Бугунги кунда бутун Европа грандларини бирлаштираётган номлардан бири норвегиялик "машина" Эрлинг Холанд бўлиб турибди. Сўнгги пайтларда унинг исми билан боғланган трансфер миш-мишлари шу қадар кўпайиб кетдики, ҳар куни Холанд қайсидир гранд сафига бориб қўшилади. Биз бугунги мақоламизда қайси жамоа футболчига мос ва унинг нархини кимлар кўтара олиши ҳақида тўхталиб ўтишга ҳаракат қиламиз.
"ПСЖ" варианти
Ёзда жамоани тарк этиши кутилаётган Килиан Мбаппе ўрнига бошқа ёш юлдуз футболчини олиб келишни кўзлаётган парижликлар учун Холанд айни муддао. Клуб у истаган барча нарсани муҳайё қилиши мумкин, кафолатланган асосий таркиб, дунёнинг энг кўп маош олувчи футболчиси ва ҳ.к. Аммо Холанд катта эҳтимол билан бу вариантни танламайди. Сабаби унинг режаларида ҳозирча "ПСЖ" йўқ.
"Ливерпуль" варианти
Номзод жамоалар орасида маблағ борасида нисбатан пастроқ имкониятга эга бўлган клуб десак менимча адашмаган бўламиз. Лекин сўнгги йилларда Клопп жамоаси деярли катта ҳаридларсиз трансфер бозорида ҳаракат қилаётганини ҳисобга олсак балки Холанд учун ўзининг "тишининг кавагида" сақлагани бордир балки!?
"Реал Мадрид" варианти
Нисбатан олиб қараганда танловлар ичида энг яқин вариант мана шу фикримча. Чунки қироллик клуби ҳам ҳудди "Ливерпуль"дек бир неча мавсумдан буён трансфер бозорида фаол эмас. Аммо катта эҳтимол бошқача бўлади. Перес "қироллик" клуби муҳлисларига келаётган ёзда бирйўла икки "бўмба" трансфер яни Холанд ва Мбаппени тайёрлаётганини бир қатор машҳур нашрлар эътироф этди. Лекин "бир қозонда икки қўчқор калласи қайнамайди" деганларидек Холанд ҳам ўзини яққол етакчи сифатида кўрадиган клубга ўтмоқчи.
"Барселона" варианти
Ҳозирги даврда жуда катта молиявий қийинчиликларни бошидан ўтказаётган каталонияликлар раҳбарияти ёзда катта харидлар учун пул бўлади деб муҳлисларни ишонтиришга ҳаракат қилмоқда. Жамоа президенти Лапортани сўзларига кўра клуб асосий эътиборини номдор ҳужумчи сотиб олишга қаратади. Мино Райола (Холанднинг агенти) Лапорта билан қалин дўстлиги инобатга олиб ва асосийси ҳозирда "Барселона"да яққол етакчининг йўқлиги, норвегиялик эса борган жойида ўзини якка ҳукумронлигини ўрнатмоқчилигини ҳисобига ҳам бу рўйҳатда айнан "кўк-анорранглилар" мавжуд.
Бу вариантлар шунчаки тахмин холос, яни клубларнинг ҳозирги кундаги ҳолатидан келиб чиқиб Холандни сотиб олиши мумкин бўлганлар рўйхати. Якуний қарорни эса футболчининг ўзи қабул қилади. Биз эса бу миш-мишлар тугаши учун яна камида келаси ёзгача кутишга мажбурмиз.
Абдубурхон Мамажонов тайёрлади
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
