Ўзбекистон кубогида чорак финалнинг 3та ўйини қолди (превью)
Ўзбекистон кубогининг чорак финал босқичи доирасида бугун 2та, эртага эса битта баҳс бўлиб ўтади. Анонс шаклида учрашувларга тўхталиб ўтамиз.
28 октябрь, пайшанба.
Соат 18:15, Олмалиқ. АГМК – ҚИЗИЛҚУМ.
Бош ҳакам: Шавкат Насибуллаев. Намойиш “Sport” телеканалида LIVE
АГМК кубок баҳсларида кетма-кет финалга етиб бормоқда. Бу гал ҳам Миржалол Қосимов шогирдлари омадли қуръа сабаб ярим финалга жуда яқин. Сабаби, АГМК чорак финалда ўз майдонида ўйнайди. Рақиб “Қизилқум” клуби. Ҳамиджон Актамов шогирдларида мавсумнинг иккинчи қисмида ўйин борасида пасайиш бўлди. Баъзи ҳолатларда “Қизилқум” ҳакамликдан ҳам азият чекди. Кубокдаги ишончли ўйин орқали Ҳамиджон Актамов раҳбарият олдида “юзини ёриқ қилиб олиши” мумкин. Демак, бизни зўр ўйин кутаяпти.
Соат 18:15, Тошкент. БУНЁДКОР – СУРХОН.
Бош ҳакам: Раҳимбек Каримов. Намойиш “Дунё бўйлаб” телеканалида LIVE
Ўзбекистон Суперлигасида сўнгги турлар “Сурхон” очко жамғариш борасида етакчилардан. Агар термизликлар мавсум аввалидан шу йўналишда борганида бугун медаллар учун курашаётган бўларди. Аммо...
“Бунёдкор” жорий мавсум чиройли ўйин намойиш қилаётган 5та клубнинг бири. Шуҳрат Мақсудов ўзини ҳар томонлама мураббий сифатида исботламоқда. Аммо медаллар учун курашдан чиқиб кетди. Демак, Суперлига “Бунёдкор” учун якунланди. Буёғига Шуҳрат Мақсудов бор эътиборни Ўзбекистон кубогига қаратади.
29 октябрь, жума.
Соат 18:15, Жиззах. Сўғдиёна – Насаф.
Бош ҳакам: Илгиз Танташев. Намойиш “Sport” телеканалида LIVE
Ўзбекистон кубоги чорак финалининг энг марказий ўйини Жиззахда бўлиб ўтади. Улуғбек Бақоев ва Рўзиқул Бердиев яна мураббий сифатида рақобатга киришади. “Насаф”ни ОФК финалидан олдин мураккаб синов кутмоқда. Сабаби, “Насаф” Жиззахда сўнгги вақтлар қийин ўйинлар ўтказмоқда.
“Сўғдиёна”нинг устун томонлари шундаки, клуб ўз майдонида рақибни қабул қилади. Яна Суперлигада ҳам сўнгги тур сафарга чиқмади. Қўшимчасига, амалдаги чемпион “Пахтакор”ни мағлуб қилди. Кайфият яхши.
“Насаф”нинг устун томони бу – ўйини. Чунки, жамоавий ҳаракатлар ва ҳужумкорлик борасида Рўзиқул Бердиев шогирдлари юқори даражага чиқиб бормоқда. Таркибда ҳам катта йўқотишлар йўқ. Ҳужумчилар Ҳусайн Норчаев ва Андреа Калужерович кетма-кет голлар уришмоқда.
Бир нарса аниқ – эртага бизни зўр ўйин кутмоқда. Олдиндан қайси клубда устунлик бор эканини-да айтиш қийин. Фақат ўйинни томоша қилиш керак.
Зуҳриддин Қиличев.
Манба: https://t.me/Zuhriddin_Qilich
Киритилди: 16:49, 28.10.2021. Ўқилди: 3007 марта. Фикрлар: 3 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
