Бугун 15 август, 2025 йил, жума.

Турнир жадвали

Жамоа Ў О
1 Насаф 18 37
2 Нефтчи 18 36
3 ОКМК 18 34
4 Динамо 18 34
5 Навбаҳор 18 31
6 Бунёдкор 18 31
7 Пахтакор 18 30
8 Сурхон 18 23
9 Қизилқум 18 22
10 Андижон 18 21
11 Сўғдиёна 18 20
12 Хоразм 18 19
13 Қўқон-1912 18 15
14 Машъал 18 15
15 Бухоро 18 14
16 Шўртан 18 10

Ўтган ўйинлар. 18-тур

18-тур Сўғдиёна 2-0 Машъал
18-тур Нефтчи 1-0 Насаф
18-тур Динамо 1-1 Пахтакор
18-тур ОКМК 0-0 Қизилқум
18-тур Андижон 0-1 Навбаҳор
18-тур Шўртан 1-2 Қўқон-1912
18-тур Бухоро 1-1 Хоразм
18-тур Сурхон 3-1 Бунёдкор

Сўровнома

  • Суперлига мавсумида чемпионликка асосий даъвогар қайси жамоа деб ҳисоблайсиз?

  • Натижалар | Жами овоз: 1268 та.
  • Сўровномалар архиви

ТВ дастурлар

Блогдаги ўзгаришлар

Теглар булути

Хабарлар архиви

«Челси»нинг муваффақиятли трансфер сиёсати сири нимада?

Баҳо:
+ | -
ЕВРОПА / Трансферлар / Расман тасдиқланган
Рукн: Таҳлил ва Мақолалар
A A A

“Челси”нинг трансферларни юритиш менежментига доим тан бераман. Мисол учун, ёзда Ромелу Лукакунинг рекорд трансфери, бир қараганда “Челси” учун идеал мос тушиши мумкин бўлган Саулнинг келиши билан ҳам, клуб бозордан плюс билан чиқди. Чунки клуб учун ортиқча бўлган Зума, Заппакоста, Эмерсон, Абрахам, Жиру, Мозес, Томори каби футболчилар яхшигина пулга сотилди. Хўш, нега бошқа клубларда бу жараён у қадар самарали эмас?

Масалан, “Челси” ҳозирда Рюдигер билан янги шартнома устида мунозара ўтказяпти ва айтилишича, жуда оғир ўтяпти. Сабаби, ҳимоячи Лукаку, Канте даражасида маош талаб қилмоқда, “Челси” эса, буни истамайди. Бир тарафдан, ҳозирда отнинг устида бўлган Тухел схемаси учун идеал тушаётган Рюдигернинг “оғзига сиққанини” бериш керакмасми? Ҳа, бошқа клуб, масалан “Манчестер Юнайтед” шу ишни қилган бўларди.

Аммо бошқа тарафдан, Рюдигер маълум схема ва услуб остида идеал футболчи холос, айтайлик, 2 марказий ҳимоячили вариантда бу қадар фойдали бўлмайди. Эртага Тухел бошқа схемага ўтиши ёки умуман истеъфога чиқиши мумкин, у ҳолда Рюдигерни бундай катта маоши билан нима қиламиз?

“Челси”да мураббийнинг истакларига қулоқ тутилса-да, ҳар бир вазият мана шундай чуқур таҳлил билан амалга оширилади. Шунинг учун ҳам, жамоа таркиби анча мослашувчан, мураббийлар тез-тез алмашиб турса-да, ҳеч қачон ортиқча “балласт” ёки яққол етишмовчилик сезилмайди.  Фергюсон даврида ягона менежер шахсга боғлиқ ҳолда ишлашга ўрганиб қолган “Юнайтед”  техник бўлими эса, мустақил равишда самарали бўла олишмайди. Луи ван Гаал бўладими, Моуриньоми ёки Сульшер, молиявий сармоя бу мураббийларнинг истаги ёки ишончи устидагина қурилиши доим панд бериб келади. Фергюсоннинг муваффақиятли йилларида бу билинмас, аммо ҳозир трансфер бозорида рақобат қилиш учун топ клубга ҳам яхши сотишлар керак бўлади.

