Эратга Тошкентдаги ЖАР ўйингоҳида ОЧЛ биринчи тур баҳслари доирасида мамлакатимиз чемпиони "Бунёдкор", австралиянинг "Аделаида Юнайтед" жамоасига қарши майдонга тушишидан хабарингиз бор.
Шу муносабат билан бугун ЖАР стадионида ҳар иккала жамоа бош мураббийлари билан матбуот анжумани ўтказилди. Мехмонлар бош мураббийи Лусиано Карни, жамоа сардори Евгений Галекович билан матбуот анжуманига ташриф буюрди.
"Тошкентга яна ташриф буюриш бахтига муяссар бўлганимиздан хурсандмиз. "Бунёдкор"га қарши ажойиб бахс кутиб турибди. Биз жиддий рақибга қарши жиддий тайёргарлик кўрдик. Бунёдкор ОЧЛ да мунтазам иштирок этиб келмоқда. Қолаверса, жамоа ўз мамлакатининг сўнгги йиллардаги чемпиони. Биз рақбининг бир қатор сўнгги ўйинларини кузатдик. Жамоанинг ҳар бир чизиғи кучли. Биз ҳам тайёргарликни маромида олиб бордик. Тошкентда ижобий натижа қайд этилишига умид қиламиз ва шунга яраша ўйин кўрсатишга ҳаракат қиламиз", - деб гап бошлади "Аделаида" устози Лусиано Карни
Шундан кейин мехмонлар бош мураббийи бирин кетин журналистлар саволларига жавоб берди.
-Кассио билан боғлиқ ҳолатни қандай изоҳлайсиз. Футболчи Тошкентга жамоа билан бирга келганми?
Йўқ, Кассио бу ўйинга биз билан келгани йўқ. У Австралияда қолди.
-Жамоа Австралия чемпионатида кўнгилдагидек иштирок эта олмаяпти. Бу ОЧЛ даги ўйинларга таъсирини ўтказадими?
-Ҳа, бизнинг миилий чемпионатмиздаги ҳозирги аҳволимиз кўнгилдагидек эмас. 9-ўринда бораётганимизга қарамай, футболчилар ёмон ўйнашмаяпти. Чемпионат бошида жуда кўп очко йўқотдик, энди эса ўша йўқотилган очколарни ўрни тўлдириш керак. Шундай бўлсада, чемпионтадаги натижаларимиз, ОЧЛсидаги ўйинларимизга таъсирини ўтказмайди деб умид қиламан. Биз бу турнирга алоҳида ва жиддий тайёргарлик кўрдик. Агар бу ерда ҳам кўнгилдагидек иштирок эта олмасак, футболчиларимизга рухий томондан қийин бўлиши, синиб қолишлари мумкин.
-ОЧЛ плей-офф баҳсларида Индонезиянинг "Персипура Жаяпура" жамоасига қарши ҳаракат қилган Евгений Левченко "Аделаида"нинг гуруҳ баҳслари учун заявкасидан ўрин олмаган?
- Таркибимизда Левченкодан ташқари яна тўрт нафар легионер футболчимиз бор. Биз унинг ўрнини бошқа футболчи билан тўлдиришга қарор қилдик. Левченко жамоамиз шарафини ЧЛ баҳсларида ҳимоя қила олмайди.
- Рақибни қай даражада ўргандингиз? "Бунёдкор" таркибидан қайси ўйинчиларни алоҳида таъкидлаган бўлардингиз?
- Биз "Бунёдкор"нинг сўнгги ўйинларини кузатдик. Деярли барчасини. "Бунёдкор"нинг Дубайдаги турнирдаги иштирокини кузатиб бордик. Уларнинг ўйинини, ҳавфли томонларини етарлича ўргандик деб айта оламан. Уларнинг таркибидаги 22-рақамли футболчи (Карпенко)ни алоҳида таъкидлаган бўлар эдим. Унинг ўйинлари, майдондаги ҳаракатлари доим рақиб учун хавф туғдиради. Шунингдек "Бунёдкор"нинг ҳужумчилари ҳам ҳавфли. Уларнинг исми ва тўп сурган рақамлари эсимда йўқ. Дубайдаги турнирда жамоа ҳужумчилари жуда яхши ўйин намоийш этишди. Умуман, "Бунёдкор" ҳар қандай ҳолатда ҳам жиддий рақиб бўлиб қолади. Жамоанинг барча чизиқлари юқори савияли футболчилар билан тўла.
Шундан кейин саволларга Аделаида дарвозабони ва сардори Евгений Галекович жавоб берди.
- Сиз "Бунёдкор" жамоасига қарши аввал ҳам ўйнагансиз. 2008 йили ОЧЛ ярим финалида ҳам "Аделаида" дарвозасини қўриқлаган эдингиз. Шу ўтган тўрт йил давомида "Аделаида" қай даражада ўзгарган? "Бунёдкор"чи? Улар ҳақида алоҳида қандай таассуротларингиз бор.
-Ҳа, тўғри айтдингиз. "Бунёдкор"га қарши аввал ҳам тўп сурганман. Тўғрисини айтадиган бўлсам, 4 йил олдинги "Аделаида" билан, ҳозирги "Аделаида" бир-биридан фрақ қиладиган, икки хил жамоа. Ўша мавсумда тўп сурган футболчилардан фақат уч тўрт нафар қолган ҳолос. "Бунёдкор" таркибида бизга қарши тўп сурган айрим футболчиларни биламан. Уларда қандай ўзгаришлар бўлгани ҳақида тасаввурга эга эмасман. Аммо, билганим шуки, жамоа шу йиллар давомида фақат кучайиб борган. "Бунёдкор" кетма-кет Ўзбекистон чемпионлигини қўлга киритган. Демак, бу борада сизларда аҳвол яхшироқ. Бизнинг сафимиз кучсизланди деб айтолмайман. Сафимизга бир қатор юқори савияли футболчилар келиб қўшилган. Натижаларимизни яхшилашга ҳаракат қиламиз.
-"Бунёдкор" сафида ҳамюртингиз Давид Карни майдонга тушади. У билан муносабатларингиз қандай. Сизга қарши тўп сурса қандай ўйин намойиш этасиз?
- Карни билан терма жамоа сафида бир неча бор тўп сурганмиз. У билан муносабатларимиз яхши. Агар майдонда у билан тўқнаш келгудек бўлсак, ўйлайманки, ҳаммаси дўстона ва фэйр плей қоидаларига асосан кечади. Биз ҳаётда дўст бўлсакда, майдонда рқиблигимизни унутмаймиз. Барчаси майдонда ҳал бўлади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
