O‘zbekiston kubogining chorak final bosqichi doirasida bugun 2ta, ertaga esa bitta bahs bo‘lib o‘tadi. Anons shaklida uchrashuvlarga to‘xtalib o‘tamiz.
28 oktyabr, payshanba.
Soat 18:15, Olmaliq. AGMK – QIZILQUM.
Bosh hakam: Shavkat Nasibullayev. Namoyish “Sport” telekanalida LIVE
AGMK kubok bahslarida ketma-ket finalga yetib bormoqda. Bu gal ham Mirjalol Qosimov shogirdlari omadli qur’a sabab yarim finalga juda yaqin. Sababi, AGMK chorak finalda o‘z maydonida o‘ynaydi. Raqib “Qizilqum” klubi. Hamidjon Aktamov shogirdlarida mavsumning ikkinchi qismida o‘yin borasida pasayish bo‘ldi. Ba’zi holatlarda “Qizilqum” hakamlikdan ham aziyat chekdi. Kubokdagi ishonchli o‘yin orqali Hamidjon Aktamov rahbariyat oldida “yuzini yoriq qilib olishi” mumkin. Demak, bizni zo‘r o‘yin kutayapti.
Soat 18:15, Toshkent. BUNYODKOR – SURXON.
Bosh hakam: Rahimbek Karimov. Namoyish “Dunyo bo‘ylab” telekanalida LIVE
O‘zbekiston Superligasida so‘nggi turlar “Surxon” ochko jamg‘arish borasida yetakchilardan. Agar termizliklar mavsum avvalidan shu yo‘nalishda borganida bugun medallar uchun kurashayotgan bo‘lardi. Ammo...
“Bunyodkor” joriy mavsum chiroyli o‘yin namoyish qilayotgan 5ta klubning biri. Shuhrat Maqsudov o‘zini har tomonlama murabbiy sifatida isbotlamoqda. Ammo medallar uchun kurashdan chiqib ketdi. Demak, Superliga “Bunyodkor” uchun yakunlandi. Buyog‘iga Shuhrat Maqsudov bor e’tiborni O‘zbekiston kubogiga qaratadi.
29 oktyabr, juma.
Soat 18:15, Jizzax. So‘g‘diyona – Nasaf.
Bosh hakam: Ilgiz Tantashev. Namoyish “Sport” telekanalida LIVE
O‘zbekiston kubogi chorak finalining eng markaziy o‘yini Jizzaxda bo‘lib o‘tadi. Ulug‘bek Baqoyev va Ro‘ziqul Berdiyev yana murabbiy sifatida raqobatga kirishadi. “Nasaf”ni OFK finalidan oldin murakkab sinov kutmoqda. Sababi, “Nasaf” Jizzaxda so‘nggi vaqtlar qiyin o‘yinlar o‘tkazmoqda.
“So‘g‘diyona”ning ustun tomonlari shundaki, klub o‘z maydonida raqibni qabul qiladi. Yana Superligada ham so‘nggi tur safarga chiqmadi. Qo‘shimchasiga, amaldagi chempion “Paxtakor”ni mag‘lub qildi. Kayfiyat yaxshi.
“Nasaf”ning ustun tomoni bu – o‘yini. Chunki, jamoaviy harakatlar va hujumkorlik borasida Ro‘ziqul Berdiyev shogirdlari yuqori darajaga chiqib bormoqda. Tarkibda ham katta yo‘qotishlar yo‘q. Hujumchilar Husayn Norchayev va Andrea Kalujerovich ketma-ket gollar urishmoqda.
Bir narsa aniq – ertaga bizni zo‘r o‘yin kutmoqda. Oldindan qaysi klubda ustunlik bor ekanini-da aytish qiyin. Faqat o‘yinni tomosha qilish kerak.
Zuhriddin Qilichev.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
