Бир неча ҳафта олдин 30 ёшли француз ҳужумчиси Антуан Гризманн «Атлетико»нинг янги ўйинчиси сифатида расман таништирилди. Маросим «Wanda Metropolitano» стадионида бўлиб ўтди.
«Матрасчилар» президенти Энрико Сересо янги келган футболчига саккизинчи рақамни топширди. Айни дамда, футбол мухлислари, терма жамоаларнинг саралаш баҳсларидан сўнг энди клуб ўйинларига бор эътиборини қаратишган. Бироқ ёзги трансферлар ойнасида Гризманн хариди бир мунча вақт эътиборидан четда қолди. Бир томондан бу ҳодиса трансферлар ойнаси ёпилишидан олдин содир бўлган эди. Халқаро ўйинлардаги пауза эса бунга қўшимча сабаб қилиб олинди.
Гризманн Каталония афсонаси Лионель Мессидан кетганидан бир неча ҳафта ўтиб «Барселона»ни тарк этди. Аргентиналикни йўқотиб қўйган «Блаугранас» кичикроқ бўлса ҳам, яна бир юлдуздан воз кечишга мажбур бўлди. Аммо айни дам «Барселона»нинг асосий муаммоси кадрлар етишмовчилиги билан боғлиқ бўлиб турибди. Раҳбарият ёзги трансферлар ойнасининг сўнгги кунида юқори маош оладиган икки футболчисидан қутулди. Бироқ молиявий можаролар сабабли уларнинг ўрнини босадиган лидерлар жамоага жалб этилмади.
Клуб ҳужум чизиғини 31-рақамли Люк Де Йонг билан тўлдирди. Де Йонг Ла Лигада охирги мавсум 34 та ўйинда майдонга тушиб, атиги 4 та гол урган. Ҳозирда «Барселона»нинг ҳужум чизиғи ҳайратланарли даражада кўриниши мумкин: 33 ёшли Серхио Агуэро, 31 ёшли Люк де Йонг ва 30 ёшли Мартин Брэйтуэйт. Агар мавсумнинг бошланғич баҳсларида муносиб ўйин кўрсатган 27 ёшли Мемфис Депай бўлмаганида, юқоридаги трио шунчаки «қуруқ расм» ҳолида қолган бўлар эди.
Яна Антуан Гризманн картинкасига қайтамиз. Унинг «Барселона»даги икки йиллик фаолияти сотиб олинган пайтдан тортиб ҳозирги «Атлетико»га қайтгунича тўла каталонияликлар инқирозининг акси сифатида намоён бўлди. Аслида, Антуаннинг Каталонияга келиши кутилмаган тарзда содир бўлган. 2019 йилнинг ёзида «Барселона»нинг ўша пайтдаги раҳбарияти аслида иккита ҳужумкор футболчи - Неймар ва Гризманн вариантлари ўртасида бош қотиришган, улардан бирини танлашга тўғри келган.
Каталонияликларинг бирданига икки келишувга эриша олиши амри маҳол эди. Бу ерда парижликлар принципиал позицияларини намойиш этишди, шайхлар доимгидек ўз футболчиси учун жуда катта сумма талаб этишган.
Гризманн эса кейинчалик 120 миллион евро эвазига сотиб олинди. Бироқ ўша пайти «Блаугранас» учун қандайдир «тоза ҳаво» керак эди. Бу ҳозирги инқирозли давр олдидан ўта зарур пойдевор сифатида хизмат қилиши кутилган.
Муаммо шундаки, «Барселона» биргина Гризманн трансфери учун қўшимча банк кредитларига таянилган. Каталонияликлар ўшанда «Атлетико» ҳисоб рақамига француз учун 35 миллион евро ўтказиб берган, қолган 85 миллионлик сумма эса узоқ муддатга қарз сифатида тўлаб борилган. Оддий қилиб айтганда, «Барселона» Гризманни сотиб олиш учун етарлича пулга эга эмас эди (Неймар варианти ҳақида эса умуман гапирмаса ҳам бўлади). Аммо каталонияликлар барибир ушбу битимни тузишни маъқул кўришди. Сотишга сотиб олинди, бироқ кейинги эффект қай даражада бўлгани барчага аён.
