Муваффақиятли старт, 1-тур ва янги футболчилар ҳақида — Аҳад Юсупов билан интервью
"Локомотив" футзал клуби янги мавсумнинг дастлабки 3та баҳсида ғалаба қозониб, пешқадамга айланиб олди. "Темирйўлчилар" бош мураббийи Аҳад Юсупов бу борада ўз фикрлари билан ўртоқлашди.
— Жамоа мамлакат чемпионатида муваффақиятли старт олди. 1-тур ҳақида нималар дея оласиз?
— Ҳа, мавсум яхши бошланди. Барча жамоалар мавсумга яхши тайёрланишди. Мавсумдаги дастлабки ўйин қийин ўтди. Бошида «Бунёдкор» ҳимоясини ёриб ўта олмадик. Кейинчалик ишлар яхши кетди ва кўплаб голлар урдик. Иккинчи ўйинда мамлакатимизнинг энг кучли жамоаларидан бири — «Ҳуахин-Жиззах» билан баҳслашдик. Ўйинни иккинчи рақамли жамоа сифатида бошлаб, ҳимояда ўйнадик. Лекин бор эътиборимиз ғалабага қаратилганди. Сўнгги баҳсда мезбон «Нефтчи»га қарши ўйнадик. Оғир ва босимга бой ўйин бўлди. Маҳаллий мухлисларнинг қўллаб-қувватловига қарамай ғалабага эриша олдик.
— Миллий терма жамоамизнинг бир неча футболчилари жамоа таркибига ўйин сифатига қанчалик таъсир ўтказди?
— Тўлабек Аброрович Акрамовнинг саъй-ҳаракатлари билан таркибни анчагина кучайтира олдик. Бу борада узоқ гаплашдик ва жамоамиз олдига катта мақсадлар қўйдик. Мавсумлар оралиғидаги трансферлар ойнаси биз учун зўр ўтди. Таркибимизга термамизнинг асосий футболчилари ва дарвозабони ўтди. Ишлашда давом этамиз ва «Локомотив»ни юқори ўринларга олиб чиқишга ҳаракат қиламиз.
— 1-тур ўйинларидан кейин мухлислар «Локомотив» футзал жамоасига бўлган «планка»ни юқори олишмоқда. «Локомотив» чемпионлик учун курашадими?
— Бу ҳақида гапиришга ҳали эрта. Чемпионат эндигина бошланди. Футболчиларнинг ўзаро тушунишини автоматик даражага олиб чиқишимиз ва хатоларни тўғирлашимиз керак. Мақсадлар ва вазифалар аниқ қўйилган.
— Равшан Элибоев Ўзбекистоннинг энг яхши дарвозабонларидан бири. Бироқ Фарғонада Клим Тюгаевни кўрмадик. Бунга сабаб нима?
— Клим касал бўлиб қолди. У бироз шамоллаб қолди ва ҳарорати кўтарилди. Трансферлар ойнасининг сўнгги кунида Равшан Элибоевни таркибга қўшиб олдик. У ажойиб жисмоний ҳолатда, бу Литвадаги мундиалда ҳам кўринди.
Биринчи турдаги ғалабалар билан барча темирйўлчилар, клубдагилар ва мухлисларни табриклаб қоламан. Ғалабалар билан!
Манба: lokomotiv.uz
Киритилди: 08:06, 13.10.2021. Ўқилди: 1704 марта. Фикрлар: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
