“Қизил иблислар” кеча Премьер лига доирасидаги баҳсда қақшатқич мағлубиятга учради. Улар меҳмонда “Уотфорд”га 4-1 ҳисобида ютқазиб қўйишди. Бу воқеликдан сўнг раҳбарият Сульшерни истефога чиқарди. Албатта, Оленинг кетиши анчадан бери кутилаётган эди. Ниҳоят “манкунианликлар” норвегияликни ишдан олди. Энди уларга янги мураббий керак. Stadion.uz сайти бугун “Манчестер Юнайтед” мураббийлигига номзодлар ҳақида сўз олиб боради.
Флетчер ва Каррик
Бу номзодлар “қизил иблислар”нинг янги мураббийи бўлиши имконияти бир қадар паст кўринса-да, уларда яхши имконият бор. Улардан бири катта эҳтимол Флетчер жамоани бошқариши мумкин, Майкл эса унга ёрдам беради. Негаки, икки мутахассис ҳам аввал “Манчестер Юнайтед”да тўп сурган ва жамоанинг афсоналарига айланиб улгурган. Жамоа ҳозир ўзи истаган мураббийни олиб келиши бир-мунча қийин. Айни дамда Европа топ бешлигида кураш авжига чиққан ва кучли мутахассисларнинг деярли ҳаммаси ишли. Шундай экан, жамоа ҳозир ишсиз мураббийлар орасидан ўзига номзод излагани маъқулроқ. Жамоани бошқариши мумкин бўлган Конте ҳам бошқа жамоада иш бошлаган. Бунга асосий сабабчи бўлган инсон Оле эди. Юқоридаги икки мутахассис ҳозир “Вильярреал”га қарши ўйин ҳақида кўпроқ ўйлашлари керак. Уларнинг мураббий бўлиши ўзларидан кўра кўпроқ раҳбарият мураббий топа олмаслигига боғлиқ. Улар севимли жамоасини Чемпионлар лигасида кейинги босқичга олиб чиқиш ҳақида ўйлаётган бўлса ажаб эмас.
Зинедин Зидан (ишсиз)
Юқорида деярли ҳамма кучли мутахассислар иш билан бандлиги ҳақида айтдик, аммо бир шахсдан ташқари. Зидан ҳозирда ишсиз. Лекин у “қизил иблис”ларнинг бош мураббийи бўлиши эҳтимоли у қадар юқори эмас. Баъзи манбаларнинг ҳабар беришича Зидан “Манчестер Юнайтед”нинг таклифини рад этган. У ҳали дам олмоқчи эканлиги ҳақида ҳам янгиликлар чиқди. Шундай бўлса-да, Зидан “манкунианликлар” сафида иш бошлаши мумкин. Унинг устига жамоанинг етакчиси Криштиану Роналду аввал ҳам франциялик билан ишлаган ва у кўндириши мумкин. Оле билан яхши чиқиша олмаган яна бир францияликни ҳам унутмаслик керак. Балки Погба Зидан билан французчасига гаплашиб кўрар.
Брендан Рожерс (“Лестер”)
“Тулкилар” устозига ҳам “Манчестер Юнайтед” раҳбарияти томонидан қизиқишлар бўлмоқда. Рожерс эса ҳозирча бу хабарларга ҳеч қандай муносбат билдирмаган. У инглиз футболини жуда яхши билади ва бу “қизил иблислар” учун айни муддао. Унинг Шотландия чемпионатида орттирган тажрибаси маҳорати ошганлигидан далолат бермоқда. Лекин ҳозирда унинг ишлари беш деб бўлмайди. Негаки унинг жамоаси миллий чемпионатда 12 поғонадан жой олган. Кеча Рожерс шогирдлари ўз уйида “аристократлар”дан 0-3 ҳисобида мағлубиятга учради. Унинг жамоадаги курсиси қимирлагани йўқ. Ҳали “тулкилар” раҳбарияти унга ишонч билдиришда давом этмоқда. Рожерс ҳам жамоадан кетиш истагида деб бўлмайди. У “Манчестер Юнайтед”ни қай даражада бошқара олиши иккинчи масала.
Маурисио Почеттино (“ПСЖ”)
Юқорида Зидан ҳақида фикр билдирдик. Аммо франциялик “Манчестер Юнайтед”дан кўра кўпроқ “ПСЖ”ни бошқаришни истамоқда. Унинг устига парижликлар Почеттино билан яхши натижалар қайд эта олмаяпти. Аргентиналик мутахассис ҳозирги клубида ўз ўрнини йўқотиб қўйганлиги ҳақида ҳам кўплаб хабарлар чиққан. Париж клуби мураббийни истеъфога чиқариши ҳам мумкин. Ана шунда “манкунианликлар”да яна бир вариант пайдо бўлади. Почеттино ҳам инглиз футболини яхши билади. Жамоа учун бу яхши вариант. Лекин, ҳали Маурисио “ПСЖ” мураббийи, агар у истеъфога чиқарилмаса Англияга келиши қийинроқ бўлади.
Юлен Лопетеги (“Севилья”)
Испаниялик мутахассиснинг қўлида жуда ажойиб жамоа йиғилган. Улар ҳозирда Ла лигада пешқадамлик қилмоқда. Лопетеги кучли мутахассис бўлса-да, унинг жамоаси ҳозирда Чемпионлар лигасида гуруҳ босқичида қолиб кетишга яқин турипти. “Андалусияликлар”нинг мусобақаси бу Европа лигасилиги ҳаммага маълум. Лекин энди олдинга қадам ташлаш вақти келди. Мураббий “Манчестер Юнайтед”га келиши эҳтимоли мавжуд. Негаки, унга гранд клуб қизиқиш билдирмоқда. Лекин Премьер лигада у ўзини кўрсата оладими?
Миржалол Пардабоев тайёрлади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