Мана шу томондан, Фил Жонс, Эрик Байи, Лингард, Перрейра каби футболчилар билан янги шартномалар тузилгани тушунарсиз бўлиб қолаверади. Ҳозирда ҳар ўйинда ҳатто 30 дақиқа вақт топиб бериш қийин бўлган Антони Марсиял АПЛ да энг кўп маош олувчи футболчилар ўнталигига киради, аслида у аллақачон сотиб юборилиши керак эди. Бундай маош билан сотиш осон эмас. Лукакунинг келиши ҳозирда харидоргир бўлиб турган Абраҳамнинг сотилишига олиб келди, ҳеч ким унинг тарбияланувчи экани, келажакда (балким) юлдуз бўлиб кетиши билан қизиқиб ўтирмади.

Яна бир мисол, “Челси”да анъана бор – 30 ёш атрофидаги футболчиларга фақат бир йилга шартнома таклиф қилинади. Айрим истиснолардан ташқари. Футболчи ҳар қанча фойдали бўлмасин, бу тизим клубнинг умумий манфаатлари учун жуда мос. Эсингизда бўлса, 4 йил олдин Неманья Матич “Челси”дан “Манчестер Юнайтед”га ўтди. Бир йиллик шартномага рози бўлмаган сербиялик футболчи “МЮ”га рози бўлди ва “Челси” уни яхши нархга пуллади. Илк мавсум ўйинларида Матич жуда зўр ўйин кўрсатаётганда ҳамма кулди – “Челси” нега асосий рақибига Матични сотди? Унинг ўзи муҳтожку бундай футболчига?

Аммо Матич йилдан йилга табиий равишда пасайиб бормоқда, ҳозир “Юнайтед” 33 ёшли футболчига ишонишга мажбур, “Челси”да эса, бу чизиқда анча ёш ва яхшироқ формада бўлган Канте, Жоржиньо ва Ковачич бор. “Юнайтед” Матични бу маоши ва ёши билан пуллай олмайди, “Челси” эса, саналган футболчиларнинг ҳар бирини камида 30-40 миллионга сота олади.  

Бундай сиёсат баъзида Муҳаммад Салоҳ ёки Кевин Де Брюйнени қўлдан чиқариб юбориши мумкин, лекин пасайиш-тушишлар, мураббийлар истеъфоси каби ходисалар ичида ҳам “Челси” сўнгги 10 йилда соврин ютиш бўйича Англиянинг энг яхши икки клубидан бири бўлиб қолаётгани ҳар қандай афсусларни ёпиб кетади.

Қаҳрамон Асланов.

Манба: https://t.me/asl_futbol
Киритилди: 07:09, 17.09.2021. Ўқилди: 4832 марта. Фикрлар: 3 та.

Матнда хатолик топсангиз, ўша хатони белгилаб, бизга жўнатинг (Ctrl + Enter).


Бўлимга тегишли қизиқарли хабарлар

Биласизми, ЖЧ фақат бир марта, 2002 йилда икки давлат (Япония ва Жанубий Корея)да ўтказилган

Тўпурарлар жадвали

Футболчи Гол
1 Пахтакор Игорь Сергеев 12
2 Насаф Ҳусайн Норчаев 9
3 Сўғдиёна Люпчо Дориев 9
4 Навбаҳор Аббос Ғуломов 8
5 Бунёдкор Луис Качорри 8
6 Навбаҳор Руслан Жиянов 8
7 ОКМК Хуршид Ғиёсов 6
8 Динамо Анваржон Ҳожимирзаев 5
9 Андижон Рустам Турдимуродов 5
10 Нефтчи Зоран Марушич 5

Сўнгги хабарлар

Бошқа хабарлар →

Конференция

Қаҳрамон Асланов

Онлайн савол-жавоб


Шуҳрат Шокиржонов

Фақат футбол ҳақида


Шерзод Ражабов

Кучли Бешлик


Ҳасанали Қодиров

Онлайн савол-жавоб


барча конференциялар »
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.