Енгил вазн тоифасида собиқ UFC чемпиони Хабиб Нурмагомедов EFC 40 турниридан сўнг журналистларга берган интервьюсида нима учун Криштиану Роналдуни Лионель Мессидан устун деб билиши ҳақида ўз фикрлари билан ўртоқлашди.
- Сизнингча, Роналду Мессидан кучлироқми?
- Ҳа, мен шундай деб ўйлайман.
- Нимага?
- Месси ҳам жуда яхши ўйнайди. У тарихдаги энг яхшиларидан бири. Менимча, ўйин жиҳатидан улар тахминан тенгдир. Аммо Криштиану ундан кучлироқ.
Криштиану 17 йилдан буён тепада. 2004 йилда у Европа чемпионати финалида ўйнаган ва у ерда энг яхшиларидан бири бўлган. Ҳозир 2021 ва Роналду ҳали ҳам гол урмоқда. Бу ҳодиса футболда ҳеч қачон бўлмаган. Месси қачон бошлаган? 2005-2006? Ҳатто ундан ҳам кейинроқ.
- 2005 йилда ЕЧЛни ким ютган?
- "Ливерпуль".
- 2006 йилдачи?
- "Барселона".
- Хўш, Мессининг бунга алоқаси йўқми?
- Менимча, бунга умуман алоқаси йўқ эди. Сабаби, ўша пайтда бошқа одам бор эди [Роналдиньо].
Сиз турли йўллар билан фикрлашингиз мумкин. Месси ва Роналдуни, "Реал" ва "Барса"ни, "Мерседес" ва "BMV"ни солиштирадиган одамлар бор. Менинг шахсий фикримча, Криштиану етакчи.
Матнда хатолик топсангиз, ўша хатони белгилаб, бизга жўнатинг (Ctrl + Enter).