"Манчестер Сити" бош мураббийи Пеп Гвардиола «Брайтон»га қарши учрашувдан кейин ўз фикрларини билдириб ўтди.
Унинг фикрича, «Сити» мазкур ўйинда иккинчи бўлимдан жуда қимматбаҳо сабоқларни олган.
Гвардиола жамоаси кутилмаган ажойиб стартдан кейин ўз даражасини ташлаб юборганини тан олди, лекин бу футболчилари учун яхши тажриба бўлгани, тўпдан оқилона фойдаланиш керак эканлиги ҳақида ишониб гапирди.
"Нима учун иккинчи бўлимда яхши ўйнамаганимизни айтаман. Бу ўйинда, сиз тўпни назорат қилишингиз керак. Агар унга эгалик қила олмасангиз, жазоланасиз.
«Брайтон» нима қилишни яхши билади. Биргаликда азоб чекдик ва бу келажакдаги ўйинлар учун яхши сабоқ. Қайси стадионда бўлишини фарқи йўқ, муваффақиятга эришадиган ягона вақтингиз - бу тўп билан муомала қилиш, унга эгалик қилиш. Рақиб яхши формада бўлиб турганида, тўпни бериб қўйдик ва бунда табиийки жазоланасиз".
Фил Фоден мазкур баҳсда ўзининг салоҳиятини намойиш этган ҳолда, жамоасининг марказида асосий ролни ўйнади ва 2 гол, 1 ассист қайд этиб учрашувнинг энг яхши футболчиси деб топилди.
Испаниялик мутахассис 21 ёшли ярим ҳимоячининг мослашувчанлигидан тўлиқ қониққанини айтиб ўтди.
"Баъзи ўйинчилар бир позицияда ўйнашади, баъзилари эса футбол ўйнайди. Саволга қайтадиган бўлсам, Фоденга қаерда ўйнашнинг фарқи йўқ, у исталган позицияда яхши ҳаракат қилади. Муҳими, ўйинни ичига кириб олиши. Баъзида уни ўнг қанотда, баъзан чап қанотда ўйнатамиз. Фарқи йўқ.
Фил бугунги ўйнаган позициясида янада хавфлироқ, чунки у жуда ёш. Аммо, унинг даражаси ҳумдаги учликда ўйнашга ҳам имкон беради".
"У ҳужумчи, ёлғон тўққизлик, ўнг ва чап қанот вингери сифатида ўйнай олади. Охирги ўйинларда унда жуда кўп имкониятлар бўлди. Ёш бўлганлиги учун ҳам дарвозабон қаршисида тўғри қарорлар қабул қила олмади. Бироқ, унинг ўйинга қўшган ҳиссасида жуда ҳам мамнунман. Уни футболчи сифатида яхши кўраман. У бизга керак бўлган нарсаларни вақтида беради. Унинг даражаси ушбу ролни ўйнаш учун замин яратади. «Энфилд»да вингер сифатида ўйнаганида ҳам биз учун муҳим ўйинчи бўлган эди.
У ярим ҳимоя чизиғи футболчиси ва гол уришга иштиёқ баланд. Ундан талаб қилинадиган ягона нарса - бу майдон ичида ва ташқарисида хотиржамликни сақлаб қолиш. Чунки, у ҳали ҳам ёш".
Гвардиола «Брайтон» устози Греҳем Поттер ҳақида ҳам тўхталиб ўтди.
"Икки йил олдинги фикримда ҳали ҳам қоламан. Улар қилаётган ишларни ёқтираман. Ўтган мавсумги ўйини жуда ёққанди ва яхши ўйнаб натижага эриша олишмаганди. Уни «Суонси»ни бошқараётган вақтидан бери биламан. Шунинг учун ҳам, бугунги ғалабани қадрини биламан.
Англия футболи Греҳемдек мураббийларга эга бўлиши яхши. У олийжаноб. Унинг жамоаси тажовузкор ўйнайди ва уларнинг ўйинини томошабин сифатида кўришни ёқтираман. Бу жамоани аниқлай оламан".
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
