«Лидс Юнайтед» клуби бугун ўз уйи «Эллан Род»да «Ливерпуль»ни меҳмон қилади. Улар янги мавсумнинг дастлабки учта турида ғалаба қозона олмаган жамоалар қаторида эди. Марсело Бьелсанинг сўнгги, «Бёрнли»га қарши ўйини, гарчанд катта устунлик билан ўтган бўлсада, 1-1 ҳисобидаги дуранг билан якун топди. Қуйида ҳар икки жамоага тегишли бўлган статистикалар билан танишишингиз мумкин бўлади.
«Ливерпуль» янги мавсумнинг 3 та ўйинида 7 очко жамғаришга муваффақ бўлди. «Лидс» эса барча мусобақалардаги сўнгги 3 та ўйинида мағлубиятга учрамаган. Аммо АПЛда ҳали ғалаба қозона олганича йўқ. Ҳар икки клуб ҳам охирги турда рақиб дарвозасини ишғол этишга эришган. «Лидс»нинг Премьер Лигадаги сўнгги 7 та ўйинидан 5 тасида жамоа ўртача 3,5 тадан гол киритишга муваффақ бўлган. «Ливерпуль» эса яхши спорт формасига қайтиб бормоқда. Ҳар икки клубдан Жанубий Америка вакиллари тўп суришади. Англияда эса уларга нисбатан таъқиқ қўйилиш эҳтимоли бор эди. Лекин ундай бўлмади. Эндиликда рақиблар халқаро танаффусдан қайтган жанубий америкалик футболчиларини таркибга жалб этиши мумкин бўлади. «Лидс» ўз футболчиси Рафиняни таркибига қайтарса, «Ливерпуль» Аллисон Бекер ҳамда Фабиньоларни баҳс қайномасига киритади.
«Лидс»нинг ёзги трансферлар ойнасидаги энг сўнгги хариди бўлган Даниел Жеймс айнан «Ливерпуль»га қарши илк дебют ўйинини нишонлаши мумкин. У жамоага «МЮ»дан Бьелса таклифига биноан ташриф буюрган. Мерсисайдликларда эса Виржил ван Дейк ўйинга тайёр, аммо Роберто Фирминьо жароҳати сабаб майдонга туша олмаслиги маълум қилинган. «Ливерпуль» ўтган турда меҳмонда «Норвич»ни 0-3 ҳисобида таслим этган эди. Улар бу билан меҳмондаги кетма-кет тўртинчи ғалабага эришди. Ўтган мавсумда «Лидс» Юрген Клопп шогирдларини сафарда уч очкодан маҳрум этган охириги жамоа бўлган эди. Ўшанда улар Садио Маненинг тўпига Диего Льорентенинг ҳисобни дуранг қилган голи билан жавоб бера олган. Мезбонлар ўз уйида ўйнашига қарамасдан, бирор натижага эришиши амри маҳол. Чунки «Ливерпуль» таркиби рақибдан бир ярим бош устунлик қилади. Лекин Бьелса янги сюрпризлар тайёрлашдан чарчамайдиган инсон.
«Ливерпуль»нинг янги мавсумдаги ғалабали церийаси халқаро танаффусдан олдин «Челси» билан дуранг ўйнаш орқали якунига етган эди. Клопп жамоаси ўшанда иккинчи бўлимда 10 кишилик рақибга қарши ўйнаган бўлса ҳам, ғалаба қозона олмаган. «Лидс» илк турда «МЮ»га қарши 5-1 ҳисобида мағлуб бўлгач, барча турнирлардаги учталик ғалабали серияси узилиб қолди. Кейинги турларда эса «Эвертон» ҳамда «Бёрнли» билан дурангга имзо чеккан. Бугун улар илк ғалабасини тантана қилиши мумкин бўлади. Жамоанинг ҳужумдаги қуроли Патрик Бемфорд бугунги жанг учун тайёр ҳолда эканини ҳисобга олсак, буни иложи бор.
«Ливерпуль» сўнгги учта турда иккита қуруқ ўйин ўтказган. Улар ўша иккита ўйинда «Норвич» ва «Бёрнли»ни мағлуб эта олган. Аммо «Лидс», қизиллар ҳимояси учун ҳақиқий синов бўла олади. Ғарбий Ёркшир жамоаси бу мавсумда 4 та ўйининг ҳар бирида гол уришга муваффақ бўлган. «Ливерпуль» билан баҳсда ҳам ўтган мавсумнинг ҳар иккита даврасида гол ура олган. Шундай экан, мезбонлар бу қарама-қаршиликда ҳеч бўлмаса гол уришни эплайди.
Таҳминий таркиблар:
«Лидс» учун:
Дарвозада: Меслиье;
Ҳимояда: Эйлинг, Купер, Льоренте, Рафиня, Филипс;
Ярим ҳимояда: Родриго, Даллас, Жеймс, Бемфорд;
Ҳужумда: Ҳаррисон. (5-4-1)
«Ливерпуль» учун:
Дарвозада: Аллисон;
Ҳимояда: Александр-Арнольд, Матип, Ван Дейк, Робертсон;
Ярим Ҳимояда: Тиаго, Фабиньо, Ҳендерсон;
Ҳужумда: Салаҳ, Жота ҳамда Мане. (4-3-3)
Эслатиб ўтамиз, ушбу баҳсни бугун Тошкент вақти билан соат 20:30дан бошлаб, «Футбол ТВ» орқали жонли эфирда томоша қилишингиз мумкин.
Жалолиддин ИСМАТОВ тайёрлади
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