Кўриниб турибдики, Гризманнинг «Барселона»га ўтиши дастлаб икки хил тарзда қабул қилинган. Ҳа, француз ҳужумчиси «Атлетико»га муносиб тарзда мослашиб кета олди. Голлар уришдан тўхтаб қолмади. Албатта, Гризманн Мадрид жамоасининг асосий фигураларидан бири эди, лекин мухлислар унинг «Барса»га мослашиб кета олмаслигини олдиндан сезган. Раҳбарият ҳам у Неймарнинг ўрнини боса олмаслигини жуда яхши тушуниб турган.
2021 йилнинг баҳорида «Барселона» ниҳоят, қийин иқтисодий вазиятда эканлигини тан олди. Бошқача айтганда, раҳбарият деярли умидсизликка тушиб қолган ҳолида Лионель Месси билан июнь охиригача ҳисобланган шартномани узайтира олмади. Ла Лига қоидалари бунга имкон бермади. Бюрократик продцедуралар билан бирлаштирилган манфаатлар буюк аргентиналик футболчининг «Блаугранас» мухлислари билан хайрлашишига олиб келди. Йигирма йилдан кўпроқ вақт ўтгач, Месси «Пари Сен-Жермен»га жўнаб кетди. Бироқ ҳатто унинг кетиши ҳам «Барселона» буджетидаги муаммоларни ҳал қила олмади.
Маълум бўлишича, каталонияликлар Мемфис Депай, Серхио Агуэро ва Эрик Гарсиялар билан шартнома имзолаш учун ҳам жамоанинг асосий футболчилари билан иш ҳақини қисқартириш тўғрисида музокара ўтказиши керак эди ва шундай ҳам бўлди. Лапорта футболчиларни маошнинг бир неча ойга қисқартирилишига кўндирди ва барибир ўзи хоҳлаган нарсага эриша олди.
«Атлетико» айни дамда бу вазиятдан унумли фойдаланиб қолди. Мадридликлар худди «қон ҳиди»ни ҳис қилгандек, Каталония клубида деярли энг кўп пул оладиган Гризманн учун таклиф билан Мадридга чиқди (норасмий маълумотларга кўра, бир мавсум учун 18 дан 23 миллион еврогача). Бундан ташқари «Барселона» чигал вазиятни тезда тушуниб, «матрасчилар»га дарҳол сотиб олишни таклиф қилмади. Энди «Атлетико» Гризини 40 миллионга мажбурий сотиб олиш имконияти билан уни 10 миллион еврога бир йилга ижарага олди. Шу билан бирга «Атлетико» форварднинг ижара муддатини ўша 10 миллион еврога яна бир йилга узайтириш имкониятига эга, бунда кейинги харидлар миқдори 30 миллионгача камайиши кутилмоқда. Бошқача айтганда, ўз клубида кутилмаган иқтисодий муаммолар юзага келганда, мадридликлар қайта суғурталаш билан қийин вазиятдан чиқиб кетди.
Лапорта «Атлетико» таклифини қабул қилишга мажбур бўлди ва Гризманни Мадридга қайтариб берди, аслида каталонияликлар французнинг сотувидан унга сарфланган пуллардан 3 баробар камроқ даромад кўрмоқда. Аммо иш ҳақларининг ўн миллиондан ортиқ евро камайтириш орқали балансни сақлашга ҳаракат қилди. Лапорта бунга қуйидагча изоҳ берди: «Футбол нуқтаи назаридан Антуан бизга керак бўлган ўйинчи эмас. У гол уришни билади.
Шу жумладан Испания кубогидаги ғалабамизда муҳим роль ўйнади, лекин кўпчилик ундан кўпроқ нарсани кутганди. "Барселона" ҳеч қачон асосий таркиб футболчисига бу қадар кўп пул сарфлаб, кам даромад олмаган. Аммо ҳозир вазият бир хил эмас: "Атлетико" Гризманнинг маошини тўлашга тайёр эди ва бу, аслида, ўтган мавсумда Ла Лигада жамоанинг иккинчи тўпурарига айланган футболчи учун арзирли ҳолат. Бироқ бугунги "Барса"га янги қон керак. Месси кетдими, демак, Гризманн ҳам кетиши керак. Нима содир бўлса бўлди», - дейди Лапорта. Энди «Барса» мухлислари жамоанинг ҳужум чизиғида Брэйтуэйт ва Де Йонгга умид боғлашда давом этади. Воқеалар ривожини биргаликда кузатамиз.
Юсуфбек Сайдалиев тайёрлади
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
MAVLONB...
Ушбу фикрга жавобан
MR.X MAN
Ушбу фикрга жавобан