«Ювентус» ўтган мавсум 10 йиллик гегемонликдан кейин Италияда «Интер»га имкониятни бой берди, Криштиану Роналду жамоани тарк этди. Шу ва бошқа маълумотлар билан мазкур блогни кузатиш жараёнида танишиб олишингиз мумкин.
УЕФА рейтинги (2020/21 якуни): 5
Қандай етиб келишди: Италияда 4-ўрин
Ўтган мавсум: нимчорак финал (меҳмондаги гол эвазига «Порту»га мағлубият)
Еврокубоклардаги энг яхши иштирок: ғолиб (1984/85, 1995/96)
Бош мураббий: Массимилиано Аллегри
54 ёшли мутахассис икки йиллик таътилдан кейин яна «Ювентус»га ўз миссиясига эга бўлган ҳолда қайтди. У «Ювентус»ни Европа Чемпионлар Лигасининг икки мавсумида - 2015 ҳамда 2017 йилги финалга қадар олиб чиққан, аммо иккаласида ҳам мағлубиятга учраганди. Эндиликда ундан бу ишни уддалаш кутилмаса ҳам, туринликларнинг олдинги мавқеига қайтариш вазифаси бор.
Асосий ўйинчи: Пауло Дибала
Ўтган мавсум Андреа Пирло қўлостида қийин мавсум ўтказганидан кейин 27 ёшли аргентиналик Аллегри бошқарувида ўз даражасига қайтишдан умидвор. Италиялик мутахассис Дибаланинг имкониятларидан қандай фойдаланиш билади. Турин клубидаги еттинчи мавсумида ҳаракат қилаётган тезкор ва чаққон "Ла Жоя" бу мавсум порлаши мумкин.
Ёзги энг катта хариди: Мануэл Локателли
23 ёшли чапақай футболчи ёзда ўтказилган Европа чемпионатидаги Италия термаси учун ишончли ўйинлари, хусусан гуруҳ босқичида Швейцарияга урган икки голи билан диққат марказига тушди. Яқин йиллар ичида «Ювентус» ярим ҳимоясида бир қанча муаммоларга дуч келаётганди. «Сассуоло»нинг собиқ аъзоси бунга ечим бўлиши мумкин.
Ўйинини кўриш керак: Федерико Кьеза
Италия билан Евро чемпионлиги таъмини татиб кўргандан кейин ҳужумкор ярим ҳимоячи ўзининг устида ишлаш ва ривожланишни давом эттириш учун ҳаракат қилади ва «Ювентус»нинг ҳақиқий етакчисига айланади.
Биласизми?
«Ювентус» Чемпионлар Лигасидаги 1996 йилдаги сўнгги чемпионлигидан кейин 5 марта финалда ўйнади, аммо ҳар сафар мусобақадаги учинчи совринини қўлга киритиш учун муваффақиятсизликка учради. Ҳеч бир жамоа «Юве»дек кўп финалда мағлуб бўлмаган — 7 марта.
Жорий мавсум «Ювентус» ўз гуруҳида «Челси», «Зенит» ва «Малмё» клублари билан кураш олиб боради. Дастлабки турда Швециядан 3:0 ҳисобидаги ғалаба билан қайтган Аллегри жамоаси, 2-турда ўз майдонида «аристократлар»ни қабул қилади. Баҳс 29 сентябрь куни Тошкент вақти билан 23:55да бошланиши режалаштирилган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
