Ўзбекистон кубоги-2026 “Д” гуруҳи 3-туридан ўрин олган “Нефтчи” — “БУХДУ” баҳси голларга бой тарзда кечди. Фарғона шаҳридаги “Истиқлол” стадионида бўлиб ўтган учрашувда мезбонлар 6:2 ҳисобида ғалаба қозонишди.
Учрашувнинг дастлабки дақиқалариданоқ “Нефтчи” ташаббусни қўлга олди. 3-дақиқада Иззатилло Пўлатов хавфли вазият яратган бўлса, 12-дақиқада Стипе Перица ҳисобни очди. Муҳсин Убайдуллаевнинг зарбасидан кейин тўп йўналишини ўзгартирган хорват ҳужумчиси жамоасини олдинга олиб чиқди — 1:0.
28-дақиқада Рустамбек Фомин якка тартибдаги ҳаракатлари орқали ҳисобни оширди. Орадан саккиз дақиқа ўтиб, Убайдуллаевнинг узатмасини Стипе Перица бош билан дарвозага йўллаб, дубль муаллифига айланди — 3:0. Биринчи бўлимга қўшиб берилган дақиқаларда эса Ҳуршид Ғиёсов Асылбек Жумаевнинг узатмасидан кейин тўртинчи голни киритди.
Иккинчи бўлимда ҳам мезбонлар устунликни сақлаб қолишди. Шунга қарамай, 55-дақиқада Саиджон Ашуров меҳмонларнинг биринчи голига муаллифлик қилди — 4:1. 69-дақиқада захирадан майдонга тушган Нурбек Сарсенбаев “Нефтчи”нинг бешинчи голини урди. 73-дақиқада эса Журани Феррейра олис масофадан аниқ зарба йўллаб, ҳисобни 6:1 кўринишига олиб келди.
Учрашувдаги сўнгги гол 78-дақиқада Акобир Тўраев томонидан киритилди. Қолган дақиқаларда ҳар икки жамоада имкониятлар бўлганига қарамай, ҳисоб ўзгармади.
Ушбу натижадан сўнг “Нефтчи” гуруҳни биринчи ўринда якунлаб, Ўзбекистон кубоги 1/8 финал босқичига йўл олди.
Ўзбекистон кубоги-2026
“D” гуруҳи, 3-тур
“Истиқлол” стадиони. 26-май, 17:00
“НЕФТЧИ” - БухДУ - 6:2
Голлар: Стипе Перица, 12 (1:0), Рустамбек Фомин, 28 (2:0), Стипе Перица, 36 (3:0), Ҳуршид Ғиёсов, 45 (4:0), Саиджон Ашуров, 55 (4:1), Нурбек Сарсенбаев, 69 (5:1), Журани Феррейра, 73 (6:1), Акобир Тўраев, 78 (6:2).
Бош ҳакам: Ғайрат Жўраев
Ёрдамчи ҳакамлар: Расулжон Фозилов, Максим Нехочин
Захира ҳаками: Олим Тўйчибоев
Нозоратчи: Марат Исмаилов
Комиссар: Қудрат Мадраимов
“Нефтчи”: 16. Иброҳим Шокиров, 2. Иззатилло Пўлатов, 4. Боян Цигер, 5. Иқтом Алибоев, 9. Ҳуршид Ғиёсов, 11. Асылбек Жумаев, 15. Нурмуҳаммад Абдуғаниев, 18. Стипе Перица, 21. Муҳсин Убайдуллаев, 30. Рустамбек Фомин, 77. Журани Феррейра.
Захира: 45. Акбар Тўраев, 14. Далер Тухсанов, 19. Азизбек Эримбетов, 23. Жован Жокич, 27. Нурбек Сарсенбаев, 32. Зоран Марушич, 44. Мўминхон Баҳодирхонов.
Бош мураббий: Исломбек Исмоилов
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
