Владимир Шишелов «Андижон»да!
Футболчилик фаолиятини асосан Россия клубларида ўтказган ҳужумчи Владимир Шишелов 2012 йилги мавсумни "Андижон" жамоасида бошлайдиган бўлди.
Миллий терма жамоамиз либосида 27 учрашувда майдонга тушиб, 11 бор рақиблар дарвозасини ишғол қилган ҳужумчи Россия биринчи дивизиони вакили Воронежнинг "Факел" клуби шарафини ҳимоя қилиб келаётган эди.
Владимир Шишевловнинг Факелдан "Андижон"га ўтиши борасидаги барча ҳужжат масалалари ҳал этиб бўлинди. Футболчи 3 мартдан бошлаб андижонликларнинг машғулотларига қўшилади.
Шунингдек, "Бунёдкор" ва "Олмалиқ" жамоаларидаги фаолияти орқали мухлисларга яхши таниш бўлган Анвар Раҳимов ҳамда ўтган мавсумни Тошкентнинг "Локомотив" клубида ўтказган Акром Баҳриддинов ҳам янги мавсумни "Андижон" сафида бошлайдиган бўлишди.
Владимир Шишелов "Андижон"га эркин агент сифатида ўтяпти. У бундан бир ой аввал "Факел" жамоаси билан ўзаро келишган ҳолда шартномани бекор қилганди. Боиси, воронежликлар мураббийлар штаби Шишеловдан кўра кўпроқ Александр Аброскинга ишонч билдиришини маълум қилди. Володя эса бу ёшда захирада ўтиришни истамади.
Киритилди: 10:40, 01.03.2012. Ўқилди: 10691 марта. Фикрлар: 8 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар