Кеча "Бухоро" жамоаси "Насаф-2" билан ўртоклик учрашувида майдонга тушди.
Ўйин бошланиши биланоқ Олий лига вакили ҳужумга отланди. Ташаббусни қўлдан чиқармаган бухороликлар меҳмонлар дарвозаси олдида бирин-кетин ҳужумлар уюштиришди. Натижа эса ўзини кўп куттирмади. "Бухоро" жамоасига янги келиб кушилган Баҳриддин Омонов жарима майдончаси ташқарисидан йўллаган зарбасини меҳмонлар дарвозабони қайтаришга ожизлик қилди, 1:0.
Гарчи учрашув ўртоқлик мақомига эга бўлган бўлсада футболчилар анча асабий тарзда ҳаракат қилишди. Бухороликларнинг ҳужумлари тобора хавфли кўриниш олаётган бир пайтда "Насаф-2" жамоаси ҳимоячиси Михаил Какаладзега нисбатан ўз жарима майдончаси ичида кўпол ўйнади ва учрашув бош ҳаками ҳеч иккиланмасдан 11 метрлик нуқтани кўрсатди. Пенальтини тепишга Какаладзенинг ўзи яқинлашди, бироқ унинг зарбасини "Насаф-2" посбони қайтаришга муваффақ бўлди. Стадионга ташриф буюрган мухлислар бу ҳолатдан кейин ўз жамоаларини янада активрок қўллаб-қувватлашга ҳаракат қилишди. Биринчи бўлим сўнгига қадар "Бухоро" жамоаси тўлиқ устунликка эришган бўлса-да, гол киритиш насиб қилмади.
Иккинчи бўлимда меҳмонлар ўйинида сал жонланиш пайдо булди. Айнан меҳмонлар ҳужумини қайтариб, қарши ҳужумда бухороликлар жуда хавфли ўйнай бошлаганини сезган "Насаф-2" футболчилари яна ҳимояда ўйнашга мужбур бўлишди. Айнан шундай қарши ҳужумларнинг бирида захирадан майдонга тушган Нодир Ражабов олимпия терма жамоаси аъзоси Бобур Омоновни чиройли пас орқали тўп билан таъминлади. Бобур узининг тезкор ҳаракатлари билан меҳмонларнинг бир йўла 3 футболчисини алдаб ўтиб, дарвоза томон кучли зарба берди. Бу ерда ҳам дарвозабон тўпни қайтарди, бироқ тўп яна Бобурга келиб тушди ва бу сафар Омонов мўлжалда адашмади, 2:0.
Шундан кейин меҳмонлар жуда кўпол ўйнай бошлашди. Бирин-кетин жарима тўплари футболчилар асабини бузгани аниқ. Бўлим ўрталарида меҳмонлар Баҳриддин Омоновга нисбатдан қўпол ўйнашди. Бу вазиятда Омонов ўз эҳтиросларини жиловлай олмади. Натижада ҳакам иккала футболчини ҳам майдондан четлатди!
Учрашув сўнгида "Нефтчи"дан таклиф этилган ҳужумчи Воҳид Шодиев чамаси 28-30 метр узоқликдан тепган кучли зарбаси дарвоза тўридан жой олди, 3:0. Шу билан кучли қор остида ўтган ўйин ниҳоясига етди.
Бу ўйинда 100 нафардан ортиқ ташриф буюрган фан-клуб аъзолари тинимсиз равишда севимли жамоаларини қўллаб-қувватлашди. Футболчилар ўйин тугагандан сўнг уларга ўз миннатдорчиликларини билдиришди.
Чемпионат бошланишидан олдин фан-клуб яна бир бор йиғилишга келишиб олинди. Йиғилиш "Бухоро спорт мажмуаси"да бўлиб ўтади. Сайтимизни кузатиб боринг ва йигғлишнинг аниқ санасини билиб олишингиз мумкин!
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
