«ПСЖ» ёзда Лионель Мессини сотиб олди ва Килиан Мбаппени жамоада сақлаб қолди. Неймарни ҳам қўшиб ҳисоблаганда, парижликлар ҳужум чизиғида жуда даҳшатли ҳужум триосини яратилди. Шунга қарамай, улар билан тенг шароитда бўлиш қийин, кимдир етакчи бўлиши керак. Ҳозирда «Stadion.uz» нашри айнан шу ҳақида фикр юритишга қарор қилди.
Трио Месси - Мбаппе - Неймар, кўпчилик бу кучли учликни «Барселона»нинг бир неча йил аввалги ҳужум учлиги Месси - Суарес - Неймар билан солиштиришга ҳаракат қилмоқда. Ҳозирги пайтда ўша футболчиларнинг иккитаси Парижда. Бироқ, ташқи ўхшашликка қарамай, фарқ жуда катта. Каталония клуби даврида бу трио эканлигини ҳамма тушунарди, лекин бош қаҳрамон аргентиналик эди. «Ливерпуль»дан кўчиб ўтган голеадор Суарес ҳам ёнма-ён ўйнашдан тортинмади. Иқтидорли Неймар ҳам жамоа учун ўйнашга тайёр эди.
Бу трионинг ўзига хослиги шундаки, ҳар бири юқори даражадаги юлдуз бўлса-да, улар жамоа учун шахсий ютуқларини қурбон қилишга тайёр эдилар. Шу билан бирга, Суарес ҳам, Неймар ҳам ўзларини етакчи деб санаб, «қироллик»дан Мессини ағдаришга уринмади, балки унинг ҳақиқий шерикларига айланди. Аммо бу учлик кўп ўтмай бу ҳужум триоси тарқалиб кетди. Неймар етакчи бўлишни истаб қолди, ёки у кўпчилик тахмин қилганидек катта пул ишлаб топишга қизиқди ва Мессининг соясида қолиб кетаётганини баҳона қилиб, «ПСЖ»га ўтди.
Парижликларнинг ҳозирги ҳужум учлиги Месси - Мбаппе - Неймар. Албатта, «ПСЖ» ном ва эришган ютуқлар жиҳатидан «Барселона»дан фарқ қилади. Бразилиялик футболчи Франция пойтахтидаги бош қаҳрамонга айланмади. Неймар Мбаппе билан бирга келган бўлса-да, жанубий америкалик футболчи «ПСЖ»да ёш шеригига қараганда камроқ ўйин ўтказди. Табиийки, бу статистикага ҳам Жуниорга таъсир қилди. Мбаппе Неймардан кўпроқ гол урди. Лекин гап бу эмас. Мбаппенинг ҳар бир ўйинга қўшган ҳиссаси йиллар ўтган сайин сезиларли бўлиб кўринади.
Улар Мессининг ўтишини бошқача қабул қилган бўлса ажаб эмас. Неймар энди прима бўлишга интилмаяпти, ҳозирда «Олтин тўп»га даъволик қилмайди. Унинг учун Мессининг келиши дўсти билан учрашиш, янги кучли шерикликнинг пайдо бўлиши керак эди. Шу боис, Неймар аргентиналик футболчининг трансферини олқишлади. Мбаппе учун Мессининг келиши «ПСЖ»нинг асосий юлдузи мақомини йўқотиш хавфидек кўринди. Франциялик футболчи ўзининг трансферини талаб қилгани ва келаси ёзда тугайдиган шартномани узайтиришни истамагани ҳам шундан бўлса керак.
Ҳозирда Мбаппе «ПСЖ» ҳужумидаги асосий етакчи бўлиб қолмоқда. Месси янги жамоага, янги шаҳарга, янги чемпионатга мослаша олмаяпти. Аргентиналик футболчи ҳали ҳам Лига 1да бирорта ҳам гол ура олмаган, аммо ҳамма унинг «Брест» ва «Анже» каби жамоалар дарвозасига дубл, хет-трик қилишини тахмин қилишганди. Неймарнинг ҳам аввалги каби салоҳияти йўқ. У жорий Франция чемпионатида бир мартагина гол урган. Тўғри, унинг ҳисобида бир нечта голли узатма бор, аммо бу бир неча йил олдин Парижга етакчи мақомида келган Неймар учун ярашмайди. Мбаппе якка ўзи жанубий америкаликларга қараганда кўпроқ гол урди ва тез-тез ассистентлик қилди.
Мбаппе ўзининг «ПСЖ»нинг энг яхши футболчиси эканлигини исботламоқда, Неймар ва Месси эса франциялик футболчининг натижага эришишида ёрдам беришга интилишлари керак. Шу боисдан кейинги мавсумда парижликлар яна хавотирга тушишни бошлайди. Агар Мбаппени шартномани узайтиришга кўндира олмаса, клуб ҳужумда жиддий муаммоларга дуч келиши мумкин. Қанчалик ғалати туюлмасин, Месси ва Неймар жамоани олдинга тортишига кўпчилик ишонмай қолди. Сабаби, биринчиси тушкунликка тушиб қолган бўлса, иккинчисининг ўйин сифати жуда ҳам пасайиб кетган.
Голга чанқоқ Мбаппе ҳозирда ҳар қандай жамоа киперларини хафа қилишга тайёр. У Чемпионлар лигасида ғалаба қозонишни орзу қилади, «Олтин тўп»ни қўлга киритишни хоҳлайди. Мбаппе ёш шаҳзодага ўхшайди. Умид қиламизки, Килиан яқин кунларда Мессига ҳақиқий ўринбосар бўлади.
Жамшиджон Маҳмудов тайёрлади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
