Италия А серияси 25-туридан жой олган марказий учрашувда Миланнинг “Милан” жамоаси ҳали бирор маротаба мағлубиятга учрамаган Туринниг “Ювентус” клубини қабул қилди. Чемпионлик учун энг асосий даъвогар бўлиб турган бу икки жамоа ўртасидаги баҳс худди шу мақомга муносиб бўлди.
Биринчи бўлимда тўлиқ устунлик қилган мезбонлар 15-дақиқада Антонио Ночеринонинг голи эвазига ҳисобда олдинга чиқиб олишди. Бутун бўлим давомида бу ҳисоб йириклашиши мумкин эди. Бироқ бу борада мезбонларга омад етишмади.
Иккинчи бўлимда Антонио Конте амалга оширган ўзгаришлар ўз самарасини берди. Айниқса Алессандро Матрининг майдонга чиқарилиши туринликлар ҳужум чизиғини кучайишига сабаб бўлди. 74-дақиқада Матри Аббьяти дарвозасини ишғол қилишга муваффақ бўлганди, бироқ бу вазиятда ҳакам ўйиндан ташқари ҳолат юзага келганини билдириб ўтди.
Тиниб-тинчимас Матри 83-дақиқага келиб Тьяго Сильванинг хаосидан сўнг тўпни эгаллаб олди кучли зарба билан Аббьятининг синовдан ўтказди. “Милан” посбони тўпни майдон ташқарисига чиқариб юборишга муваффақ бўлди. Бироқ бурчакдан оширилган тўпдан кейин яна ўша Сильва Матрини ушлаб қола билмади ва натижада Матри ҳисобни тенглаштирди.
Ҳисобда олдинга бориб ўйинни бўшаштириб юборган мезбонлар буёғига яна ҳужумларни кучайтиришга уриниб кўришди. Бироқ улар Артуро Видалнинг қизил карточка олишидан бошқа ишни эплай олишмади. Натижда учрашувда дуранг ҳисоби сақланиб қолди. А серияда бирорта учрашувда мағлубиятга учрамаган Антонио Конте шогирдлари бу сафар ҳам майдонни бош эгиб тарк этмадилар.
ИТАЛИЯ А СЕРИЯСИ
25-тур
МИЛАН – ЮВЕНТУС – 1:1 (1:0)
Голлар: Ночерино (15) – Матри (83).
МИЛАН: Аббьяти, Абате, Мексес, Антонини, Эмануэлсон (Амброзини, 72), Мунтари, ван Боммел, Ночерино, Силва, Робиньо, Пато (Эль Шаарави, 46).
ЮВЕНТУС: Буффон, Кьеллини, Бонуччи, Бардзальи, Лихтштайнер, Пирло, Маркизио, Видаль, Эстигаррибиа (Пепе, 46), Боррьелло (Вучинич, 54), Куальярелла (Матри, 69).
Огоҳлантиришлар: Силва (36), Бардзальи (41), Мексес (80), Мунтари (81), Матри (84), Пепе (90).
Четлатиш: Видаль (89, Ювентус).
Шунингдек, “Женоа” ва “Парма” жамоалари ҳам 25-тур учрашувини бугун ўтказишди. Ўйинни жуда бўш бошлаган мезбонлар сўнгги ўн дақиқада ўзларига келишди ва мағлубиятдан қутулиб кетишнинг йўлини топишди.
ЖЕНОА – ПАРМА – 2:2 (0:1)
Голлар: Паласио (78, 90+1) – Гобби (6), Флоккари (53).
ЖЕНОА: Фрей, М. Росси, Гранквист, Каладзе, Э. Моретти (Зе Эдуардо, 69), Констант, Куцка, Беллуски (Хоркера, 90), Велозу (Место, 57), Янкович, Паласио.
ПАРМА: Миранте, Дзаккардо, А. Лукарелли, Феррарио, Мусаччи (Морроне, 57), Марига, Джовинко, Галлоппа, Гобби (Модесто, 27), Флоккари (Валиани, 61), Биабиани.
Огоҳлантиришлар: Биабиани (42), М. Росси (55), Мусаччи (57), Валиани (63), Куцка (67), Миранте (67).
Четлатиш: А. Лукарелли (90, Парма).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
