Бу йилги ёзда амалга оширилган трансферлар таъбир жоиз бўлса, ХХI асрдаги энг катталари бўлди. Аср аввалидан шаккланиб, футбол оламида йирик фигураларга айланган Лео Месси ҳамда Криштиану Роналдулар ўз клубларини ўзгартиришди. Мессининг кетиши аввалдан барча учун аён эди, аммо Роналдунинг кўчиши трансферлар бозорида сенсация ясади. Яъни португалияликнинг дастлаб, Манчестернинг «кўк томони»га йўлга отланиб, «қизил томони»да қўним топгани, барчани ҳайратини оширди. Айнан мана шу трансфер қандай амалга ошгани ҳақида қуйида қисқача маълумотга эга бўласиз.
Собиқ Англия терма жамоаси ва «Тоттенхэм» клуби футболчиси Гари Линекер яқинда ОАВга Роналдунинг трансфери унинг уйида, ҳовлибоғида амалга ошганини ошкор қилди. Бу хабар кўпчиликда қизиқиш уйғотди. Собиқ футболчи «МЮ» директори Эд Вудварднинг қўшниси ҳисобланади. Эд 2009 йилда «Реал»га сотиб юборилган юлдузни бу ёзда жамоага қайтаришда бош-қош бўлган шахс ҳисобланади. Ушбу воқеа «Sky Sports» мухбири Алан Ширер ва Майка Ричардслар томонидан ҳикоя қилиб берилганди. Бу ҳақда сўралганда Гари Линекер каналга шундай дейди: «Мен ҳозир қўлимдаги барча қарталарни очаман. Эд Вудвард билан яқин дўстмиз. У менинг ён қўшним. Эд Роналду билан айнан менинг боғимда шартнома имзолади! У уйимга кириб келаётганида қўлида телефон билан ким биландур гаплашаётган эди. У шундай деди: «Умид қиламанки, бу учун жуда кўп сўрамайсиз». Кейин билсам, унинг суҳбатдоши Криштианунинг агенти Хорхе Мендеш бўлган экан. Менда ҳатто Эд ва Роналдунинг боғимда гаплашиб ўтирган суратлари ҳам бор. Мен буни бир кун келиб уларнинг рухсати билан сизларга тақдим этаман деб умид қиламан».
Криштиану Роналду ўз жамоаси «МЮ»га супер камбекни амалга оширди. У янги мавсумда 5 та голга муаллифлик қилган. Шунга қарамай, Сульшер жамоаси охирги пайтларда натижа қайд этиш бўйича оқсамоқда. Унинг клуби сўнгги ўтказилган 7 та ўйинининг 4 тасида ғалаба қозона олмади. Ҳозирда жамоанинг қийин ҳолатига қарамасдан Алан Ширер Роналду клубни чемпионликка етаклашига ишонмоқда. Ундан бу ҳақда сўралганда шундай дейди: «Сўнгги бир неча йилга қарайдиган бўлсак, «Манчестер Юнайтед» совринлар учун курашувчи жамоа мақомидан тушиб қолганди. Роналду келгач, клуб бутунлай ўзгарди. Улар бу мавсумдан рақобат учун етук жамоага айланди. У билан битим тузиш клубга фойдали бўлди. Улар бундан ҳеч нарса йўқотгани йўқ. Клуб 25 миллион фунтга Даниел Жеймсни сотди ва тахминан шунча қийматга Криштиануни келтирди. Ўйлайманки, бу фойдали савдо бўлди».
Дарҳақиқат, Роналду клубга фойдали трансфер саналади. Унинг келиши жамоани сезиларли кучайтирди. Амми ҳозир ҳам бу мавзу атрофида ҳар хил гаплар айланмоқда. Хусусан, CriRoнинг келиши, жамоага зиён дегувчилар ҳам топилиб турибди. «Қизил иблислар» АПЛда кейинги баҳсини халқаро танаффусдан кейин «Лестер»га қарши, сафарда ўтказади. Ушбу учрашув 16 октябрьга белгиланган.
инглиз тилидан Жалолиддин ИСМАТОВ таржимаси
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
