Қишки трансфер ойнаси ҳам яқинлашиб келмоқда. Баъзи бир жамоалар ўзлари учун ҳозирдан футболчи излашни бошлаган бўлишса, баъзи футболчилар учун янги клуб керак. Stadion.uz қуйида айнан шундай футболчилар ҳақида сўз юритади.
Филиппе Коутиньо (“Барселона”)
Месси “ПСЖ”га кетди, чунки унинг “Барселона”да текин ўйнашга қонуний ҳуқуқи йўқ эди. Молиявий фейр-плей “блаугранас”нинг кўп режаларини чиппакка чиқарди. Пике эса қолган каталониялик сардорлар билан биргаликда маошларини қисқартиришга рози бўлди. Буларнинг барчаси, жамоадаги футболчиларнинг юқори маош олиши оқибатида вужудга келди. Албатта, катта маош олувчи футболчилар қаторида Коутиньо ҳам бор. Испан нашрлари хабар қилинганидек, футболчининг маоши йилига 23-24 миллион еврони ташкил этади. Тўғри бу маълумотда бразилияликнинг бонус пуллари ҳам ҳисобланган, лекин нима бўлганда ҳам бу маош заҳира футболчиси учун ҳаддан ортиқ кўп. Коутиньо “Барселона”га ўтишини очиқчасига айтган ва бир томондан “Ливерпуль”ни норози ҳам қилганди. Бу унинг энг катта хатоси бўлганди. «Барселона» устозлари Коутиньога ҳеч нарса бера олишмади. Нисбатан Клопп унга эркинликлар берарди. Коутиньо “Ливерпуль”дан кетгач, “Барселона” ва “Бавария” таркибида тўп сурди. Шу муддат ичида “рекордмейстер” сафида каталонияликлар дарвозасини ишғол этгандагина унинг номи яна аввалги даражасига тенглашгандек бўлди. Лекин бунинг барчаси рўё бўлиб чиқди. Футболчини Хави ўз режаларига киритмаётганини ва тезроқ жамоа уни сотиши кераклигини айтди. Катта эҳтимол Коутиньо Премер-лигага қайтса керак.
Александр Ляказетт (“Арсенал”)
Артета “Арсенал”ни яна ўз даражасига олиб чиқиш ҳаракатини бошлаб юборган. Лекин унинг жамоаси мавсум стартида жуда ёмон ўйинлар кўрсатишди. «Канонирлар» кучли рақибларга қарши майдонда ҳаракат қилганда кўпинча ютқазишмоқда. Ляказетт бу мавсумда 7 учрашувда 49 дақиқа майдонда ҳаракат қилди. У яхши футболчи, лекин испаниялик мутахассис уни ўз режаларига киритмаган. Александр керакли вақтда “Атлетико”га кўчиб ўтмаган эди. Ҳозирда эсса унинг олдида иккита йўл турипти. Бири “Милан” ва яна бири “Ювентус”. Ляказетт учун ҳозирда фақатгина мана шу икки жамоа кўз тиккан. Унинг “Арсенал”да қолиши деярли имконсиздек кўринмоқда.
Аарон Ремзи (“Ювентус”)
Аллегри жамоага келгач, у кўпроқ вақт майдонда ҳаракат қила оладиган ва меҳнаткаш футболчиларга имкон бермоқда. Табиийки, чидамсиз ва прессингларни хушламайдиган Ремзи деярли майдонга тушгани йўқ. Туринликлар бир нечта футболчига ортиқча маош тўлашмоқда. Улар орасида уелслик футболчи ҳам бор. Жамоа Ремзини ёзда сотишни режалаштирган эди. Аммо унга харидор топилмаганди. Баъзи мутахассисларнинг фикрича, “Ньюкасл” уни сотиб олиши мумкин экан. Балки, Эдди Хау унга қиролларча ҳаётни кўрсатар. Буёғини вақт ҳукмига ҳавола қиламиз.
Лука Йович (“Реал Мадрид”)
“Галактикос” ҳам баъзи футболчилар учун заҳира ўриндиғида ўтирганлигига маош тўламоқда. Уларнинг шорт-листида Лука Йович ҳам бор. Футболчи авваллари анча иқтидорли эди. Аммоуўзигабилдирилганишончниоқлайолмадивазаҳирагамихланди. Энди у ўзининг ўйинини қай даражада топа олиши номаълум. Унинг учун энг яхши вариант бошқа жамоага кўчиб ўтиш бўлади. Йович аввалги ёрқин ўйинини топса ҳам, Карим Бензема билан рақобатлаша олмаса керак. Франциялик ҳужумчи ҳозирда фаолияти давомидаги энг яхши ўйинини кўрсатмоқда.
Мауро Икарди (“ПСЖ”)
Аргентиналик ҳужумчи катта эҳтимол Париждан кетади. Бунга биринчи сабаб, жамоа ҳаддан ташқари юлдузли таркибга эга эканлиги бўлса, иккинчи сабаб Месси. Лео Икарди билан бирга 11таликда бўлишни истамаслиги ҳаммага маълум. Мауро қишдаёқ жамоасини алмаштириш эҳтимоли юқори. Бунинг сабаби эса унинг рафиқаси. Бундан 1-2 ҳафта олдин улар ўзаро урушиб қолишгани ҳақида хабар тарқалган эди. Аслида ўша жанжалнинг сабаби сифатида Икарди хоним Италияга қайтиш истагида эканлиги бўлган. Мауро у билан ярашиб олгани ҳақида ҳам биламиз. Балки аргентиналик Италияга қайтишга рози бўлгандир.
Миржалол Пардабоев тайёрлади
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
