Антонио Конте «Тоттенхэм»ни қабул қилди ва бу фақат битта нарсани англатиши мумкин, яъни «шпорлар» ўз олдига Премьер-лигада ғалаба қозонишни мақсад қилиб қўйди. Улар шу сабаб, улар италияликка катта ишонч билдиришмоқда. «Stadion.uz» нашри Конте яқин келажакда «Тоттенхэм» билан нималарни ўзгартириши мумкинлиги ҳақида фикр юритади.
«Тоттенхэм» ўз тарихида икки марта - 1950/51 ва 1960/61 йилги мавсумларда Англия чемпионлигини қўлга киритган. Шундан сўнг, «шпорлар» Кубок эгалари кубогини, икки марта УЕФА кубогини қўлга киритди ва ҳатто Чемпионлар лигаси финалига ҳам чиқди. Бироқ, улар 60 йилдан ортиқ вақт давомида чемпионлик унвонига эга чиқа олишмаяпти, аммо кейинги мавсумда бу анъанага чек қўйилиши мумкин.
Антонио Конте — чемпионлик йўлида, ўзи бошқараётган жамоаларини ўйин услубини тезда ўзгартириши билан машҳур. У Италия А Сериясидаги фаолияти давомида, скудеттони «Ювентус»га қайтарди, «Челси» билан Премьер-лигада ғолиб чиқди, кейин эса «Интер» билан ҳам шундай муваффақиятга эришди. Италиялик мутахассис қисқа муддат ичида миллий чемпионатларда ғалаба қозониш учун мўлжалланган жамоани мукаммал шакллантира олади.
Чемпионлик титулини қўлга киритиш учун Конте ҳар доим клуб раҳбариятидан таркибга жиддий сармоя киритишни талаб қилади. Шундай қилиб, яқин келажакда «Тоттенхэм» ниҳоят трансфер ойнаси вақтида катта харидларни амалга ошириш учун, катта пул сарфлашни бошлашини кузатишимиз мумкин. Биргина январь ойида лондонликлар янги келганлар учун 100 миллион еврогача сармоя киритишлари мумкинлиги аллақачон хабар қилинган эди. Бугунги меъёрларга кўра, бошқа томондан, коронавирус инқирози даврида бу миқдор унчалик катта эмас, аммо кичик сумма ҳам эмас.
Контенинг шартномаси кейинги мавсум охиригача амал қилиши ҳақида айтиб ўтилди. Бу эса ўз-ўзидан қизиқарли ҳолатни келтириб чиқариши мумкин. Буни бир томондан, «Тоттенхэм» мутахассиснинг жанжалкаш характерини билиши ва узоқ муддатли шартнома имзолашни истамагани билан изоҳлаш мумкин. Бошқа томондан, Конте бу музокараларда кучли позициядан гапириш эҳтимоли кўпроқ бўлиши мумкин эди. Ва бу ҳолатда, бундай даврни мураббийнинг ўзи «шпорлар» амбициялари қанчалик жиддийлигини текширишни хоҳлаётгани билан изоҳлаш мумкин. Конте «Тоттенхэм» шартнома шартларини бажаришни талаб қилиб, шунчаки қўйиб юбормаган Ҳарри Кейннинг аҳволига тушиб қолишни унчалик хоҳламайди.
Конте билан яна бир қизиқ жиҳат бор. Ўтган ёзда «Тоттенхэм» мураббий қидираётганида, клуб италиялик мутахассисга мурожаат қилгани, бироқ бунга рози бўлмагани хабар қилинганди. Натижада лондонликлар Нуну Эшпириту Сантуни билан шартнома имзолади. Лондон клуби португалиялик билан трансфер масумини суст ўтказишган бўлса-да, мавсум бошини ажойиб бошлашди. Кетма-кет уч ғалаба ва ушбу клублар орасида «Манчестер Сити»нинг ҳам борлиги кўп нарсани англатиши керак эди. Бироқ, кейинги омадсизликлар....
Эндиликда «шпорлар» Контени Премьер-лигада Пеп Гвардиоладан кейин иккинчи энг кўп маош олувчи мураббийга айлантиришга рози бўлди. Бу ҳаракат «Тоттенхэм» чемпионлик унвони учун курашишнинг ягона йўли кўп пул сарфлаш деб қарор қилганга, клуб президенти Леви ваниҳоят лондонлик мухлислар ҳолатини тушунганга ўхшайди.
Бошқа томондан, Конте ҳам, ҳатто фаол трансфер сиёсати билан ҳам «Тоттенхэм»нинг кейинги мавсумдаги муваффақиятини кафолатламайди. Шунга қарамай, Англияда жуда жиддий рақобат бор ва ғалабага даъвогарлар кўп. Бироқ кейинги мавсумдаги учрашувларни кузатиш янада қизиқарли бўлади. «Тоттенхэм» раҳбариятига кўп нарса хавф солмоқда. Гап пулда эмас, балки катта маблағ сарфламай топ-клуб қилиш фалсафасида. Ҳозирги кунда катта харажатсиз бирор нарсага эришиб бўлмайди, акс ҳолда Контени олиб келишдан нефойда?
Конте жамоага кимларни таклиф қилиши мумкин?
Италиялик мутахассис «Тоттенхэм» бошқарувига келгандан сўнг, кўп ОАВда лондонликларнинг эҳтимолий трансфери ҳақидаги миш-мишлар тарқалмоқда. Хусусан, «Фиорентино» ҳужумчиси Душан Влахович, «Лион» етакчиси Уссем Ауар, «Милан» яримҳимоячиси Франк Кесси ва «Челси» ҳимоячиси Антонио Рюдигер каби футболчилар «шпорлар»нинг асосий нишони эканлиги айтилмоқда. «Тоттенхэм» Душанни ёзги трансфер мавсумида сотиб олиши ҳақида айтилганди. Бироқ, «биафшаранглилар» футболчисини сотишни истамади. Француз клуби эса Уссемга яхшироқ таклиф тушаса сотиб юборишга қарши эмаслигини билдиришган. Кесси ва Рюдигер масаласи бироз чалкашроқ. Сабаби, ушбу футболчилар ўз клуби билан янги шартнома масаласида келиша олмаяпти.
Шунингдек, баъзи манбалар Конте собиқ шогирдларини АПЛга олиб келмоқчилиги ҳақида маълум қилган. Булар — «Интер» аъзолари де Врей ва Бастони.
Албатта, барча нарса вақт масаласидир. «Тоттенхэм»га Антонио келди дегани, бу клубни барча совринлар учун асосий даъвогарга айлантирмайди. Бироқ, мутахассис «шпорлар»нинг ўйин услубида катта ўзгаришларни амалга ошириши аниқ.
Жамшиджон Маҳмудов тайёрлади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
