Англия Премьер-Лигаси 9-туридан ўрин олган «Арсенал» - "Астон Вилла" учрашувидан олдин мезбонлар бош мураббийи Микел Артета матбуот анжуманида ўз фикрларини билдириб ўтди.
"Бугун ҳам машғулотлар ўтказдик, "Кристал Пелас" билан ўйинда муаммоларга дуч келган 2-3 нафар футболчиларимиз бор ва уларнинг ҳолатини бугун кўриб чиқамиз".
Букаё Саканинг спорт формаси ҳақида
"У ҳалигача машғулот ўтказгани йўқ, шунинг учун бугун уни яна текширувдан ўтказамиз ва ҳолати қандайлигини кўрамиз".
Ляказетт ҳақида
"Ҳозирги бажараётган ишида бардавом бўлиши керак. Унинг жамоага таъсири катта. Буни «Брайтон»га қарши ўйинда ҳам гувоҳи бўлдик. У жуда кўп ўйинларда қатнашга, мен бу ерга келганимдан бери ўйнаб келаётган ва жуда ҳам муҳим ўйинчи. Муҳим бўлиб қолаверади".
"Астон Вилла" ҳақида
"Бу синов ва уларга қарши қандай қийин бўлишини кўрсатиб бўлишган. Чунки яқинда уларга қарши ўйинда ўзимиз истаган натижага эришмадик. Улар жамоа таркибини кучайтирганини биламиз. Охирги мавсумларда катта мақсадларга эга бўлиб бораётган жамоага қарши бизни қийин ўйин кутиб турибди.
Букаё Сака майдонга тушиши борасида бирор нарса дея олмайман. Бу шифокорларга ва ўзига боғлиқ. У қандай тикланишини ва машғулотларда ўзини қандай тутишига қараб бир қарорга келамиз".
"Астон Вилла" лондонликларга нисбатан 48 соат кўпроқ вақтга эга бўлади ва бу таъсир қилиши мумкин.
"Умид қиламанки, бундай бўлмайди. Биз етарлича вақтга эгамиз деб умид қиламан ва ҳамманинг эътибори бир жойга қаратилган. Уйимизда ўйнаймиз. Уларни мағлуб этиш учун қандай ўйнаш усули кераклигини биламиз ва эътиборимиз шунга қаратилган".
Мартинеснинг сотилиши ҳақида
"Биз яхши ва манфаатли қарор қабул қилганмиз. У жуда ҳам кучли клуб аъзоси эди. Эмилиано клубдаги сарфлаган йилларига муносиб эди. Унинг фаолияти бошқаларникидан ажралиб туришини унутманг. Унинг мақсадлари, эътиқоди ва фаолиятини қаерда давом эттириши бошқача бўлди. Бу учун кутилмаганда содир бўлди. Чунки, бунинг учун у жуда кўп вақт кутди. Ўзини яхши томондан кўрсата олаётганидан хурсандман. У ажойиб дарвозабон. У билан ўйнаганман, бошқарганман. Унда қойилмақом индивуаллик мавжуд. У буни "Астон Вилла" ва терма жамоада ҳам кўрсатмоқда. У учун хурсандлигимни айта оламан".
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
