Роналду Қатар устидан қозонилган ғалабадан кейин нималар деди?
36 ёшли «Манчестер Юнайтед» ва Португалия терма жамоаси ҳужумчиси Криштиану Роналду ўртоқлик учрашувида Қатар устидан қозонилган ғалабага (3:0) ҳақида ижтимоий тармоқларда ўз постини эълон қилди.
«Мен ҳар доимгидек ўз ватаним шарафини ҳимоя қилаётганимдан фахрланаман. Яна бир синов, тарихий орзу - 2022 йил Қатарда бўладиган жаҳон чемпионатида ўйнашнинг улуғвор ва мустаҳкам йўлида бирдек ҳаракатдамиз!» - дея Роналду Инстаграмда пост қолдирди.
Эслатиб ўтамиз, Қатар билан учрашув португалиялик учун терма жамоа либосидаги 181-учрашув бўлди ва бу Роналдуни Европа жамоалари орасидаги рекордчига айлантирди.
Криштиану Роналду Португалия терма жамоаси сафида 181 ўйинда 112 гол ва 41 голли узатма муаллифи бўлган. Терма жамоа таркибида у 2016 йилги Европа чемпионатида олтин, Евро -2012да бронза ва Евро-2004да кумуш, 2019 йилда УЕФА Миллатлар лигасида ғолибликни қўлга киритди.
Киритилди: 07:55, 10.10.2021. Ўқилди: 6841 марта. Фикрлар: 11 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар