Машҳур собиқ футболчи Тьерри Анри ўзининг профессионал фаолияти давомидаги энг кучли футболчилар билан бирга ўйнаган.
«Барселона»да Лионель Месси билан ҳаракат қилишдан ташқари 2000 йилларнинг бошидан ўрталаригача Зинедин Зиданнинг ғайритабиий ижодига ҳам қайсидир маънода ўз ҳиссасини қўшган.
Бироқ шунга қарамай, ундан шу пайтгача бўлган энг зўр жамоадоши ким эканлигини сўрашганда, жавоб беришга қийналган. Кўпчиликнинг фикрига кўра, у Месси. Бироқ Тьеррининг хулосаси бошқачароқ. У «Арсенал»даги собиқ жамоадоши Денис Бергкампнинг салоҳиятига юқори баҳо беради.
Анри 1999 йилда «Арсенал»га келганида, тез орада Деннис Бергкамп тимсолида ўзи учун футболга хос мўъжизани кашф қилди.
Ушбу жуфтлик кейинчалик ҳужумда фантастик натижалар қайд этгани барчанинг эсида. Ўшанда Анри тўпурарлик ролини ўз зиммасига олган бўлса, Бергкамп ассистентлик вазифасини қойилмақом тарзда уддалаган.
Ўзининг ажиб хотираларини эслаб, Тьерри ҳеч иккиланмасдан Деннис Бергкампни у билан бирга ўйнаган энг яхши футболчи эканлигини тан олди.
Бергкамп 1995 йилда «Арсенал» билан шартнома имзолаган бўлса, тўрт йилдан сўнг бу сафга Анри ҳам қўшилади. У аввал «Монако»да Арсен Венгер қўл остида ишлаган.
«Аякс»нинг собиқ футболчиси 2006 йилда фаолиятини якунлади. У «Арсенал» сафида 11 йил давомида ҳаракат қилди. Бергкампнинг 2002 йили «Ньюкасл» дарвозасига урган голи 2017 йилда Премьер-лига тарихидаги барча даврларнинг энг чиройли голи деб топилган.
Анри ва Бергкамп «Арсенал»да биргаликда иккита Премьер-лига чемпионлигини қўлга киритишади. Шунингдек, «Эмерейтс»да етти йил давомида уч марта Англия кубоги ҳам бу йигитлар томонидан қўлга киритилган.
Француз охир-оқибат 2007 йили Шимолий Лондон клубини тарк этиб, «Барселона»га ўтишга қарор қилади.
Ушбу трансфер амалга ошгач, француз Месси ва Самуэль Это'Олар билан бирга қўрқинчли триолардан бирига айланди.
Пеп Гвардиола келганидан сўнг, «Барса» 2009 йилги Чемпионлар Лигасида ғолиб бўлди. Бу кўп жиҳатдан юқоридаги футболчиларнинг кескин ва тўхтатиб бўлмас ҳужумлари туфайли содир бўлган.
Месси ўзининг биринчи «Олтин тўп»ини ҳам айнан ўша йилнинг охирида қўлга киритади. Шу сабабли Анри фаолиятидаги энг яхши партнёрларидан бири сифатида Бергкамп билан бирга бемалол Мессини ҳам қайд этса, адолатдан бўлса керак.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
