«Бенфика» бугун Чемпионлар Лигаси гуруҳ босқич 2-тур доирасида Лиссабонда «Барселона»ни қабул қилади ва 60 йилда илк бор мағлуб этишга уриниб кўради.
Биринчи турда Португалия клубида Киевда «Динамо» билан 0:0 ҳисобида дуранг ўйнаган ҳолда дастлабки очкони қўлга киритган бўлса, «Барселона» ўз майдонида «Бавария»дан учта голни қабул қилиб олганди. Шу тариқа, Каталония клуби ўз тарихида илк бор еврокубок ўйинларнинг кетма-кет учтасида мағлубиятга учради.
Олдинги учрашувлар
Жамоаларнинг охирги кесишган йўли Чемпионлар Лигасининг 2012/13 йилги мавсуми гуруҳ босқичига бориб тақалади. Ўшанда 2-тур доирасида Лиссабонда ўтган ўйинда Санчес ва Фабрегасларнинг голлари «Барселона»га 2:0 ҳисобидаги ғалабани тақдим этганди. 6-турда, "Ноу Камп"да бўлиб ўтган учрашувда гол киритилмаган. Ўшанда гуруҳда «Барселона» биринчи, «Бенфика» учинчи ўринни қўлга киритганди. Ўша баҳс «Барселона» ва «Бенфика» қарама-қаршилигида ғолиб аниқланмаган илк учрашув сифатида ёдда қолган.
Клубларнинг биринчи беллашуви 1961 йилда ўтказилган. Бела Гутманнинг «Бенфика»си «кўк-анорранглилар»ни 3:2 ҳисобида енгган.
Жамоалар 2006 йилда ЕЧЛ чорак финалида тўқнаш келишган ва Роналдиньо ҳамда Э'тоОнинг голлари "Барселона"ни ярим финалга олиб чиққан.
Томонлар Чемпионлар Лигаси доирасида жамо 7 бор учрашишган. Шулардан учтасида «Барселона», биттасида «Бенфика» ғалаба қозонган. Тўплар нисбати - 8:4 «Барселона» фойдасига.
Тахминий таркиблар
Бенфика - Влакодимос, Вериссимо, Отаменди, Вертонген, Гилберто, Марио, Вайгл, Грималдо, Нунес, Рафа, Яремчук
Барселона - Тер-Штеген, Мингеса, Араухо, Пике, Дест, Бускетс, де Йонг, Коутиньо, Демир, Депай, Люк де Йонг.
Йўқотишлар
Мезбонлар сафида Ҳарис Сеферович, Мила Свилар жароҳати боис майдонга туша олишмайди. Диогу Гонсалвешда ҳам кичик жароҳат мавжуд, лекин унинг қатнашиши сўроқ остида.
Каталонияликлар сафида йўқотишлар бисёр. усмон Дембеле, Педри, Брейтуэйт, Агуэро, Алба жароҳат олишган. Балде ва Серж Робертолар ҳам жароҳатдан тикланиш жараёнида ва уларнинг қатнашиши номаълум.
Рақамлар
«Барселона» барча мусобақаларда «Бенфика»га қарши сўнгги 4 ўйинда гол ўтказиб юбормади.
«Бенфика» Чемпионлар Лигасида охирги 7 учрашувининг бештасида дарвозаси даҳлсизлигини сақлаб қолди.
«Бенфика» охирги 5 ЕЧЛ ўйинида мағлубиятга учрамади.
Баҳс расмийлари
Бош ҳакам: Даниеле Орсато (Италия)
Қанот ҳакамлари: Алессандро Гиаллатини (Италия), Чиро Карбоне (Италия)
Захира ҳаками: Даниеле Довери (Италия)
ВАР: Массимилиано Иррати (Италия)
ВАР ёрдамчиси: Крис Кавенаг (Англия)
Эслатиб ўтамиз, учрашув бугун Тошкент вақти билан 00:00 да бошланиши кўзда тутилган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
