АПЛда сўнгги кунларнинг энг кўп кутилган футбол воқейлиги юз берди. “Манчестер Юнайтед”га Криштиану қайтди... “Олд Траффорд”га Роналду қайтди!
Қайтиш ҳам гапми, у дубл билан жамоаси ғалабасига (4:1) муносиб ҳисса қўшди. Ўйинни кўргандирсиз, Роналду "МЮ"га қайтиши маълум бўлгач, таркибдаги бир қатор футболчилар сояга ўтиб қолади, барчаси КриРо атрофида айланиб, клубда шу вақтгача юзага келган руҳга путур етади, деган хавотирлар тўла-тўкис чиппакка чиқди чоғи. Албатта, бундай хавотирлар “Ювентус”дан сўнг юзага чиққанди ва улар маълум асосларга ҳам эга бўлиб, биргина Пауло Дибала кейси буни тасдиқлаши мумкин. Бироқ, Туринда муаммо Роналдуда эмас, мураббийларда бўлгани кеча “Ньюкасл”га қарши ўйинда яна бир бор исботланди чамаси.
Тўғри, биргина ўйин ва уч йиллик фаолиятни тугал солиштириб бўлмайди. Бироқ шундай бўлсада, кеча ўйинда фаол бўлган футболчиларга аҳамият беринг:
— Биринчи голга сабаб бўлган зарба муаллифи Мейсон Гринвуд. У энди захирада қолади, дейилганди.
— Роналду майдонда экан, худди терма жамоадаги сингари унинг кўланкасига айланиб қолади, дейилган Бруну Фернандеш. Супер голини четга суриб, ўйинини олинг, асло ўзгариш сезмайсиз. Кўплаб узатмалар, ҳужумга йўналиш бериш функцияси ҳали ҳам Брунуда эканини кўрасиз.
— Оғир феъли, нозик таъби бор деб қараладиган Пол Погбада эса яна икки ассист.
— “Вест Хэм”га қайтиб олмади-да, дейилган Лингард(иньо)да чиройли гол. Ҳатто Марсиаль тўпга тегмаслик керак бўлган ўринларни ўрганиб олибди, кўрдингизми.
Менимча норвегиялик мутахассис Роналдуни таркибга самарали қўшишда Аллегри, Сарри ёки Пирлодаги каби муаммоларга дуч келмайди.
"МЮ" кеча 21 маротаба рақиб дарвозаси томон зарба йўллаган ва шундан 12 таси жарима майдони ташқарасидан. Демак, “Роналдуга юқоридан ва у қолганини ҳал қилади” услубигагина таянмайди Сульшер. “Ювентус” ва Португалияда бу кўринишнинг кенг қўлланилиши Роналдунинг мавжуд энергиясидан янада кўпроқ самара чиқаришга халақит қилган бўлса ажабланмайман.
Кўрдик-ки, Криштиану қанотлардан ёки марказдан жарима майдонига майда паслар билан ҳам кира олади, икки-уч ўринда омади келмаган бўлсада дриблинг ҳам ҳали юқори даража, энг муҳими у ўта хавфли кутувчига айланган. Дарвозабон ҳудудида унинг каби ҳужумчининг борлиги бу яримгол дегани аслида.
Бу биринчи ўйиндан кейин айтилаётган фикрлар, албатта. Аммо кеча кўплаб футбол мутахассислари ўйиндан сўнг Роналду мавсумни 30+ гол билан якунлаши ҳақида ёзишди. Нима ҳам дердим – тўла асослар бор бундай дейишга.
Яна бир бор дебют билан!
Ориф Толипов.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
