Футболдаги воқеа-ҳодисалар вақт ўтиши билан тарихга айланади. Ана шу тарихни эслатиб туриш ва одамлар эслаб туриш учун жаҳон бўйлаб ушбу спорт турига оид музейлар ташкил этилган. Агар сиз футболни яхши кўрсангиз, ундаги ёдгорликлар қанчалик қадрли эканлигини англаб етасиз. Шунингдек, хотиралар ҳам. Бу Диего Марадонанинг чап оёғи бутсаси бўладими ёки Карлос Вальдерраманинг олтин сочларими, уларни авлодлар билиши лозим. Айнан кичик деталлар биз севган спорт тури тарихида муҳим роль ўйнайди. Ана шундай тарихий эсдаликлар йиғиндлари акс эттирилган жаҳондаги энг машҳур футбол музейларини қуйида келтириб ўтамиз.
1. Марадона Музейи, Неополь шаҳри
Агар сиз замонавий мосламалар шайдоси бўлсангиз, бу жой сиз учун эмас. Лекин сизнинг ташрифингиз бу маконни ўзгача қилади. Бу ерда сиз футбол зарварақларига ёзилган ҳақиқий ҳодисотлар гувоҳига айланасиз.
Неополь шаҳридаги Марадона музейида афсонавий футболчи фаолияти билан боғлиқ кўплаб артефактлар жамланган. Хусусан, футболчининг 1986 йилги Жаҳон чемпионати ярим финалида Бельгия дарвозасига икки марта гол урган чап оёқ бутсаси ва ҳатто 1984 йилдаги «Наполи» клуби билан имзолаган шартномасининг асл нусхалари мавжуд. Хуллас, бу музей афсонанинг афсонага айланишидан ҳикоя қиладиган ҳақиқий макон.
2. «Реал Мадрид» музейи, Мадрид шаҳри
«Реал»нинг совринлар кабинети ҳақида гапирганда, клуб дунёнинг энг беназир жамоаси эканини англай бошлайсиз. Клуб музейига ташриф буюришингиз билан кираверишда 13 та ЕЧЛ кубоги кўзга ташланади. «Сантиагу Бернабеу» ўйингоҳи ичида жойлашган музейдаги клубга тегишли экспонатлар профессионал футболчининг ҳаёти қай тарзда ўсиб боришидан ҳикоя қилади, гўё. Музей эсдаликларга тўла ва уни кўрган инсон клуб тарихини тезда билиб олади. Интерактив воситалар буни янада осонлаштирган.
3. Миллий футбол музейи, Манчестер шаҳри
Ҳақиқий тарих! 2500 дан ортиқ артефактлар ва 140 мингдан зиёд жамланма фотогалерея, шунингдек, постер ва портретлар Англия футболи музейини банд этган. Манчестер шаҳрига борган ҳар қандай футбол ихлосманди учун ҳақиқий таассуротлар макони. Музейда инглиз футболи асосий диққат марказига олинган бўлсада, у ерда афсонавий «Реал» ҳужумчиси Альфредо Ди Стефанога бағишланган бурчак ҳам ташкил этилган. Унда футболчи 1960 йилги Жаҳон чемпионатида кийган либоси ташриф буюрувчилар учун сақлаб келинади.
4. Немис футбол музейи, Дортмунд шаҳри
Германия футболи тарихида қандай ҳодисотлар юз берган бўлса барча-барчасини «Боруссия Дортмунд» ўйингоҳи - «Сигнал Идуна Парк»ка борган инсон билиш имкониятига эга бўлади. Немис футболи микрокосмосига кирар экансиз, сизни мафтун қилувчи воситалар жамланмасига дуч келасиз. 1954 йилдаги Ғарбий Германиянинг Жаҳон чемпионатида ғалабаси билан бошланган тарих, ҳозиргача давом этиб келмоқда. Агар музейдаги барча нарсани кўриш сиз учун мураккаблик туғдираётган бўлса, у ҳолда сизда бошқа хоналарга ўтмай, шунчаки 1966 йилги Жаҳон чемпионати финалини қайта-қайта томоша қилиш имконияти ҳам мавжуд. Хуллас, ўзгача дунё ва ўзгача қарашлар мажмуйи.
5. ФИФА Жаҳон футболи музейи, Цюрих (Швейцария)
Дунё бўйича энг катта ва экспонатларга бой футбол музейи ҳисобланмиш Цюрихдаги Жаҳон футболи музейида сиз ҳамма нарсани топа оласиз. Юқорида келтирилган музейларда фақат бир клуб ёки бир миллат футболига оид жамланмалар йиғилган бўлса, бу ерда бутун дунё футболига оид маълумотларга эга бўлишингиз мумкин. Бунда ҳар бир ўйинчи, клуб ва мамлакат футболига бағишланган кўргазмалар алоҳида келтирилган. Ушбу артефактлар исталган одамга турли хил видео, фото, совринлар ва саноқсиз эсдаликлар билан футбол ландшафтини тушуниб олишга ёрдам беради. ФИФА музейи миллатларнинг футбол тарихидаги чўққига чиққан ва зафарли онларидан ҳикоя қилади. Биз севган гўзал ўйинни жилокор рангларда ҳамда бор бўйи билан кўришни истасангиз, албатта Цюрихга ташриф буюринг!
инглиз тилидан Жалолиддин ИСМАТОВ таржимаси
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
