғдиёна" ҳисобида 9 ғалаба мавжуд. Қолган 7 ўйинда эса дуранг қайд этилган. Тўплар нисбати кўрсаткичи эса жамоамиз фойдасида: 37-33.
Рақиб ҳақида
— "Сўғдиёна" айни пайтда 12 ўйиндан 23 очко тўплаган ҳолда жадвалда 3-ўринни эгаллаб турибди. Улуғбек Бақоев жамоаси жорий мавсум фақатгина "Насаф"га мағлуб бўлди. "Сўғдиёна" Жиззахда жорий йил мағлубиятсиз серияни давом эттирмоқда. Жамоа ўтказилган 5 учрашувда 3 ғалаба ва 2 дуранг қайд этган.
АГМКнинг турнир жадвалидаги ҳолати ҳақида
— АГМК биринчи даврани барқарор ўтказмоқда. Жиззахдаги ўйин давра доирасидаги охирги ўйин бўлади. Айни пайтда жамоа ҳисобида 25 очко мавжуд ва мусобақа жадвалида 2-ўринни эгаллаб турибмиз.
Тайёргарлик ҳақида
— АГМК юзага келган танаффусдан унумли фойдаланиб, мавсумнинг иккинчи қисмига Чимён тоғ-ён бағридаги "Арчазор" комплексида тайёргарликнинг дастлабки босқичини ўтказди. Кейинчалик жамоа Олмалиқда тўпланиб, иккинчи давра ўйинлари ва хусусан "Сўғдиёна" билан ўйинга тараддуд кўрди. Йиғин доирасида жамоамиз "Андижон"га қарши назорат баҳсини ўтказиб, унда ғалаба қозонди. Миржалол Қосимов бошчилигидаги жамоамиз Жиззахдаги бўлажак ўйинга жиддий тайёргарлик кўрмоқда.
Хуштак эгаси
— Бўлажак баҳсни бошқариш тажрибали рефери Ильгиз Танташев гарданига тушди. Мазкур тайинлов Ильгиз Танташев учун АГМК иштирокидаги 24-баҳсга айланади. Ильгиз Танташев бошқарган ўйинларда жамоамиз: 10 ғалаба, 8 дуранг ва 5 мағлубият қайд этган.
Эслатиб ўтамиз, Суперлиганинг 13-тури доирасидаги "Сўғдиёна"га қарши ўйин 31 июль куни Жиззах шаҳридаги "Марказий" стадионда соат 20:00да бошланади. Ўйин карантин талабларига мувофиқ мухлисларсиз ўтказилади.
Суперлига, 13-тур.
31 июль, шанба.
«Сўғдиёна» — АГМК
Ҳакамлар: Илгиз Танташев, Андрей Цапенко, Тимур Гайнулин, Найим Қосимов
Назоратчи: Бобур Ҳайдаров
Комиссар: Шоҳруҳ Саид
Манба: https://t.me/pfcagmk
Киритилди: 14:21, 30.07.2021. Ўқилди: 1711 марта. Фикрлар: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
