Биз, сиз футбол ихлосмандлари эътиборига бир неча ойдан буён Европа, хусусан Англияда етишиб чиқаётган ўспирин-ёш, аммо истеъдодли футболчилар ҳақида ҳикоя қилиб келаяпмиз. Агар эсингизда бўлса, бундан бир ой илгари «Ливерпуль»нинг академиясидан чиққан ажойиб талантли футболчи, Харви Эллиот ҳақида маълумот берган эдик. Буни қарангки, ушбу мақола чиққанидан кўп ўтмай, эндигина 18 ёшга кирган вингер янги мавсумда Юрген Клопп жамоасининг асосий таркибига киритилди. Бир неча турдаги супер перформенсидан кейин, «Лидс»га қарши 4 тур ўйинида ўсиб келаётган нав-ниҳолни жароҳатлашди. Эллиот ўша машъум тунда гарчанд жамоаси ғалаба қозонган бўлса ҳам синиқ оёқ билан майдонни тарк этди. Ҳозир сизга Эллиот каби ўзига хос талант эгаси бўлган яна бир тинеже футболчи – Кайде Гордон ҳақида айтиб бермоқчимиз.
«Ливерпуль» 2020 йилнинг январь ойида ўз таркибида йўқотишлар кўпайиб кетгани учун бир неча футболчиларни ижарага олишга мажбур бўлди. Хусусан, марказий ҳимоячилар Бен Девис ҳамда Озан Кабак айнан ҳимоя учун харид қилинади. Аммо ўша пайтда клубнинг энг яхши қилган иши бу «Дерби Каунти»дан 16 ёшли Кайде Гордонни келтирилиши бўлганди. Чемпионшип вакили бош мураббийи Уэйн Руни томонидан «фантастик» деб таъриф берилган Гордон 3 миллион фунтга сотиб олинган. Ҳеч қайси клуб ўз келажагини пуллашни истамайди, албатта. Аммо ўша пайтдаги «Дерби»нинг молиявий аҳволи, Гордонни сотишга мажбур қилганди. Ёш бўлишига қарамай, Руни меҳрини қозона олган Гордон, 2020 йилнинг бошроғида «Дерби» клубининг асосий таркибига жалб қилинганди. Ўша йили у клуб академиясининг энг яхши йил ўйинчиси номига сазовар бўлади. Гордон 16 ёшу 84 кунлигида «Бирмингем»га қарши баҳсда илк марта профессионал футболчи сифатида асосий таркибда майдонга туширилади.
Руни Гордоннинг ижобий сифатларини кўриб, уни ўсиши учун имконият беришга ҳаракат қилди. У илк машғулотидаёқ Уэйннинг эътиборига тушганди. Гордон барча ҳужумчилар каби универсал танлов ҳисобланади. Асосан ўнг қанот вингери вазифасини бажаради. Унинг чапақайлиги тўпни жарима майдончасига нисбатан кескин узатиш имкониятини беради. Ҳужумчи 18 ёшгача бўлган ўйинчилардан тузилган «Дерби» жамоасида «Блекберн»га қарши илк марта хет-трик қайд этган эди. Дриблинг маҳорати юқори даражадалиги сабаб, Гордон ҳимоячиларга максимал даражада қийинчилик туғдира олади. Қолаверса, унинг тезлиги яхши ва қочиб кетиш бўйича тенгқурлари ичида яхши натижага эга. У аллақачон майдонда ўзини тутиш кўникмаларини ўзлаштириб олган. Ундаги совуққонлик ҳамда ҳал қилувчи вазиятларда муҳим узатмалар бера олиш маҳорати, ўйинчининг футбол онги юксаклигидан далолат беради. Гордоннинг жисмоний формаси жойида эканидан келиб чиқсак, у нима учун юқори баҳоланган эканини билиб олишимиз мумкин. У айрим манбаларда Англиядаги «16 ёшлилар орасида энг яхши ўйинчи» бўлишга улгурган. Футболчи «уч шерлар»нинг ўсмирлар терма жамоаси сафига киритилган.
16 ёшгача футболчилар терма жамоаси сафида гол ургач, «Ливерпуль»га жўнаб кетган Гордоннинг ўйинлари уни мамлакат терма жамоасининг каттароқ тоифасига киритилишига ёрдам бериши мумкин. 16 ёшли страйкер мерсисайдликлар асосий таркибидаги дебютини кўп кутмади. У кеча лига кубогининг 3-раундидан ўрин олган «Норвич»га қарши учрашувда асосий таркибда майдонга туширилди. Гордон таркибда Такуми Минамино ҳамда Дивок Ориги билан бирга ҳужум чизиғидан жой олди. «Қизиллар» таркибида 3-0 ҳисобидаги йирик ғалабага ҳисса қўшганлардан Жо Гомез, Наби Кейта, Чембрлен ва Ибраҳима Конате сингари машҳур номлар ҳам бор эди.
Хуллас, «Ливерпуль» ҳамда клуб менежери Юрген Клопп ёшларни қўллаб-қувватлаш ва уларни кашф этишда исталган жамоага ўрнак бўла олади. Тез орада, Гордон номи нафақат клуб мухлислари, балки футбол оммаси орасида ҳам машҳур бўлиб кетса, ажаб эмас. Яна ким билади дейсиз...
инглиз тилидан Жалолиддин ИСМАТОВ таржимаси
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
